អាមេរិក៖ តាមការចេញផ្សាយសារព័ត៌មាន BBC នាថ្ងៃទី១៨ ខែមិនា ឆ្នាំ២០២០ វីរុសឆ្លងវីរុស Covid-19 ដ៏សាហាវនេះបានរាលដាលដល់រដ្ឋចំនួន ៥០ នៅសហរដ្ឋអាមេរិក​ ខណៈដែលរដ្ឋ West Virginia បានរាយការណ៍ ពីករណីឆ្លងដំបូងរបស់ខ្លួន កាលពីថ្ងៃអង្គារ។ ការប្រកាសអំពីអ្នកជំងឺ Covid-19 ដំបូងរបស់ខ្លួនអភិបាលរដ្ឋ West Virginia លោក Jim Justice បាននិយាយថា យើងដឹងថារឿងនេះនឹងកំពុងកើតឡើងហើយយើងកំពុងត្រៀមជាសស្រេចសំរាមប្រឈមនិងវា ។ ចំណែករដ្ឋបាលក្រុងញូវយ៉កបាននិយាយថាខ្លួនកំពុងពិចារណាក្នុងការបង្ខាំងប្រជាជនដូចគ្នានិងវិធានការមួយចំនួននៅក្នុងតំបន់សាន់ហ្វ្រាន់ស៊ីស្កូ។ រហូតមកដល់ពេលនេះមានករណីឆ្លងនៅសហរដ្ឋអាមេរិកកើនជិត ៦.០០០ នាក់ និង ១០៥ នាក់បានស្លាប់ នៅពេលទូទាំងពិភពលោកមានករណីឆ្លងប្រហែលជា ២០០.០០០ ករណី ហើយមនុស្សជិត ៨.០០០ នាក់បានស្លាប់។ លោក Bill de Blasio អភិបាលក្រុងបាននិយាយថាលោកនឹងសម្រេចចិត្តក្នុងរយៈពេលពីរថ្ងៃទៀតថាតើត្រូវបញ្ជាឱ្យប្រជាជនចំនួន ៨.៥ លាននាក់នៅក្នុងទីក្រុងត្រូវបង្ខាំងអោយនៅផ្ធះ ឫយ៉ាងណា។ ហើយការផ្លាស់ប្តូរបែបបង្ខាំងប្រជាជននៅក្នុងផ្ទះកំពុងរៀបចំឡើង ដោយអាជ្ញាធរកំពុងអនុញ្ញាតិឱ្យពួកគេធ្វើដំណើរចាំបាច់ដើម្បីទិញគ្រឿងទេស ឬថ្នាំផ្សេងៗ ដើម្បីអាចអោយពួកគេជៀសវាងពីការប្រាស្រ័យទាក់ទងគ្នាជាសាធារណៈនាពេលខាងមុខ។ លោក de Blasio បាននិយាយថា វាជាការសម្រេចចិត្តដ៏លំបាកនិងពិបាកបំផុតដែលយើងមិនដែលធ្វើពីមុនទេ ហើយវាជាប្រវត្តិសាស្រ្តនៃទីក្រុងញូវយ៉ក។ ចំណែកនៅតំបន់ឆ្នេរសាន់ហ្វ្រាន់ស៊ីស្កូអាជ្ញាធរបានចេញបញ្ជាឱ្យអ្នកស្រុកចំនួន ៦,៧ លាននាក់ស្នាក់នៅផ្ទះ និងហាមឃាត់ការធ្វើដំណើរកំសាន្តផ្សេងៗរហូតដល់ថ្ងៃទី ៧ ខែមេសា។ អនុប្រធានាធិបតីសហរដ្ឋអាមេរិកលោក Mike Pence បាននិយាយថាសេតវិមានបានអំពាវនាវដល់យោធាអាមេរិកឱ្យបង្កើតមន្ទីរពេទ្យនៅតាមតំបន់ដែលឆ្លងនូវវិរុសតាមការស្នើសុំពីអភិបាលរដ្ឋ។ លោកបានប្រាប់សន្និសីទសារព័ត៌មាននៅសេតវិមានកាលពីថ្ងៃអង្គារថាអង្គភាពវិស្វកម្មកងទ័ពក៏អាចត្រូវបានស្នើសុំឱ្យបង្កើតមន្ទីរពេទ្យនៅតាមមូលដ្ឋានរបស់គេផងដែរដើម្បីជួយពង្រីកមន្ទីរពេទ្យដែលមានស្រាប់ នៅពេលសហរដ្ឋបានត្រៀមខ្លួនរួចជាស្រេចដើម្បីទប់ទលនិងការរាត្បាតកាន់តែខ្លាំងនៃវិរុសឆ្លងនៅទូទាំងរដ្ឋ៕ www.poipetpostnews.com