ខេត្តបន្ទាយមានជ័យ៖ យោងតាមប្រភពច្បាស់ការណ៍ពីប្រជាពលរដ្ឋបានអោយដឹងថា ៖ សព្វថ្ងៃនេះមេឈ្មួញឈ្មោះ ឆាយ បានធ្វើសកម្មភាពកាយដីលក់ដោយរលូន ពុំមានច្បាប់អនុញាតពីស្ថាប័នពាក់ព័ន្ធឡើយ។ ប្រភពបញ្ជាក់អោយដឹងថា៖ មេឈ្មួញឈ្មោះ ឆាយ បានកាយរណ្តៅ ដើម្បីយកអាចដីទៅលក់អោយពលរដ្ឋនៅក្នុងភូមិគាប និង ក្រុងសិរីសោភ័ណ ដោយមិនមានច្បាប់អនុញ្ញាត។ ប៉ុន្តែ មន្ទីររ៉ែ និង ថាមពលខេត្តបន្ទាយមានជ័យ អត់ទាន់ឃើញមានចំណាត់ការនៅឡើយទេ។ សូមបញ្ជាក់ថា៖ទីតាំងរណ្តៅមួយនេះ នៅក្បែពន្ធនាគារខេត្តបន្ទាយមានជ័យ ចំងាយប្រហែល១០០ ម៉ែត ទៅ២០០ ម៉ែត ស្ថិតក្នុងភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។ ដោយយោងតាមច្បាប់របស់ក្រសួងរ៉ែ និង ថាមពល គឺអនុញ្ញាតអោយជីកកាយរណ្តៅដី យកអាចម៌ដីលក់ គឺមិនអោយលើសពីជម្រៅ៤-៥ ម៉ែត ឡើយ។ តែអ្វីគួរអោយកត់សម្គាល់រណ្តៅដីរបស់លោក ឆាយ គឺ មានជម្រៅលើសពី៥ម៉ែតទៅហើយ។ ដោយសារលោក ឆាយ បានកាយរណ្តៅដី ដ៏ធំ និង មានជម្រៅជ្រៅ ដើម្បីយកអាចដីលក់ អាជ្ញាធរពាក់ព័ន្ធក្នុងក្រុងសិរីសោភ័ណ និង ក្នុងខេត្តបន្ទាយមានជ័យ នៅតែរក្សាភាពស្ងាត់ស្ងៀមបាន ធ្វើអោយពលរដ្ឋមួយចំនួននៅក្បែរទីតាំងរណ្តៅដីនោះ កំពុងមានការព្រួយបារម្មណ៍យ៉ាងខ្លាំងចំពោះកូនតូចៗរបស់ពួក ខ្លាចនាំគ្នាទៅលេង រឺ ងួតទឹកនៅពេល រណ្តៅនោះផ្ទុកដោយទឹកពេញនារដូវវស្សា ។ ក្នុងនោះផងដែរពលរដ្ឋខ្លះទៀតដែលមានដីជាប់ ឬ ក្បែរណ្តៅដីដ៏ជ្រៅនោះ កំពុងមានការព្រួយបារម្ភបារម្មណ៍ខ្លាចមានការបាក់ដីរបស់ពួកគាត់ នៅរដូវវស្សាខាងមុខនេះផងដែរ ។ ជុំវិញបញ្ហាមួយនេះនៅរសៀលថ្ងៃទី១១ ខែមីនា ឆ្នាំ២០២០ លោក ឆាយ បានប្រាប់សារព័ត៌មាន៤ស្ថាប័នអោយដឹងថា៖ រណ្តៅដីរបស់គាត់មានច្បាប់ត្រឹម ប៉ុន្តែ មន្ទីររ៉ែ និងថាមពលខេត្ត អនុញ្ញាតច្បាប់អោយជីកកាយជម្រៅប៉ុន្មាន គឺលោកមិនបានដឹងទេ ព្រោះអត់បានមើលច្បាប់អនុញាតផង។ ដោយឡែក លោក សុត វឌ្ឍនា ប្រធានមន្ទីររ៉ែ និងថាមពល ខេត្តបន្ទាយមានជ័យ មិនអាចសុំការបំភ្លឺបាននោះទេថា៖ រណ្តៅដីរបស់លោក ឆាយ មានច្បាប់ឬក៏អត់ច្បាប់..! ដោយសារលោកបានប្រាប់តាមទូរស័ព្ទយ៉ាងខ្លីថា អោយសារព័ត៌មានសួរទៅជំនាញទៅ..! ពេលនោះសារព័ត៌មានបានសួរថា តើអោយសួរទៅជំនាញណាទៀត? ស្រាប់តែលោកបាននិយាយថា ចាំគាត់សួរទៅការិយាល័យសិន ហើយលោកក៏បិទទូរស័ព្ទទៅ ៕ ដោយៈ លោក ឡាយ សុជាតិ អ្នកយកព័ត៌មាន សារព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com