រាជធានីភ្នំពេញ៖ នៅថ្ងៃទី១៥​ ខែកុម្ភៈ​ ឆ្នាំ​២០២០​ វេលាម៉ោង​ ០១​ និង​ ៥០នាទី រំលងអាធ្រាត មានករណីអគ្គីភ័យឆេះលេបត្របាក់ផ្ទះប្រជាពលរដ្ឋចំនួន ០១ ខ្នង ទាំងស្រុង ដែលមានម្ចាស់ឈ្មោះ ហាក់ គឹមនី​ ភេទស្រី​ អាយុ៦៦ឆ្នាំ​ មុខរបរនៅផ្ទះ​ មានទីលំនៅផ្ទះលេខ ៥៣ ច ផ្លូវលំ​ ក្រុុមទី៤​ ភូមិសាមគ្គី​ សង្កាត់ឫស្សីកែវ​ ខណ្ឌឫស្សីកែវ​ រារាជធានីភ្នំពេញ។ ប្រភពពីកន្លែងកើតហេតុបានអោយដឹងថា៖ ផ្ទះដែលអគ្គីភ័យឆេះនោះ មានបន្ទប់ជួលស្នាក់នៅចំនួន ០៨ បន្ទប់ ស្មេីនឹង​ ០៨ គ្រួសារ និង ឆេះរាលដាលអស់ចំនួន ០៥ ខ្នង ផងដែរ។ នៅដែលអគ្គីភ័យកំពុងតែឆេះពលរដ្ឋ ពលរដ្ឋបានរាយការណ៍ជូនដល់សមត្ថកិច្ចភ្លាមៗ បន្ទាប់មកសមត្ថកិច្ចបានចុះប្រតិបត្តិការជួយពន្លត់ និង សង្គ្គ្រោះមនុស្សសរុបបានចំនួន០៥នាក់​ ក្នុងនោះមនុស្សចាស់០៣នាក់ក្មេង០២នាក់ ដែលមាន៖ -១ឈ្មោះ​ សុខ​ ចាន់សម្បត្តិ​ ភេទប្រុស​ អាយុ០៦ឆ្នាំ​។ -២ឈ្មោះ​ សុខ​ ចាន់អារីយ៉ា​ ភេទស្រី​ អាយុ០៤ឆ្នាំ។ សូមបញ្ជាក់ផងដែរថា៖ ក្នុងហេតុការណ៍ខាងលើ សមត្ថកិច្ចបានប្រើប្រាស់ថយន្តពន្លត់អគ្គីភ័យចំនួន ២០គ្រឿង​​ (រថយន្តរបស់ស្នងការដ្ឋាននគរបាលរាជធានីភ្នំពេញចំនួន​ ១៨គ្រឿង​) រថយន្តសាលាខណ្ឌឫស្សីកែវ​ចំនួន​ ០១គ្រឿង​ និង រថយន្តស្រាបៀរកម្ពុជាចំនួន ០១គ្រឿង)។ សមត្ថកិច្ចបានអោយដឹងថា៖ ក្នុងហេតុការណ៍ខាងលើកនេះ ទ្រព្យសម្បត្តិដែលបានខូចខាតមានសំភារៈមួយចំនួនធំ។ សមត្ថកិច្ចបន្តអោយដឹងថា៖ តែពុំមានប៉ះពាល់ដល់អាយុជិវិតប្រជាពលរដ្ឋឡេីយ ដោយសារកងកម្លាំងសហការនិងអាជ្ញាធតមូលដ្ឋានចុះជួយសង្គ្រោះទាន់ពេលវេលា អគ្គីភ័យត្រូវបានរលត់ចប់សព្វគ្រប់នៅវេលាម៉ោង ០២​ និង ៣០ នាទីថ្ងៃខែឆ្នាំដ៏ដែល៕ ដោយៈ លោក សេង រត្ន័ និពន្ធនាយករង សារព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com