ខេត្តបាត់ដំបង៖ ដោយយោងតាមមតិណែនាំលោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង កាលពីថ្ងៃទី១៩ ខែកុម្ភៈ ឆ្នាំ២០២០ វេលាម៉ោង ១៦:០០នាទី នៅចំណុចក្រុមទី០៥ ភូមិព្រៃទទឹង ឃុំបាយដំរាំ ស្រុកបាណន់ ខេត្តបាត់ដំបង ជាប់ព្រំប្រទល់ភូមិព្រៃស្វាយ ឃុំវាំងកេសី ស្រុកសង្កែ ខេត្តបាត់ដំបង កំលាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសង្កែ សហការជាមួយ កំលាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកបាណន់ បានចុះប្រតិបត្តិការ បង្ក្រាបបានករណី រក្សាទុក និង សម្រួលអោយប្រើប្រាស់ដោយខុសច្បាប់នូវសារធាតុញៀន ០១ ករណី ក្នុងបទល្មើសជាក់ស្តែង ។ ហើយក្នុងកិច្ចប្រតិបត្តិការ សមត្ថកិច្ចបានធ្វើការឃាត់ខ្លួនជនសង្ស័យបានចំនួន ០២នាក់ មានឈ្មោះដូចខាងក្រោម៖ ទី១, ឈ្មោះ ប៊ុត សាវន ភេទប្រុស អាយុ៣២ឆ្នាំ មានទីលំនៅភូមិព្រៃទទឹង ឃុំបាយដំរាំ ស្រកបាណន់ ខេត្តបាត់ដំបង ។ ទី២. ឈ្មោះ ឈន ចិត្ត ភេទប្រុស អាយុ២៨ឆ្នាំ មានទីលំនៅភូមិព្រៃទទឹង ឃុំបាយដំរាំ ស្រុកបាណន់ ខេត្តបាត់ដំបង ។ វត្ថុតាងសមត្ថកិច្ចដក់ហូតបានរួមមាន៖ -ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០៣ថង់ ទម្ងន់ ១៨,២៨ក្រាម (ទាំងសំបក)។ -ម្សៅថ្នាំញៀនប្រភេទមេតំហ្វេតាមីន (យ៉ាម៉ា WY) ចំនួន ០១កូនថង់ ទម្ងន់ ០,៦១ក្រាម (ទាំងសំបក)។ -ទូរស័ព្ទដៃចំនួន ០២គ្រឿង (ចាស់ ០១គ្រឿង,ខូច ០១គ្រឿង),ជញ្ជីងសម្រាប់ថ្លឹងថ្នាំញៀនលក់ចំនួន ០១។ -ថង់សម្រាប់រំលែកច្រកថ្នាំញៀនលក់ និងសម្ភារៈសម្រាប់ប្រើប្រាស់ថ្នាំញៀនមួយចំនួន ។ ឆ្លងតាមចម្លើយសារភាពរបស់ជនសង្ស័យឈ្មោះ ប៊ុត សាវន និង ដោយមានការអនុញ្ញាតពីលោក នួន សាន ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង សមត្ថកិច្ចបានបន្តកិច្ចប្រតិបត្តិការ រហូតឈានដល់ចាប់ឃាត់ខ្លួនជនសង្ស័យបានចំនួន ០១នាក់ទៀត កាលពីថ្ងៃទី២០ ខែកុម្ភៈ ឆ្នាំ២០២០នេះ នៅវេលាម៉ោង០៨និង៣០នាទី ។ ជនសង្ស័យឈ្មោះ រ៉េត តឹក ភេទប្រុស អាយុ៤១ឆ្នាំ មានទីលំនៅភូមិកំពង់ឆ្លង ឃុំឈើទាល ស្រុកបាណន់ ខេត្តបាត់ដំបង ។ វត្ថុតាងចាប់យកបានរួមមាន៖ -ទូរស័ព្ទដៃចំនួន ០២គ្រឿង (ចាស់) -ថង់សម្រាប់រំលែកច្រកថ្នាំញៀនលក់ និងសម្ភារៈសម្រាប់ប្រើប្រាស់ថ្នាំញៀនមួយចំនួន ។ បច្ចុប្បន្នៈ ជនសង្ស័យ និង វត្ថុតាង បាននឹងកំពុងរៀបចំសំណុំរឿងបញ្ជូនទៅតុលាការដើម្បីចាត់ការបន្តរតាមនិតិវិធី៕ ដោយៈ លោក សុខ បូរី និពន្ធនាយករង សារព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com