សូមកុំភ័យ.!ចិននិងបញ្ជូនសម្ភារៈថ្នាំពេទ្យតាមជើងហោះហើរ មកជួយដល់អ្នកជម្ងឺកូវីដ-១៩ នៅកម្ពុជាយប់នេះហើយ..!!!
POIPETPOSTNEWS.COM៖ យោងតាមការចុះផ្សាយនៅក្នុងភេកផ្លូវការរបស់ស្ថានទូតចិន ប្រចាំនៅកម្ពុជា បានចេញផ្សាយកាលពីព្រឹកមិញនេះថា សម្ភារៈប្រើប្រាស់សម្រាប់ប្រយុទ្ធនឹងជំងឺកូវីត១៩ (COVID-១៩) ដែលជំនួយរបស់រដ្ឋាភិបាលចិន អាចនឹងដឹកមកដល់ប្រទេសកម្ពុជានៅយប់ថ្ងៃទី១៧ ខែមីនា ឆ្នាំ២០២០នេះ។ នេះបើតាមការបញ្ជាក់របស់ស្ថានទូតចិនប្រចាំនៅកម្ពុជា តាមរយៈទំព័រ Facebook។
បើតាមការបញ្ជាក់ស្ថានទូតចិន សម្ភារៈប្រើសម្រាប់ប្រយុទ្ធប្រឆាំងជំងឺកូវីត-១៩ ឬហៅថា «Detection Reagent» គឺសម្រាប់មនុស្សប្រមាណ ២ពាន់នាក់។ សម្ភារៈនេះ និងត្រូវប្រគល់ជូនទៅអោយក្រសួងសុខាភិបាលកម្ពុជា។
សូមបញ្ជាក់ថា៖ ស្ថានទូតចិន បានអះអាងទៀតថា ប្រទេសចិន និងបន្តផ្តល់ជំនួយជាសម្លៀកបំពាក់ការពារ ម៉ាសវេជ្ជសាស្រ្ត និងសម្ភារៈផ្សេងទៀតជាបន្តបន្ទាប់ ហើយក៏និងខិតខំផ្តល់ជាកម្លាំងគាំទ្រក្នុងកិច្ចការពារទប់ស្កាត់ជំងឺកូវីត-១៩ ផងដែរ៕
ដោយៈ POIPETPOSTNEWS.COM
