រាជធានីភ្នំពេញ៖ មានករណីបាញ់សម្លាប់សង្សាខ្លួនជាច្រើនគ្រាប់ បង្កការភ្ញាក់ផ្អើល នៅវេលាម៉ោង១២និង១០យប់ រំលងអធ្រាត្រ ឈានចូលថ្ងៃទី១៧ ខែមករា ឆ្នាំ២០២០ នៅចំណុច ផ្ទះលេខH-03 ផ្លូវលំBT ក្នុងបុរីរំចេកអូឌឹម សង្កាត់កន្ទោក ខណ្ឌកំបូល រាជធានីភ្នំពេញ ។ សមត្ថកិច្ចបានអោយដឹងថា៖ នារីរងគ្រោះមានឈ្មោះ ស៊ុន ឌីណា ភេទស្រី អាយុ២៦ ឆ្នាំ ជានិសិត្សពេទ្យ ស្នាក់នៅផ្ទះកើតហេតុខាងលើ រីឯជនសង្ស័យ ត្រូវជាសង្សារជនរងគ្រោះ (មិនទាន់ស្គាល់អត្តសញ្ញាណ) គេចខ្លួនបាត់ ។ យោងតាមប្រភពនៅក្បែកន្លែងកើតហេតុព័ត៌មបានអោយដឹងថា៖ មុនពេលកើតហេតុ ជនសង្ស័យត្រូវជាមិត្តប្រុសរបស់ជនរងគ្រោះ នៅក្នុងផ្ទះជាមួយគ្នា មួយសន្ទុះក្រោយមកស្រាប់តែលឺស្នូរ ផ្ទុះអាវុធជាច្រើនគ្រាប់ ហើយ គេក៏ឃើញជនសង្ស័យ បីជនរងគ្រោះ ចេញមកខាងក្រៅ រួចហៅកង់បីឥណ្ឌា ដឹកនារីរងគ្រោះទៅមន្ទីរពេទ្យមិត្តភាពខ្មែរ-សូវៀត ដើម្បីសង្គ្រោះ តែដោយសភាពរបួសធ្ងន់ពេក ទើបនារីរងគ្រោះបានផុតដង្ហើម នៅពេលបញ្ជូនបានពាក់កណ្តាលផ្លូវ មុនដល់មន្ទីរពេទ្យ ។ ប្រភពដដែលបន្តទៀតថា៖ ករណីខាងលើ កើតឡើងតាំងពីម៉ោង០៩យប់មកម៉្លេះ ដោយសារតែការផ្ទុះអាវុធនេះ កើតឡើងនៅក្នុងផ្ទះល្វែង ទើបមិនសូវមានអ្នកចាប់អារម្មណ៍ពីស្នូរគ្រាប់កាំភ្លើង ដោយឃើញសមត្ថកិច្ច ចុះមកពិនិត្យកន្លែងកើតហេតុ ទើបផ្អើលឆោឡោតែម្តង ។ បច្ចុប្បន្ន៖ សាកសពនារីរងគ្រោះ តម្កល់នៅក្នុងមន្ទីរពេទ្យ មិត្តភាពខ្មែរ-សូវៀត ដើម្បីកម្លាំងជំនាញកោសលវិច័យ មកពិនិត្យស្រាវជ្រាវនិងតាមចាប់ខ្លួនជនសង្ស័យ មកផ្តន្ទាទោស តាមផ្លូវច្បាប់ ៕ ដោយៈ លោក សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com