ភ្ញាក់ផ្អើលទាំងព្រឹក.! ឃើញសាកសពបុរសម្នាក់អណ្តែតទឹកនៅទន្លេវ៉ៃគោក្បែរគល់ស្ពានតាហោ.!!!
ខេត្តស្វាយរៀង៖ ហេតុការណ៍ភ្ញាក់ផ្អើលមួយកើតឡើងកាលពីវេលាម៉ង១០ៈ២០នាទីព្រឹកថ្ងៃទី១៩ ខែកុម្ភៈ ឆ្នាំ២០២០ ស្ថិតភូមិក្បាលស្ពាន សង្កាត់ពោធិ៍តាហោ ក្រុងស្វាយរៀង ខេត្តស្វាយរៀង។
ករណីនេះជាជំហានដំបូងសមត្ថកិច្ចមិនទាន់កំណត់បានថា ជារឿងអ្វីពិតប្រាកដនោះទេ ដោយសមត្ថកិច្ចសន្និដ្ឋានបឋម គឺជនរងគ្រោះ អាចជិះកង់ធ្លាក់ចូលទឹកទន្លេស្លាប់តែម្តង។
យោងតាមសមត្ថកិច្ចបានអោយដឹងថា៖ក្រោយពីមានប្រជាពលរដ្ឋបានរាយការណ៍មកថា បានប្រទះឃើញសាកសពបុរសម្នាក់ស្លាប់អណ្តែតទឹកនៅចំណុចខាងកើតស្ពានពោធិ៍តាហោនោះនិងក្រោយពីទទួលបានព័ត៌មានកម្លាំងជំនាញអធិការរដ្ឋាន ប៉ុស្តិ៍រដ្ឋបាល កម្លាំងជំនាញការិយាល័យខេត្តនិងវេជ្ជបណ្ឌិត យក់ ពុធវិសាល ចុះទៅដល់កន្លែងកើតហេតុធ្វើការត្រួតពិនិត្យលើសាកសព។
ប្រភពបានបន្តទៀតថា៖ តាមការបញ្ជាក់ពីក្រុមគ្រួសារនៃសព សាកសពមានឈ្មោះ ឌុន ចំរើន ភេទប្រុស អាយុ ២៨ឆ្នាំ មុខរបស់គ្មាន មានទីលំនៅភូមិស្វាយចេក ឃុំស្វាយចេក ស្រុករំដួល ខេត្តស្វាយរៀង ជាមនុស្សមានសតិមិនគ្រប់ បានចេញពីផ្ទះកាលពីថ្ងៃទី ១៧ ខែ កុម្ភៈ ឆ្នាំ២០២០បាត់រហូតមកដល់ថ្ងៃទី១៩ទើបបានក្រុមគ្រួសារទទួលព័ត៌មានថាមានមនុស្សស្លាប់អណ្តែតទឹកទើបនាំមកមើលបានដឹងអត្តសញ្ញាណនៃសព។
ហើយយោងតាមការសន្និដ្ឋានរបស់កម្លាំងជំនាញ និងលោកវេជ្ជបណ្ឌិត សាកសពស្លាប់ដោយសារលង់ទឹក។
បច្ចុប្បន្នៈ សាកសពបានប្រគល់ជូនគ្រួសារ នៃសពធ្វើបុណ្យតាមប្រពៃណី ៕
ដោយៈ លោក វ័ន ប៊ុនរើន អ្នកយកព័ត៌មាន
សារព័ត៌មាន គេហទំព័រ ប៉ោយប៉ែតប៉ុស្តិ៍
www.poipetpostnews.com
