ក្រុមក្មេងទំនើង! ជិះម៉ូតូបង្ហោះ លេងស៊ីម៉ាំងប្រែន ត្រូវបានសមត្ថកិច្ចឃាត់ខ្លួន យកទៅរអប់រំ.!!!
ខេត្តបន្ទាយមានជ័យ៖ កាលពីថ្ងៃព្រហស្បតិ៍ ៣រោច ខែមិគសិរ ឆ្នាំជូត ទោស័កព.ស២៥៦៤ ត្រូវនឹងថ្ងៃទី០៣ ខែធ្នូ ឆ្នាំ២០២០ វេលាម៉ោង១៥និង០០នាទី អាជ្ញាធរភូមិបានរាយការណ៍ មកប៉ុស្តិ៍នគរបាលគោករមៀតថា៖ មានករណីក្មេងទំនើងជិះម៉ូតូបំពាក់ស៊ីម៉ាំង កែច្នៃ (ស៊ីម៉ាំងប្រែន) ជិះរំខាននៅចំណុចក្បែរសាលាឃុំគោករមៀត ក្រោយទទួលបានព័ត៌មាន និងដោយមានការយកចិត្តពីលោកឧត្តមសេនីយ៍ទោ សិទ្ធិ ឡោះ ស្នងការខេត្តបន្ទាយមានជ័យ ពីបញ្ហាក្រុមក្មេងទំនើង តែងតែដើបង្កអសន្តិសុខក្នុងសង្គម លោកឧត្តមសេនីយ៍ត្រី នូ ជីវ័ន្ដ ស្នងការរងផែនព្រហ្មទណ្ឌ បានចង្អុរបង្ហាញនិងដាក់បទបញ្ជាយ៉ាងម៉ឺងម៉ាត់ លោកវរសេនីយ៍ទោ ឈឿន គឹមឈុន អធិការស្រុកថ្មពួក បានដឹកនាំកម្លាំងប៉ុស្តិ៍ ចុះទៅដល់កន្លែង បានប្រទះឃើញនិងឃា្លត់ច្លួន ឈ្មោះ កែវ គីតា ភេទប្រុស អាយុ ១៧ឆ្នាំ រស់នៅភូមិគោករមៀត ឃុំគោករមៀត ស្រុកថ្មពួក ខេត្តបន្ទាយមានជ័យ។
ពាក់ព័ន្ធករណីខាងលើ កម្លាំងអធិការស្រុកថ្មពួក បានឃាត់ខ្លួនយកមកប៉ុស្តិ៍ ដើម្បីដក់ហូត បំពុងស៊ីម៉ាំងកែឆ្នៃរក្សាទុក និងប្ដូរដាក់ស៊ីម៉ាំងធម្មតាវិញ ហើយបានធ្វើកិច្ចសន្យាអប់រំណែនាំ អោយបញ្ឈប់ប្រើប្រាស់បំពង់ស៊ីម៉ាំងកែច្នៃ (ស៊ីម៉ាំងប្រែន) តទៅទៀត រួចបានទំនាក់ទំនងទៅ អាណាព្យាបាល មកធ្វើការធានាដើម្បីអោយយកកូនត្រឡប់ទៅផ្ទះវិញ៕
ដោយ: លោក ឡាយ សុជាតិ
គេហទំព័រ ប៉ោយប៉ែត ប៉ុស្តិ៍
www poipetpostnews.com
