អគ្គីភ័យឆាបឆេះតូបលក់ដូរ នៅក្នុងដីឡូត៍ជាង៣០តូប អស់ទាំងស្រុង.!!!
រាជធានីភ្នំពេញ៖ តូបលក់ដូរនៅក្នុងដីឡូត៍ជាង៣០តូប ត្រូវបានអគ្គីភ័យឆាបឆេះអស់ទាំងស្រុង នៅវេលាម៉ោង០៤និង៣០នាទីទាបភ្លឺ ថ្ងៃទី៣១ ខែមករា ឆ្នាំ២០២០ នេះ នៅតាមបណ្តោយផ្លូវវ៉េងស្រេង ក្រុមទី២ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ បង្កឡើងដោយសារឆ្លងចរន្តអគ្គិសនីបង្គោលភ្លើង បង្កជាអណ្តាតភ្លើង ក៏រាលឆេះតូបទាំងនោះតែម្តង។
ប្រភពព័ត៍មាន បានអោយដឹងថា៖ នៅវេលាម៉ោង០៤និង៣០នាទីទាបភ្លឺ មានរណីអគ្គិភ័យមួយបានកើតឡើង នៅចំនុចដីឡូត៍ប្រ៉ក់សង្គសី សង់ជាតូបលេខ៤២ ផ្លូវវ៉េងស្រេង ក្រុមទី២ ភូមិដំណាក់ធំ៣ សង្កាត់ស្ទឹងមានជ័យទី៣ ម្ចាស់មានឈ្មោះ ចាន់ ធូ ភេទស្រី អាយុ៦០ឆ្នាំ មុខរបរនៅផ្ទះ មូលហេតុមកពីឆ្លងចរន្តអគ្គីសនី ពីបង្គោលភ្លើង ហើយបណ្តាលអោយរាលដាល ចូលដល់តូបលក់ដូរក្នុងដីឡូត៍មួយកន្លែង ដែលមានទំហំ ១៥×២៥ ម៉ែត្រ ដែលមានតូបផ្សារលក់ដូរ របស់ប្រជាពលរដ្ឋ ចំនួនប្រហែល៣០តូប មានទំហំ២×៣ និង ៣×៥ ម៉ែត្រ។
ប្រភពបានអោយដឹងទៀតថា៖ អគ្គិភ័យបានរល់ទាំងស្រុង នៅវេលាម៉ោង០៥និង៤០នាទីថ្ងៃដដែល ដោយប្រើប្រាស់ឡានទឹក ស្នងការរាជាធានីភ្នំពេញចំនួន០៦ គ្រឿង បាញ់អស់១២ជើង ឡានទឹកអាវុធហត្ថ០២គ្រឿង បាញ់អស់០២ជើង ឡានស្រាបៀកម្ពុជា០១គ្រឿង បាញ់អស់០១ជើង សម្ភារៈខូចខាតឥវ៉ាន់លក់ដូរនៅខាងក្នុងខូចខាត ទាំងស្រុង តែមិនបណ្តាលអោយមានអ្នករងរបួសឬស្លាប់នោះទេ៕
ដោយៈ លោក សេង រត្ន័ និពន្ធនាយករង
គេហទំព័រ ប៉ោយប៉ែតប៉ុស្តិ៍
www.poipetpostnews.com
