រាជធានីភ្នំពេញ៖​ នៅវេលា​ម៉ោង​ ​១៤ និង ៣០ នាទីរសៀល ថ្ងៃទី២១ ខែមករា ឆ្នាំ​២០២០​​​​ កម្លាំងនៃអធិការដ្ឋាននគរបាលខណ្ឌពោធិ៍សែនជ័យ បង្រ្កាបបានជនសង្ស័យ០៤នាក់ ពាក់ព័ន្ធករណីប្រេីប្រាស់ និង ជួញដូរគ្រឿងញៀនដោយខុសច្បាប់ ស្ថិត​នៅ​ភូមិ​ត្រពាំង​ទា​​ សង្កាត់​ត្រពាំង​ក្រសាំង​ ខណ្ឌ​ពោធិ៍​សែនជ័យ។ ​ សមត្ថកិច្ចខណ្ឌពោធិ៍សែនជ័យបានអោយ ការដឹងថា៖ ការបង្ក្រាបនេះ ឃាត់ខ្លួនជនសង្ស័យបាន​ចំនួន​០៤នាក់​ មានដូចខាងក្រោម ៖ ទី១- ឈ្មោះ​ ចាន់​ រិទ្ធី​ ភេទ​ប្រុស​ ​អាយុ​៣១ឆ្នាំ​ មុខរបរ​ លាងម៉ូតូ​ ស្នាក់នៅភូមិ​ព្រៃ​ជី​សាក់​ សង្កាត់ចោមចៅទី៣​ ខណ្ឌពោធិ៍សែនជ័យ​ មានស្រុកកំណេីតខេត្តស្វាយរៀង​។ ទី២-ឈ្មោះ​ ភឿន​ ទូច​ ភេទ​ប្រុស​ អាយុ​ ៣២ឆ្នាំ មុខរបរ​ សំណង់​ ស្នាក់នៅ​ភូមិ​ត្រពាំង​ទា​ សង្កាត់​ត្រពាំង​ក្រសាំង ​ខណ្ឌ​ពោធិ៍​សែនជ័យ​។ ទី៣-ឈ្មោះ​ កង​ សុភ័ក្ត​ ភេទ​ប្រុស អាយុ​ ៤១ឆ្នាំ​ មុខរបរ​ ជួញដូរថ្នាំញៀន​ ស្នាក់នៅផ្ទះជួល​ ភូមិត្រពាំងទា​ សង្កាត់ត្រពាំងក្រសាំង​ ខណ្ឌពោធិសែនជ័យ​។ ទី៤-ឈ្មោះ រឿង​ ថា​វី​ ភេទ​ស្រី អាយុ​២៩ឆ្នាំ​ មុខរបរ​ កម្ម​ករ​រោងចក្រ​ ​ស្នាក់​នៅភូមិ​ត្រពាំង​ទា​ សង្កាត់​ត្រពាំង​ក្រសាំង​ ខណ្ឌ​ពោធិ៍​សែនជ័យ​។ ​ ក្នុងករណីនេះដែរ​ សមត្ថកិច្ច​ ធ្វើការដកហូតវត្ថុតាងរួមមាន៖ ម្សៅ​ស​ក្រាម​ ​​ចំនួន​ ​៥៨​កញ្ចក់​តូច​ ​ធំ​ល្មម​ ​ចំនួន​ ​០៣​កញ្ចប់​ និង​ជញ្ជីង​ ​ចំនួន​ ២​។ បច្ចុប្បន្នៈ ជន​សង្ស័យទាំង​០៤នាក់​ កំពុង​ឃុំ​ខ្លួន​បណ្ដោះ​អាសន្ន​ នៅ​អធិការ​ខណ្ឌ​ពោធិ៍​សែនជ័យ​ ​ដេីម្បី​សាកសួរបន្ត និង សាងសំណុំរឿងតាមនិតិវិធី៕ ដោយៈ លោក សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com