ខេត្តបន្ទាយមានជ័យ៖ មន្ទីរប្រឆាំងគ្រឿង ញៀន បានសហការណ៍ជាមួយ កំលាំងនគរបាលជំនាញបង្ក្រាបគ្រឿងញៀនខេត្ត និង កំលាំងនគរបាលក្រុងប៉ោយប៉ែត បានចុះបង្ក្រាបគ្រឿងញៀននៅក្នុងក្រុងប៉ោយប៉ែត ទ្រង់ទ្រាយធំ ឈានដល់ឃាត់ខ្លួនមនុស្សបានចំនួន ៣នាក់ និងដកហូតគ្រឿងញៀនចម្រុះចំនួន២វ៉ាលីនិង១ធុង ស្មើរជិត១០គីឡូក្រាម នៅវេលាម៉ោង២០និង៣០នាទី ថ្ងៃទី១៥ ខែធ្នូ ឆ្នាំ២០២០ នៅក្នុងក្រុងប៉ោយប៉ែត។ លោកឧត្តមសេនីយ៍ទោសិទ្ធិ ឡោះ ស្នងការនគរបាលបាលខេត្តបន្ទាយមានជ័យ បានប្រាប់អ្នកយកព័ត៌មានអោយដឹងថា៖ ការបង្ក្រាបគ្រឿងញៀនចម្រុះ ទ្រង់ទ្រាយធំនេះបានដឹកនាំដោយលោកឧត្តមសេនីយ៍ត្រី យិន បញ្ញារិទ្ធ នាយករងមន្ទីរប្រឆាំងគ្រឿងញៀន លោកវរសេនីយ៍ឯក ធិន សុីនដេត ស្នងការរងទទួលផែនគ្រឿងញៀន និង កម្លាំងផ្នែកជំនាញប្រឆាំងគ្រឿងញៀនក្រុងប៉ោយប៉ែត ដឹកនាំដោយលោកវរសេនីយ៍ឯក សៅ សារឿន អធិការដ្ឋាននគរបាលក្រុងប៉ោយប៉ែត និងដោយមានការដឹកនាំសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ បានចុះបង្ក្រាប និងឃាត់ខ្លួនជនសង្ស័យប្រុសស្រីបានចំនួន៣នាក់៖ ទី១-ឈ្មោះ ទី យៀង ភេទស្រី អាយុ៤៣ឆ្នាំ ទី២-ឈ្មោះ ហុង ម៉េង ភេទប្រុស អាយុ១៦ឆ្នាំ ទី៣-ឈ្មោះ សេង ដាលីសិទ្ធ ភេទប្រុស អាយុ៤០ឆ្នាំ។ លោកឧត្តមសេនីយ៍ទោសិទ្ធិ ឡោះបានបញ្ជាក់អោយដឹងបន្តទៀតថា៖ សមត្ថកិច្ចចម្រុះបានសហការ ឈានដល់ការត្រួតពិនិត្យ និងឆែកឆេរផ្ទះ ស្វែងរកវត្ថុតាង"មាន២ទីតាំង" ទីតាំងទី១ ចំណុចផ្ទះជួលរបស់ឈ្មោះ ទី យៀង ភេទស្រី ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ដកហូតវត្ថុតាងមានចំនួន២វ៉ាលី។ ទីតាំងទី២ នៅចំណុចបន្ទប់ជួលរបស់ឈ្មោះ សេង ដាលីសិទ្ធ ភេទប្រុស ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ដកហូតវត្ថុតាងមាន១ធុង។ លោកឧត្តមសេនីយ៍ទោ សិទ្ធិ ឡោះ បានបញ្ជាក់អោយដឹងបន្តទៀតថា៖ លុះនៅព្រឹកថ្ងៃទី១៦ ខែធ្នូ ឆ្នាំ២០២០ បានបញ្ជូនមកស្នងការ ដើម្បីធ្វើការត្រួតពិនិត្យ និងធ្វើការ បើកវ៉ាលី និង១ធុង ឃើញមានសម្ភារៈ វត្ថុតាងរួមមាន: ចំនួន១ថ្នាំគ្រាប់ពណ៌ចម្រុះ តាហ្សីមានចំនួន៤៨ថង់ ២ម្សៅក្រាមពណ៌ ស ១៤ថង់ ៣ម្សៅសដុំ មានចំនួន២កញ្ចប់ ម្សៅគ្រាប់ពណ៌ត្នោត មានចំនួន២កញ្ចប់ ៥ ថ្នាំគ្រាប់ព៍ណក្រហមមានចំនះន១៧កញ្ចប់ ៦ ថ្នាំគ្រាប់ Fi Fi មានចំនួន១៧បន្ទះ ៧ ម្សៅគ្រាប់ព៍ណខ្មៅមានចំនួន៣ថង់ ៨ ថ្នាំកញ្ចប់ចំរុះមានចំនុះ២៥កញ្ចប់ស្មើរនិងជិត១០គីឡូក្រាម . ៩ កាំភ្លើង១ដើម ម៉ាករូឡូ មានជិត១០គ្រាប់ ប្លង់ដីចំនួន២ច្បាប់។ គួរបញ្ជាក់ផងដែរថាថ្នាំញៀនដែលបង្ក្រាបបានជិត១០គីឡូក្រាមនេះ ត្រូវបានលោកឧត្តមសេនីយ៍ត្រី យិន បញ្ញារិទ្ធ នាយករងមន្ទីប្រឆាំងគ្រឿងញៀនដឹកតាមរថយន្តយកទៅភ្នំពេញចាត់ការបន្ត ចំណែកជនសង្ស័យទាំង៣នាក់ កំលាំងជំនាញបង្ក្រាប គ្រឿងញៀនខេត្តបានបញ្ជូនទៅតុលាកាដើម្បី ដាក់ទោសទៅតាមផ្លូវច្បាប់៕