ខេត្តបន្ទាយមានជ័យ៖ នៅថ្ងៃទី៣០ ខែវិច្ឆិកា ឆ្នាំ២០២០ វេលាម៉ោង១១និង១៥នាទី ដោយយោងតាមការចង្អុរបង្ហាញ និងយកចិត្តទុកដាក់ពីលោកឧត្តមសេនីយ៍ត្រី សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ លោកវរសេនីយ៍ឯក ធិន ស៊ិនដេត ស្នងការរងទទួលផែនការងារប្រឆាំងគ្រឿងញៀន បានដឹកនាំកម្លាំងចុះបង្រ្កាបករណីជួញដូរគ្រឿងញៀនខុសច្បាប់នៅចំណុចផ្ទះជនសង្ស័យមួយកន្លែងជាប់របងវត្ត(សមាធិផល)ស្ថិតនៅភូមិ៤ សង្កាត់ព្រះពន្លា ក្រុងសិរីសោភ័ណ្ឌ ឃាត់ខ្លួនជនសង្ស័យបានចំនួន១ នាក់ ឈ្មោះ សាញ់ សុខា ភេទប្រុស អាយុ ៥២ ឆ្នាំ រស់នៅភូមិឃុំខាងលើ ដែលជាមុខសញ្ញាចាស់ធ្លាប់ជាប់ពន្ធនាគាររយៈពេល៥ឆ្នាំ ពីបទជួញដូរគ្រឿងញៀនខុសច្បាប់។ ក្នុងការចុះបង្ក្រាបករណីគ្រឿងញៀននេះផងដែរ លោកវរសេនីយ៍ឯក ធិន ស៊ិនដេត បានអោយដឹងថា៖ កម្លាំងលោកបានឆែកឆេរក្នុងលំនៅឋានជនសង្ស័យ រកឃើញវត្ថុតាងគ្រឿងញៀនរួមមាន៖ ១-ថ្នាំប្រភេទគ្រាប់Wyចំនួន ៣២ គ្រាប់។២-ម្សៅក្រាមពណ៌សថ្លាចំនួន ១៣ កូនថង់តូច។៣-បំពង់ជក់ ១ .ដែកកេះ ៥ ដេីម និងសំបកកូនថង់ផ្លាស្ទិចមួយចំនួន ។ លោកបានបញ្ជាក់អោយដឹងថា៖ ក្នុងកិច្ចចុះប្រតិបត្តិការបង្ក្រាបករណីខាងលើ ដោយមានកិច្ចសហការដឹកនាំនិងសម្របសម្រួលដោយលោក លឹម ប៊ុនសុភក្រ្ត័ ព្រះរាជអាជ្ញារងអមសាលាដំបូងខេត្តបន្ទាយមានជ័យផងដែរ។ បច្ចុប្បន្ន: ជនសង្ស័យខាងលើ កម្លាំងសមត្ថកិច្ចជំនាញផែនគ្រឿងញៀន នៃស្នងការដ្ឋាននគរបាលខេត្តបន្ទាយមានជ័យ កំពុងកសាងសំណុំរឿងចាត់ការតាមនីតិវិធី៕ ដោយ: គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា