ក្រុងប៉ោយប៉ែត៖ នៅព្រឹកថ្ងៃព្រហស្បតិ៍ ៤ រោច ខែផល្គុន ឆ្នាំកុរឯកស័ក ពុទ្ធសករាជ ២៥៦៣ត្រូវនឹងថ្ងៃទី១២ ខែមីនា ឆ្នាំ២០២០ នេះ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត អមដំណើរដោយ លោក អ៊ុយ ច័ន្ទរិទ្ធ សមាជិកក្រុមប្រឹក្សាក្រុង និងជាប្រធានយុវជន ក្រុងប៉ោយប៉ែត លោក ស្រិល អិន ចៅសង្កាត់ផ្សារកណ្ដាល បានដឹកនាំក្រុមការងារអង្គភាព រួមមានវត្តមាន មេភូមិ អនុភូមិ ក្រុមការងារប្រជាការពារភូមិ នាំយកគ្រឿងចក្ររួមទាំងថវិការ ផ្ទាល់ខ្លួន របស់លោក គាត ហ៊ុល អភិបាលក្រុងប៉ោយប៉ែត ចុះ ជួសជុល កៀរកិនសម្រួល ផ្លូវ និងក្រាលថ្មមិច១ខ្សែឡើងវិញ ដែលរងការខូចខាត់ ប្រវែង១,១១៥ ម៉ែត្រ ស្ថិតក្នុងភូមិ ប្រជាធម្មលិច សង្កាត់ផ្សារកណ្តាល តភ្ជាប់ទៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ លោក លោក គាត ហ៊ុលអភិបាលនៃគណៈអភិបាលក្រុងប៉ោយប៉ែត បានថ្លែងប្រាប់អោយភ្មាក់ងារសារព័ត៌មាន (គេហទំព័រ ប៉ោយប៉ែតប៉ុស្តិ៍)យ៉ាងច្បាស់ដឹងថា៖ ចំពោះផ្លូវ១ខ្សែដែលកំពង់ឈូសឆាយនេះ រដ្ឋបានក្រុងប៉ោយប៉ែត និងរៀបចំបើការដ្ឋានសាងសង់ស្ថាបនា ឡើងជាផ្លូវបេតុងវិញ ដើម្បីជួយសម្រួលជូនដល់ប្រជាពលរដ្ឋ នាពេលខាងមុខ ក្នុងឆ្នាំ២០២០ នេះ ដើម្បីងាយស្រួល ក្នុងការធ្វើដំណើរ និងប្រកបមុខរបរ រកស៊ី ជុំនួញផ្សេងៗ។ លោកបានបន្តថា៖ មានផ្លូវថ្នល់ស្រួលស្អាត ប្រៀបដូចជាសរសៃឈាម ជាចំណែកមួយចូលរួមអភិវឌ្ឍន៍សង្គមជាតិ និងជាជ្រុងមួយក្នុងការកើនកំណើនសេដ្ឋកិច្ចជាតិ ស្របតាមគោលការណ៍របស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាយករដ្ឋមន្ត្រីនៃព្រះរាជាណាចក្រកម្ពុជា ប្រកបដោយគតិយុត្តនយោបាយ ឈ្នះ.! ឈ្នះ.! នាំមកនូវសន្តិភាព ជូនប្រជាពលរដ្ឋយ៉ាងពិតប្រាកដ៕ ដោយៈ លោក ជួង វិសិដ្ឋ និពន្ធនាយក សារព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com