មន្រ្ដីអាវុធហត្ថប្រចាំទិសស្រុកអន្លង់វែង សុំធ្វើការបដិសេធ និងច្រាលចោលទាំងស្រុង ចំពោះការបង្ហោះព័ត៍មានថា លោកជាអ្នករកស៊ីឈើខុសច្បាប់ និងកៀរគរពលករឆ្លងដែនទៅកាប់ឈើនៅខាងទឹកដីថៃ...
ខេតឧត្ដរមានជ័យ៖ នៅរសៀលថ្ងៃទី២៧ ខែវិច្ឆិការ ឆ្នាំ២០២០ នេះ លោកអនុសេនីយ៍ឯក យ៉ុង គីមម៉េង មន្រ្ដីអាវុធហត្ថប្រចាំទឹសស្រុកអន្លង់វែង សុំធ្វើការបដិសេធ និងច្រានចោលទាំងស្រុង ចំពោះការបង្ហោះព័ត៌មាន បង្កាច់បង្ខូច ចោទប្រកាន់ មកលើរូបលោកថា៖
ជាអ្នកបង្ក្រាបឈើផង និងជាអ្នករកស៊ីឈើផង ធ្វលអោយប៉ះពាល់ដល់កិត្តិយសនិងសេចក្ដីថ្លៃថ្នូររបស់លោក និងអង្គភាពរបស់លោកប្រចាំខេត្តឧត្តរមានជ័យ។
លោក យ៉ុង គីមម៉េង បានបញ្ជាក់តាមទូរស័ព្ទ អោយដឹងថា៖ រូបភាពខាងលើដែលបានចុះផ្សាយតាមព័ត៌មាន ជារូបលោកពិតប្រាកដមែន ដែលជារូបភាពយូណាស់មកហើយ ដែលលោកបានទិញឈើពីពលរដ្ឋ មានបីប្រភេទគឺឈើ ធ្នង់ ឈើ ស:ក្រម និង ឈើ តាសេក យកមកបិតពិដានផ្ទះ ស្ថិតនៅភូមិ ត្រពាំងរុន ស្រុកជីក្រែង ខេត្តសៀមរាប ដើម្បីតុបតែងលំអរក្នុងគេហដ្ឋាន រៀបអាពាហ៍ពិពាហ៍ នៅក្នុងពេលឆាប់ៗខាងមុខនេះ។
លោកបន្តអោយដឹងថា៖ រូបលោកផ្ទាល់មិនដែលកៀរគរពលករ និងរកស៊ីបទល្មើសឈើ នៅតាមខ្សែបន្ទាត់ព្រំដែនដូចការចោទប្រកាន់នោះឡើយ។
អាស្រ័យហេតុនេះ សូមមហាជន និងអង្គភាពសារព័ត៌មានទាំងអស់ សូមកុំមានការយល់ច្រឡំបន្តទៀតអី៕
