ខេត្តបន្ទាយមានជ័យ៖ នៅថ្ងៃទី០១ ខែធ្នូ ឆ្នាំ២០២០ វេលាម៉ោង២១និង៥០នាទី បុរសឈ្មោះ សុីន ថៃវ៉ាន់ថា ភេទប្រុស អាយុ៥២ រស់នៅភូមិបឹងសាឡាង ឃុំទួលគោក ក្រុងភ្នំពេញ ដែលបច្ចុប្បន្ន អ្នកបើកបរឡានក្រុង (ប៉ោយប៉ែត-ទៅបាត់ដំបង) បានមកដាក់ពាក្យបណ្តឹងរាយការណ៍ថា នៅយប់ថ្ងៃទី០១ ខែវិច្ឆិកា ឆ្នាំ២០២០ វេលាម៉ោង ២០និង១៥នាទី នៅចំណុចខាងលិចស្ដុបទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ មានករណីធ្វើអោយខូចខាតដោយចេតនា ទ្រព្យសម្បត្តិអ្នកដ៏ទៃ (គប់កញ្ចក់ឡាន) មួយបានកើតឡើង បង្កដោយ ជនសង្ស័យមានគ្នាប្រាំនាក់ មិនស្គាល់អត្តសញ្ញាណ ភេទប្រុស បាននាំគ្នាគប់កញ្ចក់ឡានក្រុង១គ្រឿងម៉ាក ហុិយ៉ាន់ដាយ ពណ៌ក្រហមលាយស ជិះក្នុងទិសដៅពីលិចមកទិសខាងកើត(ប៉ោយប៉ែតនិងបាត់ដំបង) បណ្ដាលអោយបែកកញ្ចក់ផ្នែកខាងឆ្វេងមុខតៃកុងឡាន បន្ទាប់មកតៃកុងឡាន បានទៅដាក់ពាក្យបណ្តឹងនៅ ប៉ុស្តិនគរបាលរដ្ឋ បាលទឹកថ្លា។ ក្រោយពីបានទទួលបណ្ដឹង និងដោយបានការអនុញ្ញាតបទបញ្ជាពីលោក ឧត្តមសេនីយ៍ទោ សិទ្ធិ ឡោះ ស្នងការខេត្តបន្ទាយមានជ័យ និងលោក ឧត្តមសេនីយ៍ត្រី នូ ជីវ័ន្ដ ស្នងការរងផែនព្រហ្មទណ្ឌ កំលាំងប៉ុស្ដិ៍បានចុះស្រាវជ្រាវនិងបានឆែកកាំមេរ៉ាសុវត្តិភាពកំណត់មុខសញ្ញបាន ។ លុះព្រឹកឡើងថ្ងៃទី០២ ខែធ្នូ ឆ្នាំ២០២០ វេលាម៉ោង០៨ព្រឹក កម្លាំងប៉ុស្តិ៍បាននាំខ្លួនជនសង្ស័យ១នាក់ឈ្មាះ ម៉ៅ លៀបហេង ភេទប្រុស អាយុ១៣ឆ្នាំរស់នៅភូមិទឹកថ្លា សង្កាត់ទឹកថ្លា ក្រុងសិសោភ័ណ មកសាកសួរ នៅប៉ុស្ដិ៍ ជនរូបនេះបានសារភាពថាខ្លួនគេជាអ្នកគប់កញ្ចក់ឡានពិតមែន និងបក្សពួក ៤ នាក់ទៀត។ បច្ចុប្បន្ន៖ ជនសង្ស័យខាងលើ សមត្ថកិច្ចជំនាញ កំពុងកសាងសំណុំរឿងចាត់ការតាមនីតិវិធី៕ ដោយ: លោក ឡាយ សុជាតិ គេហទំព័រ ប៉ោយប៉ែត ប៉ុស្តិ៍