(មានវីដេអូ) ខ្លាំងមែន.! ទីតាំងជល់មាន់ អាប៉ោង យូគី ដ៏ធំ គ្មានឈ្មោះ នៅក្បែរកាស៊ីណូច្រកទ្វារអន្តរជាតិអន្លង់ជ្រៃ ខេត្តត្បូងឃ្មុំ ក្រោយបណ្តាសារព័ត៌មានធ្វើការចុះផ្សាយព្រោងព្រាត បានលើកស្លាកកាស៊ីណូឈ្មោះថា (ចក្រវាល ជាយដែន) ភ្លាម.!!!
ខេត្តត្បូងឃ្មុំ៖ បើយោងតាមការអង្កេតឃើញរបស់ក្រុមអ្នកសារព័ត៌មានក្នុងស្រុក នៅថ្ងៃអាទិត្យ ទី២៩ ខែវិច្ឆិកា ឆ្នាំ២០២០ នៅវេលាម៉ោង១១ ព្រឹក នេះ ឃើញមានរថយន្តខ្មែរ ជាង២០០គ្រឿង បានចតទុកមុខបរិវេណ កាស៊ីណូ ពីរកន្លែង រួចនាំគ្នាសម្រុកចូលទៅលេងល្បែងស៊ីសងគ្រប់ប្រភេទ និង ជាពិសេសល្បែងជល់មាន់ ខ្នាយដែក តែម្ដង មានភ្នាល់ដាក់ប្រាក់ក្នុងមួយគូរៗ
រាប់ពាន់ រាប់ម៉ឺនដុល្លារឯណោះ.!។
សូមបញ្ជាក់ថា៖ ទីតាំងកាស៊ីណូទាំងពីរ នៅក្បែរច្រកទ្វារអន្តរជាតិអន្លង់ជ្រៃ ភូមិអន្លង់ជ្រៃ ឃុំកក់ ស្រុកពញ្ញាក្រែក ខេត្តត្បូងឃ្មុំ ដោយមិនឃើញមានអាជ្ញាធរឬសមត្ថកិច្ចពាក់ព័ន្ធចាំការនៅស្រុកពញ្ញាក្រែក ចុះអប់រំណែនាំ និងទប់ស្កាត់ ដើម្បីបង្ការការរីករៀលដាលឆ្លងជំងឺកូវីដ-១៩ ក្នុងសហគមន៍ឡើយិ ខណៈដែលរាជរដ្ឋាភិបាលកម្ពុជានិងក្រសួងសុខាភបាលបានចេញសេចក្តីប្រកាសព័ត៌មានបន្តបន្ទាប់ ហាមមិនអោយមានការជួបជុំប្រមូលផ្តុំគ្នា ត្រូវរក្សាគម្លាតអោយឆ្ងាយពីគ្នា និងបន្តអោយបិទរយៈពេល ២ សប្ដាហ៍ ចាប់ពីថ្ងៃទី២៩ ខែវិច្ឆិកា ឆ្នាំ២០២០ នេះតទៅ។
ប្រជាពលរដ្ឋមានការព្រួយបារម្ភជាខ្លាំង ចំពោះទីតាំងកាស៊ីណូ (ចក្រវាល ជាយដែន) ដែលមានល្បែងស៊ីសងដូចជា៖ ជល់មាន់ ខ្នាយដែក អាប៉ោង យូគី និងកាស៊ីណូមួយកន្លែងទៀត នៅក្បែរច្រកទា្វរអន្តរជាតិអន្លង់ជ្រៃដួចគ្នា ស្ថិតភូមិអន្លង់ជ្រៃ ឃុំកក់ ស្រុកពញ្ញាក្រែក ខេត្តត្បួងឃ្មុំ និងក្លាយជាតំបន់អសន្តិសុខសង្គម នាពេលខាងមុខ។ ប្រសិនបើជាលោក ជាម ច័ន្ទសោភ័ណ អភិបាលខេត្តត្បូងឃ្មុំ លោក បែន រ័ត្ន ស្នងការខេត្ត និងលោក វ៉ា សារិទ្ធ មេបញ្ជាការអាវុធហត្ថខេត្តត្បូងឃ្មុំ គ្មានចំណាត់ទប់ស្កាត់ ហាមមិនអោយពលរដ្ឋខ្មែរចូលទៅលេងក្នុងកាស៊ីណូទាំងពីរខាងលើនោះទេ បើនៅតែបណ្ដែតបណ្ដោយឲ្យពលរដ្ឋខ្មែរចូលទៅលេងយ៉ាងភ្លូកទឹកភ្លូកដី ជារៀងរាល់សប្ដាហ៍បែបនេះនោះ។ នេះសបញ្ជាក់ឲ្យឃើញថាមានការឃុបឃិតគ្នាជាប្រព័ន្ធ ដើម្បីលាក់បាំងថ្នាក់ដឹកនាំ និងដើម្បីជាប្រយោជន៍ផ្ទាល់ខ្លួនចែកគ្នីគ្នាធ្វើមានបានហើយមើលទៅនោះ ទើបបានជាលោកធ្វើជាដេកលក់។
ជុំវិញករណីកាស៊ីណូទាំងពីរបើកស្វាគមន៍ឲ្យប្រជាពលរដ្ឋខ្មែរចូលទៅលេងល្បែងស៊ីសងភ្លូកទឹកភ្លូកដី នៅក្បែរច្រកអន្តរជាតិអន្លង់ជ្រៃ ខាងលើ ប្រជាពលរដ្ឋសូមស្នើសុំដល់ ឯកឧត្ដម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ សូមចាត់វិធានការដល់មន្ត្រីជំនាញចុះស៉ើបអង្កេត និងត្រួតពិនិត្យទីតាំងកាស៊ីណូទាំងពីរ ដែលមានភាពមិនប្រក្រតីផងទាន ពីព្រោះថៅកែកាស៊ីណូទាំងពីរនេះ ហ៊ានផ្គើនទៅនឹងច្បាប់អនុញ្ញាតរបស់រាជរដ្ឋាភិបាលកម្ពុជា ដែលបើកឲ្យតែជនជាតិបរទេសចូលលេងតែប៉ុណ្ណោះ.! មិនអនុញ្ញាតឲ្យប្រជាពលរដ្ឋខ្មែរណាម្នាក់ចូលលេងទេ៕
