ខេត្តឧត្តរមានជ័យ៖ បើតាមការអង្កេតរបស់ក្រុមអ្នកសារព័ត៌មានក្នុងស្រុកឃើញថា៖ មានការបើករោងសិប្បកម្មឈើអត់ច្បាប់ជាច្រើនកន្លែង ស្ថិតនៅចំណុចភូមិត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ កំពុងធ្វើសកម្មភាពជារៀងរាល់ថ្ងៃ តែមិនដែលឃើញមានសមត្ថកិច្ចជំនាញពាក់ព័ន្ធក្នុងស្រុក និងលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ ធ្វើការចុះបង្ក្រាបនោះទេ សង្ស័យត្រូវថ្នាំសណ្តំពីក្រុមម្ចាស់សិប្បកម្មឈើទាំងនោះហើយមើលទៅ.?។ ជាក់ស្តែង: នៅថ្ងៃទី១១ ខែធ្នូ ឆ្នាំ២០២០ នៅវេលាម៉ោង ០៣ និង ២០ នាទីល្ងាច ក្រុមអ្នកសារព័ត៌មានជាច្រើនអង្គភាព បានចុះទៅថតផ្ដិតយករូបភាពនៅទីតាំងនោះផ្ទាល់ ឃើញមាន៖ (ម៉ាស៊ីនតាបជ្រៀកឈូស និងឈើតាប់ដុំតូចធំជាច្រើនម៉ែត្រគូប ឈើសន្លឹកមុខកាត់ធំៗជាច្រើនសន្លឹក ដែលពួកជាងកំពុងតាបជ្រៀកជាច្រើននាក់ លាន់ឮសម្លេងទ្រហឹងអឹងកងពេញក្នុងភូមិ) តែបែរជាអស់លោកសមត្ថកិច្ចជំនាញពាក់ព័ន្ទក្នុងស្រុក និងលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រសាទ ខេត្តឧត្តរមានជ័យ ធ្វើជាដេកលក់ រក្សាភាពស្ងប់ស្ងាត់បានជាយូឆ្នាំហើយ ជាថ្នូរនិងលាភសក្ការៈរបស់ខ្លួនចែកគ្នីគ្នាធ្វើមានបាន ដល់សព្វថ្ងៃនេះ។ ប្រជាពលរដ្ឋសម្ដែងការខកចិត្តយ៉ាងខ្លាំងចំពោះលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំប្រាសាទ ក្នុងនាមលោកជានាយសង្កាត់រដ្ឋបាលព្រៃឈើ គួរតែលោកសហការនិងកម្លាំងជំនាញចម្រុះ ចុះធ្វើការបង្ក្រាប។ ហេតុអ្វី? លោកមិនបង្ក្រាប បែរជាបណ្ដែតបណ្ដោយអោយក្រុមឈ្មួញប្រព្រិត្តបទល្មើស ធ្វើការកាប់បំផ្លាញព្រៃឈើធនធានធម្មជាតិ យកកែឆ្នៃទៅលក់បន្តបានយ៉ាងរលូនរាប់ឆ្នាំបែបនេះទៅវិញ.?។ ប្រជាពលរដ្ឋសូមសំណូមពរទៅដល់ នាយឧត្តម ឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈបញ្ជាការឯកភាពបង្ក្រាបបទល្មើសធុនធានធម្មជាតិ និងលោកប្រធានមន្ទីរកសិកម្មរុក្ខាប្រមាញ់និងនេសាទខេត្តឧត្ដរមានជ័យ សូមមេត្តាដាក់កម្លាំងជំនាញធ្វើការស៉ើបអង្កេតចុះបង្រាប់ទីតាំងសិប្បកម្មឈើគ្មានច្បាប់ជាច្រើនកន្លែងនៅស្រុកត្រពាំងប្រាសាទ នេះផងទាន ប្រជាពលរដ្ឋអស់ជំនឿលើលោក ជៀល សុផល នាយសង្កាត់រដ្ឋបាលព្រៃឈើ ប្រចាំស្រុកត្រពាំងប្រាសាទទៀតហើយ ព្រោះលោកមិនដែលធ្វើការបង្ក្រាប៕ ដោយ: លោក សួន ចំណាប់