ក្រុងប៉ោយប៉ែត៖ នៅរសៀលថ្ងៃចន្ទ ១៥រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៣ ខែមីនា ឆ្នាំ២០២០ ដោយពលករធ្វើដំណើរត្រឡប់មកប្រទេសកម្ពុជាវិញមិនទាន់អស់ អាជ្ញាធរខេត្តលោក អ៊ុំ រាត្រីអភិបាលនៃគណៈអភិបាលខេត្ត មើលឃើញពីទុក្ខលំបាកបងប្អូនប្រជាពលរដ្ឋដែលជពលករចំណាកស្រុកធ្វើការនៅប្រទេសថៃ និងដោយយោងតាមប្រសាសន៍ណែនាំ លោកនាយឧត្តមសេនីយ៍ សៅ សុខា អគ្គបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានដាក់ចេញនូវទិសស្លោក "ជួយគិត ជួយធ្វើ រួមគ្នាទទួលខុសត្រូវ" ឯកឧត្តម អ៊ុំ រាត្រី បានស្នើសុំអោយអាជ្ញាធរថៃ បើកច្រកទ្វារអន្តរជាតិប៉ោយប៉ែតរយៈពេលមួយទៀត រហូតដល់១០យប់ ដើម្បីអោយពលករខ្មែរមានចំនួន៥០០នាក់ ចេញមកខាងទឹកខ្មែរវិញ ដើម្បីបញ្ជាសការរីករាលដាលឆ្លងជំងឺកូវីដ១៩ ដែលកំពុងផ្ទុះទូទាំងសកលលោក។ ដោយមានការស្នើសុំនិងអន្តរាគមន៍ពីអាជ្ញាធរកម្ពុជាប្រចាំនៅច្រកទ្វារអន្តរជាតិប៉ោយប៉ែត ខាងគូរភាគីអាជ្ញាធរថៃ បានសម្រេចបើកអោយពលករខ្មែរចេញមួយថ្ងៃទៀត។ គេសង្កេតឃើញថា៖ ក្រោយពីបើកច្រកទ្វារប៉ោយប៉ែត ដែនមានពលករខ្មែរចំនួន៥០០នាក់ បាននាំគ្នាសម្រុកចេញមកកម្ពុជា។ ដោយឡែកពលករខ្មែរទាំងនោះត្រូវបានអាជ្ញាធរមូលដ្ឋានក្រុងខេត្ត យករថយន្តដឹកពលករខ្មែរយកទៅដាក់កន្លែងសុំចតចនួនពីរកន្លែង(មួយនៅចំណតរថភ្លើងក្រុងប៉ោយប៉ែត និងមួយទៀតនៅមណ្ឌលសំុចតដីថ្មី) គ្រប់គ្រងដោយមន្ទីរយសុខាភិបាល ដើម្បីពិនិត្យវាស់កំដៅ និងពិនិត្យរកមេរោគជំងឺកូវីដ១៩ រយៈពេល១៤ថ្ងៃសិន។ហើយបើមាននរណាម្នាក់ មានការពិនិត្យពីក្រុមគ្រូពេទ្យជាលតផល វិជ្ជៈមាន និងបង្ឃាំងក្នុងបន្ទប់មួយផ្សេងដាច់ដោយឡែក ដើម្បីព្យាបាល ហើយបើសិនការពិនិត្យអវិជ្ជៈមាននោះ ពួកគេអាចវិលត្រឡប់ទៅស្រុកកំណើតវិញក្នុងរយៈពេល១៤ថ្ងៃ ដើម្បីការពារការរីករាលដាលឆ្លងជំងឺកូវីដ១៩ ទៅលើប្រពលរដ្ឋខ្មែរ នេះបើយោងតាមអ្នកពាក្យ ប៉ូលិសអន្តោប្រវេសន៍ ប្រចាំច្រកទ្វារអន្តរជាតិប៉ោយប៉ែត។ នៅរសៀលថ្ងៃដ៏ដែល លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានចាត់តាំងកម្លាំងអាវុធហត្ថចំនួន៣០នាក់ និងរថយន្តចំនួន០៤គ្រឿង ដើម្បីជួយដឹកជញ្ជូនពលរដ្ដ្ឋខ្មែរដែលវិលត្រឡប់មកពីប្រទេសថៃ តាមច្រកទ្វារអន្តរជាតិប៉ោយប៉ែត និងចូលរួមការពារ រក្សាសន្តិសុខសណ្តាប់ធ្នាប់ផងដែរ៕ ដោយៈលោក ឡាយសុជាតិ អ្នកយកព័ត៌មាន សារព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com