ខេត្តឧត្តរមានជ័យ៖ ខ្លាំងម៉ែន! បើទោះបីជាមានបទបញ្ជាពីថ្នាក់ដឹកនាំកម្ពុជា អោយបង្កើតគណៈបញ្ជាការឯកភាពជាតិ ដាក់អោយអនុវត្តន៍ ចុះបង្ក្រាបបទល្មើសព្រៃឈើយ៉ាងក្តៅគគុក....មានសភាពស្ងប់ស្ងាត់បានតែមួយរយៈពេល បែជា លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ ខេត្តឧត្តរមានជ័យ និង លោកអភិបាលស្រុក កំពុងតែជិះសេះលែងដៃ យកលុយចែកគ្នីគ្នាធ្វើមានបាន នៅតែបន្ត និង បណ្តែតបណ្តោយអោយក្រុមឈ្មួញឧក្រិដ្ឋកម្មកាប់បំផ្លាញ់អនុផលព្រៃឈើ ដឹកឈើយកទៅកែច្នៃ យកទៅលក់នៅតាមបណ្តាខេត្តផ្សេងៗទៀត ដោយប្រើមធ្យោបាយក្រោមរូបភាពគោយន្តកន្ត្រៃដឹកឈើ ជារៀងរាល់ថ្ងៃយប់ក្នុងដែនខ្លួនគ្រប់គ្រង ដោយមិនបង្ក្រាប បានដោយរលូន ប្រហែលជាថ្នូរនិងរឿងសូកប៉ាន់.$.$.$???ក្រោមតុ លើតុ ហើយមើលទៅ.!។ បើយោងប្រភពពីប្រជាពលរដ្ឋ រស់នៅក្នុងទឹកដីស្រុកត្រពាំងប្រាសាទ ខេត្តឧត្តរមានជ័យ បានអោយដឹងថា៖ សមត្ថកិច្ចជំនាញពាក់ព័ន្ធ ជាពិសេស លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ ខេត្តឧត្តរមានជ័យ និង លោកអភិបាលស្រុកត្រពាំងប្រាសាទ មិនមានចំណាត់ការ បង្ការ ទប់ស្កាត់ និង បង្ក្រា បទល្មើសព្រៃឈើក្នុងដែនខ្លួនគ្រប់គ្រងម្តងណាសោះ.! ឃើញតែជារៀងរាល់ថ្ងៃយប់ នៅតែមានក្រុមឈ្មួញឧក្រិដ្ឋកម្ម ប្រើមធ្យោបាយគោយន្តកន្ត្រៃដឹកជញ្ជូនអនុផលព្រៃឈើយ៉ាងអនាធិបតេយ្យ បានដោយរលូន ដដែលៗហ្នឹង មកទល់នឹងថ្ងៃទី១០ ខែកុម្ភៈ ឆ្នាំ២០២០ នេះ។ ប្រភពបន្តថា៖ បទល្មើសអនុផលព្រៃឈើដែលកំពុងធ្វើសកម្មភាពដឹកជញ្ជូនឈើអាជ្រៀករៀងរាល់ថ្ងៃយប់យ៉ាងគគ្រឹកគគ្រេង ពុំដែលឃើញសមត្ថកិច្ចជំនាញពាក់ព័ន្ធ រូបណា ចុះមកសួរនាំ ឬ ទប់ស្កាត់ បង្ក្រាបម្ដងណាឡើយ ហេតុនេះហើយប្រជាពលរដ្ឋដាក់ការសង្ស័យថា៖ ប្រហែលជាជនល្មើសឧក្រិដ្ឋកម្ម កាប់ អា ជ្រៀក ឈើ តូចធំ ទាំងនេះ ប្រហែលជានិយាយចរចាគ្នាជាមួយនឹងមន្ត្រីជំនាញពាក់ព័ន្ធត្រូវរ៉ូវគ្នាអស់ហើយមើលទៅនោះ បានជាឃើញសកម្មភាពដឹកជញ្ជូនអនុផលព្រៃឈើបានយ៉ាងរលូន ដោយមិនរំខានដល់លោក ជៀល សុផល នាយសង្កាត់រដ្ឋបាលព្រៃឈើ ឬ សមត្ថកិច្ចជំនាញពាក់ព័ន្ធ និងលោកអភិបាលស្រុកត្រពាំងប្រាសាទ សោះ។ ប្រភពរិះគន់ គ្រប់មជ្ឈដ្ឋាន ជាពិសេសប្រជាពលរដ្ឋរស់នៅក្នុងទឹកដីស្រុកត្រពាំងប្រាសាទ ខេត្តឧត្តរមានជ័យ សូមសំណូមពរដល់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈបញ្ជាការឯកភាពជាតិ សូមមេត្តាដាក់ចាត់តាំងមន្ត្រីក្រោមឱវាទ ស្រាវជ្រាវទៅលើ លោក ជៀល សុផល នាយសង្កាត់រដ្ឋបាលព្រៃឈើ សមត្ថកិច្ចជំនាញពាក់ព័ន្ធ និង លោកអភិបាលនៃគណៈអភិបាលស្រុកត្រពាំងប្រាសាទ ខេត្តឧត្តរមានជ័យ អោយបានស៊ីជម្រៅផងទាន។ ពិព្រោះ លោក ជៀល សុផល នាយសង្កាត់រដ្ឋបាលព្រៃឈើ និង លោកអភិបាលស្រុកត្រពាំងប្រាសាទ សមត្ថកិច្ចពាក់ព័ន្ធប្រចាំការនៅទីនោះ ហបីដូចជាស្ពឹកស្រពន់ក្នុងការទប់ស្កាត់ បង្ការ និង បង្ក្រាប រាល់សកម្មភាពបទល្មើសកាប់បំផ្លាញ់អនុផលព្រៃឈើ នៅក្នុងដែនគ្រប់គ្រងរបស់ខ្លួន ប្រហែលជាត្រូវថ្នាំសណ្តំរបស់ពួកឈ្មួញឧក្រិដ្ឋកម្មអស់ហើយ។ ពាក់ព័ន្ធករណីខាងលើសារព័ត៌មាន(គេហទំព័រ ប៉ោយប៉ែតប៉ុស្តិ៍) មិនអាចស្វែងរកសុំការបកស្រាយបំភ្លឺ ពីលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ និង លោកអភិបាលនៃគណៈអភិបាលស្រុកត្រពាំងប្រាសាទ ខេត្តឧត្តរមានជ័យ បានទេ ដោយមិនមានលេខទូរស័ព្ទរ សម្រាប់ធ្វើការទំនាក់ទំនងបាន ហើយអង្គភាពយើងខ្ញុំសង្ឃឹមថា នឹងមានការបកស្រាយបំភ្លឺ នៅពេលក្រោយ ហើយអង្គភាពយើងខ្ញុំ ចុះផ្សាយទៅនេះធ្វើការរិះគន់ក្នុងន័យស្ថាបនា មិនមែនរិះគន់ជាន់ពន្លិច ឬក៏ញុះញ៉ង់បុគ្គលណាមួយឡើយ ហើយសារព័ត៌មានយើងខ្ញុំរងចាំបកស្រាយបំភ្លឺពីសាមីជនដែលពាក់ពន្ទ័ឡើងវិញរៀងរាល់ម៉ោងធ្វើការផ្សាយ ការិយាល័យនិពន្ធ តាមរយៈលេខទូរស័ព្ទពីរខ្សែTel.092190098 / 0886606773៕ ដោយៈ លោក ភូ សោភ័ណ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com