ថ្ងៃច័ន្ទ ទី២៥ ខែមករា ឆ្នាំ២០២១
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098 / 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092 190 098 - 088 66 06 773 ) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ។
ដីព្រៃភ្នំ ឧទ្យានជាតិបូទុមសាគរ គ្រប់គ្រងដោយបរិស្ថាន ត្រូវមេគយឈ្មោះ ហ៊ីន វាសនា ហៅគយស្នា កាប់ទន្ទ្រានយកដីធ្វើកម្មសិទ្ធិឯកជន.!!!
Sat,05 December 2020 (Time 11:48 PM)
ដោយ ៖ គេហទំព័រ ប៉ោយប៉ែត ប៉ុស្តិ៍ (ចំនួនអ្នកអាន: 128នាក់)


ខេត្តកោះកុង៖ ប្រភពបែកធ្លាយមេគយឈ្មោះ ស្នា បានធ្វើសកម្មភាពជួលកម្មករទៅកាប់ដីព្រៃភ្នំប្រមាណជាង៣០ហិកតា ហើយដីព្រៃភ្នំដែលលោកហ៊ីន វាសនា ហៅគយស្នាជួលមនុស្សអោយចូលទៅកាប់ព្រៃនោះ ស្ថិតនៅចំណុចគេហៅ ចេក ខ្នងភ្នំព្រែកគល់ ស្ថិតនៅក្នុងភូមិថ្មី និងភូមិចំការលើ ក្នុងឃុំថ្មស ស្រុកបូទុមសាគរ ខេត្តកោះកុង។ តាមប្រភពព័ត៌មានពីប្រជាពលរដ្ឋនៅទីនោះសូមមិនបញ្ចេញឈ្មោះបានអោយដឹងថា មានមេគយម្នាក់ ឈ្មោះមហ៊ីន វាសនា ហៅគយស្នា នៅឈរជើងទីកន្លែងគយអណ្ដូងទឹក ក្នុងឃុំអណ្ដូងទឹក ស្រុកបុទុមសាគរ ខេត្តកោះកុង ហើយគយស្នានេះ ក៏មានផ្ទះមួយខ្នងនៅទល់មុខសាលាឃុំ អណ្ដូងទឹកផងដែរ។ ប្រភពពីពលរដ្ឋបន្តទៀតថា មេគយ ស្នា បានទៅទិញដីព្រៃភ្នំ ក្នុងមួយហិចតា១៥០០ដូល្លារ ហើយជួលកម្មករអោយចូលទៅកាប់ព្រៃមួយហិកតាចំនួន៣០០ដូល្លារបន្តទៀត។ ប្រភពដដែលបន្តទៀតថា មេគយ ស្នា កាប់ដីព្រៃនេះ ដើម្បីដាំកូនស្វាយកែវរមៀតចំនួន២០០ដើម រួចរាល់ហើយ និងទិញដីភ្នំនេះបន្តថែមទៀត នៅក្នុងតំលៃ៥០០ដូល្លារ ក្នុង១ហិកតា ហើយអោយជួលអោយកម្មករកាប់ព្រៃ៣៥០ដុល្លារ ថ្លៃឈ្នួលកាប់ព្រៃទាំងអស់នេះ ហើយមេគយរូបនោះគេជាអ្នកធានាខាងបរិស្ថាន រឿងកាប់ដីព្រៃនេះ តែបើខាងអង្គការសម្ព័ន្ធសត្វព្រៃ ហៅថា ស្វាយអេតនោះ មេគយស្នា នេះមិនធានាទេ បើឃើញមកហើយឬដឹងដំណឹងមុន អោយអ្នកកាប់ព្រៃនោះរត់ទៅ គេមិនធានាខុសត្រូវឡើយ នេះជាប្រភពព័ត៌មានដែលទទួលបានពីពលរដ្ឋនៅទីនោះផ្ទាល់មាត់។ ក្រោយទទួលបានប្រភពព័ត៌មានភ្លាម សារព័ត៌មានជាច្រើនស្ថាប៍ន បានទូរស័ព្ទទៅលោកមេភូមិឈ្មោះ សន ចេក បានឆ្លើយថា រឿងគេកាប់ព្រៃនោះគាត់មិនបានដឹងទេ ឬ ដីព្រៃនេះ គែនៅលើខាងបរិស្ថាន និង មេព្រៃគេទេ ហើយដីឧទ្យានជាតិទេ គាគ់មិនដឹងទេ លោកមេភូមិបន្តថា កន្លងមកគាត់បានប្រជុំ ប្រាប់ប្រជាពលរដ្ឋដែរថាមិនអោយចូលទៅកាប់ដីព្រៃភ្នំទាំងអស់នោះទេ នេះជាកាលើកឡើងរបស់មេភូមិ សន ចេក។ បន្ទាប់មក ក្រុមអ្នកសារព័ត៌មាន បានទូរស័ព្ទទៅលោកមេឃុំ ថ្មស ឈ្មោះ អិក កួន សុំការបំភ្លឺក្នុងការកាប់ទន្ទ្រានដីព្រៃភ្នំនេះ តែតេទូរស័ព្ទចូលលោកមេឃុំហើយ គ្មានអ្នកលើក។ ពាក់ព័ន្ធរឿងកាប់ដីព្រៃភ្នំនេះ ក្រុមសារព័ត៌មានយើងបាន ទូរស័ព្ទទៅលោក តាំង ផាន់ណារិទ្ធ ដែលជាមេព្រៃស្រុកបូទុមសាគរ តេចូលចំនួន២ដង តែមិនមានអ្នកលើកទូរស័ព្ទនោះទេ។ ចំណែកលោក អុឹង មន្នី ហៅតាវ៉ាត ជានាយកបរិស្ថាន ឧទ្យានជាតិបូទុមសាគរ ទូរស័ព្ទចូល២ដង តែមិនមានអ្នកលើកដូចគ្នា។ ពាក់ព័ន្ធនៅក្នុងការកាប់ទន្ទ្រានរានយកដីព្រៃភ្នំ នៅចំណុចភ្នំព្រែកគល់នេះ ដែលមានឈ្មោះ ហ៊ីន វាសនា ហៅគយស្នា នេះ អ្នកសារព័ត៌មានបានទូរស័ព្ទទៅដែរ តែលោកឆ្លើយថា ជាប់រវល់ រួចក៏បិទទូរស័ព្ទទៅ។ ជុំវិញនៃការកាប់ទន្ទ្រានរានយកដីព្រៃភ្នំពីសំណាក់ លោក ហុិន វាសនា ដែលជាមេគយ មានលុយមានអំណាច ក្រុមសារព័ត៌មាន យើងខ្ញុំ មិនសុំការបកស្រាយបំភ្លឺពីលោកបាននៅឡើយទេ ហើយអង្គយើងខ្ញុំរងចាំការបកស្រាយបំភ្លឺពីសាមីខ្លួនដែលពាក់ព័ន្ធ រាងរាល់ម៉ោងធ្វើការ ការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092190098/0886606773។ សូមរំលឹកផងដែរថា៖ កន្លងមក រដ្ឋបាលខេត្តកោះកុង បានចេញសេចក្តីជូនដំណឹង ដល់បងប្អូនប្រជាពលរដ្ឋ ចុះថ្ងៃទី០៣ ខែតុលា ឆ្នាំ២០២០ ហាមឃាត់មិនអោយមានការកាប់ ទន្ទ្រានរានយកដីព្រៃភ្នំទាំងអស់យកមកធ្វើជាកម្មសិទ្ធិផ្ទាល់ខ្លួនបាននោះទេ បើបងប្អូនណា នៅតែបន្តកាប់ទន្ទ្រានដីព្រៃទៀតនោះ នឹងអាចជាប់ពន្ធនាគារ ពី៥ឆ្នាំទៅដល់១០ឆ្នាំ ផងដែរ។ ប្រជាពលរដ្ឋសូមសំណូមពរទៅដល់ ឯកឧត្តម គុណ ញឹម អគ្គនាយកគយទូទាំងប្រទេស មេត្តាយកលោក ហុិន វាសនា (ហៅគយស្នា) ទៅធ្វើការដុះក្អែល វះកាត់ចេញម្ដងហើយ។ ជាពិសេសនោះ សូមឯកឧត្តម ឱម យ៉ិនទៀង ប្រធានអង្គភាពប្រឆាំងអំពើពុករលួយ សូមមេត្តាដាក់ការសើបអង្កេតចំពោះលោក ហុិន វាសនា (ហៅគយស្នា) អោយបានស៊ីជម្រៅក្នុងរឿងនេះផងទាន៕

ព័ត៌មានគួរចាប់អារម្មណ៍

សម្តេចតេជោ ហ៊ុន សែន អញ្ជើញសម្ពោធអគារទីស្តីការថ្មីក្រសួងសាធារណការ និងវិទ្យាស្ថាន «តេជោសែន សាធារណការ និងដឹកជញ្ជូន» ​​... (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

លោក សៅ សារឿន អធិការនគរបាលក្រុងប៉ោយប៉ែត បានចង្អុរបង្ហាញ ដល់កម្លាំងក្រោមឱវាទ ចុះរៀបចំសណ្តាប់ធ្នាប់សាធារណៈ ក្នុងសង្កាត់ផ្សារកណ្តាល.!!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

លោក ផឹង សុខេន (ហៅ ភន) និងលោកស្រី លាភ គន្ធា បុត្រាបុត្រី បានចំណាយថវិកាផ្ទាល់ខ្លួន ចំនួន ៣៥០០ ដុល្លារ បូករួមនិងថវិកាបានមកពីសប្បុរសជននានា ២ លានរៀល សម្រេចស្តារផ្លូវមួយខ្សែប្រវែង ១២ គីឡូម៉ែត្រ ក្នុងភូមិកៅបី និង ភូមិអូរស្រឡៅ ឃុំអូរស្រឡៅ ស្រុកម៉ាឡៃ (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

សម្ដេចក្រឡាហោម ស ខេង បើកពិធីប្រកាសផ្សព្វផ្សាយដាក់អោយប្រើប្រាស់ជាផ្លូវការ ផែនការសកម្មភាពជាតិស្ដីពីការទប់ស្កាត់អំពើហិង្សាលើស្ត្រី... (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ល្បីរាប់ឆ្នាំហើយលោក ចន្ថា មេឈ្មួញខាងរកស៊ីបទល្មើសឈើខុសច្បាប់ អាជ្ញាធរមានសម្ថតកិច្ចមិនហ៊ានធ្វើការបង្រ្កាប ព្រោះខ្លាចបាត់ប្រាក់ចំណូលរបស់ខ្លួននិងបក្សពួក.!!! (គេហទំព័រ ប៉ោយប៉ែត ប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
101 នាក់
ម្សិលមិញ :
206 នាក់
សប្តាហ៍នេះ :
3342 នាក់
ខែនេះ :
14171 នាក់
3 ខែនេះ :
49572 នាក់
សរុប :
697751 នាក់