ក្រុងប៉ោយប៉ែត៖ នៅថ្ងៃច័ន្ទ ១១រោច ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែមករា ឆ្នាំ២០២០ វេលាម៉ោង០៣ និង ១៥ នាទី ទាបភ្លឺ មានប្រជាពលរដ្ឋបានរាយការណ៍មកកម្លាំងជំនាញថាមានករណីចោរឆក់ទូរស័ព្ទនៅម្ដុំសាលាសង្កាត់ប៉ោយប៉ែត ដែរស្ថិតនៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉េត ខេត្តបន្ទាយមានជ័យ ។ ក្រោយទទួលបានព័ត៌មានភ្លាមកម្លាំងជំនាញនៃអធិការដ្ឋាននគរបាលក្រុងប៉ោយប៉ែត បានចុះទៅដល់កន្លែងកើតហេតុ ហើយធ្វើការឃាត់ខ្លួនជនសង្ស័យបានម្នាក់ និងបានដកហូតបានកំបិតបុ័ងតោចំនួន១ដើម និងទូរស័ព្ទ០១គ្រឿងម៉ាក oppo A3s ពណ៍ខ្មៅ យកមកអធិកាដ្ឋានដើម្បីសួរនាំ។ លោកវរសេនីយ៍ឯក ធិន ស៊ិនដេត អធិការក្រុងប៉ោយប៉ែត បានអោយសារព័ត៌មាន (គេហទំព័រ ប៉ោយប៉ែតប៉ុស្តិ៍) យើងខ្ញុំ ដឹងយ៉ាងច្បាស់ថា៖ ជនរងគ្រោះមានឈ្មោះ អ៊ឹម ម៉េង ភេទប្រុស អាយុ៥៤ឆ្នាំ ស្នាក់នៅភូមិ សាមគ្គីមានជ័យ សង្កាត់ប៉ោយប៉ែត បានមកដាក់ពាក្យបណ្ដឹង ដោយបានសំណូមពរអោយសមត្ថកិច្ចចាត់ការតាមផ្លូវច្បាប់ និងស្នើសុំទូរស័ព្ទយកទៅប្រើប្រាស់វិញ។ លោកអធិការបានបញ្ជាក់អោយដឹងថា៖ ជនសង្ស័យមានឈ្មោះ ជិន សារ៉ាន់ ភេទប្រុស អាយុ៣៤ឆ្នាំ ស្នាក់នៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត។បន្ទាបពីសមត្ថកិច្ចសាកសួរជនសង្ស័ខាងលើ បានឆ្លើយសារភាពថា៖ ខ្លួនពិតជាបានឆក់យកទូរស័ព្ទដៃពីជនរងគ្រោះ និង មានកំបិតប៉័ងតោមួយជាប់ខ្លួន ព្រមទាំងបានប្រើប្រាស់គ្រឿងញៀនពិតប្រាកដមែន។ បច្ចុប្បន្នៈ សមត្ថកិច្ចអធិការដ្ឋាននគរបាលក្រុងប៉ោយប៉ែត កំពុងកសាងសំណុំរឿងជនសង្ស័យឈ្មោះ ជិន សារ៉ាន់ ដើម្បីចាត់ការបន្តតាមនីតិវិធី៕ ដោយៈ លោក ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com