រាជធានីភ្នំពេញ៖ បើយោងតាមប្រភពពីប្រជាពលរដ្ឋបានរាយការណ៍មកថា៖ នៅក្នុងផ្សារស្ទឹងមានជ័យថ្មី នៅជាន់ទី៣ កំពុងបើកទីតាំងល្បែងស៊ីសងខុសច្បាប់ គឺទូរហ្គេមបាញ់ត្រី ធ្វើអោយកូនៗរបស់គាត់មួយថ្ងៃមួយថ្ងៃងប់ងល់នៅតែក្នុងទីតាំងបនល្បែងមួយនេះ ទាំងថ្ងៃទាំងយប់ យ៉ាងអនាធិបតេយ្យដោយមិនឃើញមានសមត្ថកិច្ចមូលដ្ឋានមានចំណាត់ការចុះមកទប់ស្កាត់ឬបង្ក្រាបឡើយ។ ទាំងនេះហើយបញ្ជាក់ឃើញថា លោក ម៉េងវិមានតារា អធិការខណ្ឌមានជ័យ ខ្លាចបារមីម្ចាស់ផ្សារស្ទឹងមានជ័យថ្មី ទើបមិនហ៊ានបង្ក្រាបល្បែងស៊ីសង ទូរហ្គេមបាញ់ត្រីនៅជាន់ទី៣ ជាពិសេស លោក ពេជ្រ កែវមុន្នីដែលជាអភិបាលខណ្ឌធ្លាប់បានលើកឡើងថា ខណ្ឌមានជ័យរបស់លោកគ្មានល្បែងស៊ីសងនោះទេ។ ប្រជាពលរដ្ឋសំណូមពរដល់លោក ពេជ្រ កែវមុនី្ន គួរគប្បីចូលចុះត្រួតពិនិត្យក្នុងផ្សារស្ទឹងមានជ័យថ្មី នៅជាន់ទី៣ផង តើមានល្បែងស៊ីសង ឬ ក៏គ្មាន។ បើដូចពលរដ្ឋលើកឡើងមែននោះ តើអភិបាលខណ្ឌ លោកនៅតែបណ្ដែតបណ្ដោយអោយកើតមានល្បែងស៊ីសងខុសច្បាប់ក្នុងដែនសមត្ថកិច្ចរបស់ខ្លួនឬយ៉ាងណា?។ តើឯណាទៅពាក្យថា៖ ភូមិឃុំមានសុវត្ថិភាពទាំង ៩ ចំនុច របស់រាជរដ្ឋាភិបាលដែលដាក់អោយអាជ្ញាធរមានសមត្ថកិច្ចអនុវត្តនោះនៅត្រង់ណា? បើភូមិឃុំកើតមាននូវល្បែងស៊ីសងពេញបន្ទុកដូច្នេះ។ ប្រភពបានបញ្ជាក់អោយដឹងថា៖ ផ្សារស្ទឹងមានជ័យថ្មី រាជធានីភ្នំពេញ ត្រូវបានមហាជននិងប្រជាពលរដ្ឋគេស្គាល់ច្បាស់ថា៖ ជាផ្សារទំនើបរបស់លោក ជាវ តាយ អភិបាលនៃគណៈអភិបាលខេត្តកំពត។ មហាជននិងប្រជាពលរដ្ឋរស់នៅរាជធានីភ្នំពេញ រងចំមើលថាតើ បនល្បែងកើតមាននៅក្នុងផ្សារស្ទឹងមានជ័យថ្មី របស់លោក ជាវ តាយ លោកគិតរកដំណោះស្រាយបែបណា ចំពោះថ្នាក់លើ៕ ដោយៈលោក សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា