ខេត្តសៀមរាប៖ តាមការមើលឃើញជាក់ស្តែង សារព័ត៌មានជាច្រើនអង្គភាពបានចុះផ្តិតយករូបភាព នៅវេលាម៉ោង០៤ រសៀល ថ្ងៃទី២២ ខែកុម្ភៈ ឆ្នាំ២០២០ នៅសង្វៀនបញ្ជល់មាន់ អាប៉ាង ចំនួន០២ កន្លែង របស់លោក ភា ដែលប្រភពថា៖ លោក ភា គឺជាមន្ត្រីPMខេត្តសៀមរាប ចឹងតើ ទើបបានជាមិនរំខានដល់លោកឧត្តមសេនីយ៍ទោ ទិត្យ ណារ៉ុង។ សូមបញ្ជាក់ថា៖ ទីតាំងនៅក្រុងសៀមរាប មានចំនួន០២កន្លែង ស្ថិតជាប់ផ្សាររកុងទឺន័រ ០១ កន្លែង ក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប ត្រូវមហាជនគេស្គាល់ថា៖ ជារបស់លោក តុង និង លោក រះ។ ចំណែកសង្វៀនជល់មាន់ អាប៉ោង ០១ កន្លែងទៀត ស្ថិតក្នុងភូមិវាល សង្កាត់គោកចក ក្រុងសៀមរាប ខេត្តសៀមរាប ត្រូវមហាជនគេស្គាល់ថា៖ ជារបស់លោក ភា ដែលមានតួនាទីជា PM ខេត្តសៀមរាប ហើយក៏ជាអ្នករត់ការ ហ៊ុនគ្នាជាប្រព័ន្ធក្នុងខេត្តផងដែរ នេះបើយោងតាមប្រភពច្បាស់ការបានអោយដឹង។ ពាក់ព័ន្ធរឿងសង្វៀនបញ្ជាល់មាន់ និង អាប៉ោង មានចំនួន០២ក ន្លែងខាងលើនេះ មហាជនរស់នៅក្នុងក្រុងសៀមរាប សូមសំណូមពរដល់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប សូមមេត្តាចាត់វិធានការ បង្ការ ទប់ស្កាត់ និង បង្ក្រាបបនល្បែងសៃវៀនមាន់ជល់ និង អាប៉ោង របស់លោក តុង លោក រៈ និង លោក ភា បីអ្នកដ៏មានបារមីក្នុងខេត្តនេះផងទាន។ ដែលលោកទាំង០៣នាក់នេះ ថ្លើមធំពាសមេឃ ហ៊ានផ្គើនទៅនិងប្រសាសន៍របស់សម្តេចក្រឡាហោម ភូមិឃុំមានសុវត្ថិភាពទាំង០៩ចំនុច គឺហ៊ានផ្គើនចំនុចទី៥ គ្មានបនល្បែងស៊ីសងនៅតាមសង្កាត់មូលដ្ឋាន,ភូមិ,ឃុំ,ស្រុក,ខេត្ត,ក្រុង អោយខានតែបាន ដើម្បីរក្សាបាននូវសន្តិសុខ សង្គម មានសុវត្ថិភាព ស្ថេរភាព សន្តិភាព ជូនប្រជាពលរដ្ឋ។ ប្រភពពីប្រជាពលរដ្ឋរស់នៅក្នុងក្រុងសៀមរាបបន្តថា៖ អោយពួកគាត់ទៅរំពឹងលើលោកផ្កាយពីរ ទិត្យ ណារ៉ុង ម្តេចបាន បើ បនល្បែងសង្វៀនបញ្ជល់មាន់ និង អាប៉ោង ខាងលើ បើកលែងបានយ៉ាងអនាធិប្បតេយ្យ នៅចំកណ្តាលបេះដូងនៃខេត្តសៀមរាប យ៉ាងនេះហើយ បែជាមិនដែលឃើញមានសមត្ថកិច្ចពាក់ព័ន្ធប្រចាំការនៅទីនោះ រូបណា ចុះអនុវត្ត បង្ការ ទប់ស្កាត់ និង បង្ក្រាប ទាល់តែសោះ។ ប្រភពៈ បានរិះគន់យ៉ាងចាស់ដៃថា៖ តើលោក ឧត្តមសេនីយ៍ទោ ទិត្យ ណារ៉ុង ស្នងការខេត្តសៀមរាប គិតយ៉ាងណា? នេះមុខមាត់ថ្នាក់ខេត្តសៀមរាប ទាំងមូល ហើយក៏ជាប្រសាសន៍សម្តេចក្រឡាហោម ស ខេង ទៀតផង បែរជាលោកមិនបានអនុវត្តទៅតាមគោលការរបស់ថ្នាក់ដឹកនាំនោះទេ?។ ជុំវិញករណីខាងលើ សារព័ត៌មានយើងខ្ញុំមិនអាចសុំការបំភ្លឺពីលោកឧត្តមសេនីយ៍ទោ ទិត្យ ណារ៉ុង ស្នងការខេត្តសៀមរាប បានទេ ដោយពុំស្គាល់លេខទូរស័ព្ទរបស់លោក ហើយអង្គភាពយើងខ្ញុំ ចុះផ្សាយទៅនេះធ្វើការរិះគន់ក្នុងន័យស្ថាបនា មិនមែនរិះគន់ជាន់ពន្លិច ឬក៏ញុះញ៉ង់បុគ្គលអោយរឹកអើងឡើយ ហើយសារព័ត៌មានយើងខ្ញុំ រងចាំបក ស្រាយបំភ្លឺពីសាមីដែលពាក់ពន្ទ័ ឡើងវិញរៀងរាល់ម៉ោងធ្វើការផ្សាយ ការិយាល័យនិពន្ធ តាមរយៈលេខទូរស័ព្ទពីរខ្សែTel.092190098 / 0886606773៕ ពីខ្ញុំ ជួង វណ្ណអាង ចាងហ្វាងការផ្សាយ សារព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com