ខេត្តប៉ៃលិន៖ តាមវីដេអូឃ្លីបជាច្រើនអាចជាភស្តុតាងដល់មន្ត្រីយុត្តិធម៌កងរាជអាវុធហត្ថខេត្តប៉ៃលិន ធ្វើកំណត់ហេតុស្ដាប់ចម្លើយសំយោគបទល្មើសកសាងសំណុំរឿងបញ្ជូនខ្លួនក្រុមជនសង្ស័យដែលបានប្រព្រឹត្តបទល្មើសជាក់ស្ដែងទៅសាលាដំបូងខេត្តប៉ៃលិន ចាត់ការតាមនីតិវិធី។ ជនរងគ្រោះមានឈ្មោះ សុខ ទិត្យា អាយុ ៣៦ឆ្នាំ មានស្រុកកំណើតរស់នៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។ បច្ចុប្បន្នរស់នៅភូមិឃុំសាលាក្រៅ ស្រុកសាលាក្រៅ ខេត្តប៉ៃលិន ធ្វើការនៅក្រុមហ៊ុនអគ្គិសនីឯកជនមួយ មានយីហោ MSP បានប្រាប់សារពត៌មានអោយដឹងថា៖ កាលពីថ្ងៃទី២៥ ខែមីនា ឆ្នាំ២០២០ នៅវេលាម៉ោង០៤និង៥០នាទីល្ងាច កន្លងទៅថ្មីៗ ថា៖ មានក្រុមទាហានលេច៥០៤មួយក្រុមបាននាំគ្នាប្រម៉ាណជិត១០នាក់ បើករថយន្ត០២គ្រឿង ចូលមកវ៉ៃរូបលោកតែម្នាក់ឯង ដែលជាជនពិការជើងទាំងសងខាង កំពុងធ្វើការ ដល់បន្ទប់ធ្វើការ ដែលកន្លែងលោកធ្វើការស្ថិតនៅភូមិស្ទឹងត្រង់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ ជនរងគ្រោះបន្តអោយដឹងទៀតថា៖ ក្រុមទាហានយោធាលេខ៥០៤ មួយក្រុមនេះបានលើកគ្នាមកបង្កបញ្ហាប្រើអំពើហិង្សារមកលើរូបលោកវ៉ៃទាត់ធាក់ជាច្រើនដងជាច្រើនសារ ដោយមូលហេតុខឹងគោ វ៉ៃរទេះខណៈក្រុមហ៊ុនអគ្គិសនីផ្ដាច់ភ្លើងដោយសារអង្គភាពយោធាលេខ៥០៤នោះ មិនបានបង់ប្រាក់អស់រយៈពេល៦ខែមកហើយ។ លោក សុខ ទិត្យា ដែលជាជនពិការភាព និងជាបុគ្គលិកអគ្គិសនីឯកជន MSP ខាងលើបានបញ្ជាក់ថា៖ ជនដៃដល់បានមកវ៉ៃ និងគំរាមលោក ទី១-មានឈ្មោះ ឈិន នប់ និង ទី២-ឈ្មោះ អិន ខ្លឹង រួមនិងបក្សពួកខ្លួនប្រមាណជិត១០នាក់ទៀត ក្នុងថ្ងៃកើតហេតុនោះ។ បន្ទាប់មកលោក សុខ ទិត្យា បានទៅដាក់ពាក្យបណ្ដឹងនៅមន្ត្រីយុត្តិធម៌កងរាជអាវុធហត្ថខេត្តប៉ៃលិន និងសំណូមពរដល់សម្តេចតេជោ និងសម្តេចសេនាពិជ័យ ទា បាញ់ ជួយរកយុត្តិធម៌ដល់រូបលោកដែលជាជនពិការភាព និងជាជនរងគ្រោះផងដែល។ នៅព្រឹកថ្ងៃទី២៨ ខែមីនា ឆ្នាំ២០២០ លោក ឯម ច័ន្ទមករា អគ្គលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ តំណាងលោក វង សូត ប្រធានក្រុមប្រឹក្សាសកម្មភាពជនពិការ បានអំពាវនាវទៅសមត្ថកិច្ច និងអាជ្ញាធរខេត្តប៉ៃលិន ចាត់វិធានការលើជនដៃដល់ប្រព្រឹត្តអំពើហិង្សា មកលើបុគ្គលិកមានពិការភាព បម្រើការនៅក្រុមហ៊ុនអគ្គីសនីខាងលើ យកមកផ្តន្ទាទោសតាមផ្លូវច្បាប់។ ពាក់ព័ន្ធក្នុងអំពើហិង្សានេះគេទទួលស្គាល់ថា៖ភាគីបង្កបានមានឆន្ទៈដោះស្រាយហើយក៏សម្របសម្រួលក្នុងកម្រិតលាក់បាំង លុះដល់មិនចុះសម្រុងគ្នា ក៏បែកធ្លាយ វីដេអូ ចេញក្រៅ ទើបនៅព្រឹកថ្ងៃទី២៨ តំណាងរដ្ឋមន្ត្រីក្រសួងសង្គមកិច្ចស្នើឲ្យសមត្ថកិច្ចចាត់វិធានការលើជនដៃដល់ដែលប្រព្រឹត្តអំពើហិង្សាលើបុគ្គលពិការភាព ដែលជាបុគ្គលិកធ្វើការនៅក្រុមហ៊ុនអគ្គិសនីខេត្តប៉ៃលិន។ លុះរសៀលថ្ងៃទី២៨ខែឆ្នាំដ៏ដែលអង្គភាពយោធាភូមិភាគទី៥ បានប្រគល់ខ្លួនជនបង្កដែលជាយោធាទាំង២នាក់ ទៅអោយមន្ត្រីយុត្តិធម៌កងរាជអាវុធហត្ថខេត្តប៉ៃលិន ចាត់ការបន្តតាមនីតិវិធី ក្រោយពីយោធាទាំង២នាក់នេះ បានប្រើហិង្សាទៅលើជនមានពិការភាពម្នាក់ ជាបុគ្គលិកបម្រើការងារនៅអគ្គីសនីឯកជនខេត្តប៉ៃលិន។ បើរតាមរបាយការណ៍ពីមន្ត្រីយុត្តិធម៌កងរាជអាវុធហត្ថនៅល្ងាចថ្ងៃទី២៨ខែឆ្នាំដ៏ដែល បានជម្រាបជូនលោកព្រះរាជអាជ្ញាអមសាលាដំបូងខេត្តប៉ៃលិនអោយដឹងថា៖ មានជនសង្ស័យ០៣នាក់ ត្រូវជាប់ពីបទល្មើសហិង្សាង៖ គឺទី១-ឈ្មោះ យ៉យ ស៊ីដូ ភេទប្រុស អាយុ៥៥ឆ្នាំ មានទីលំនៅបច្ចុប្បន្ន ភូមិភ្នំស្តង់ ឃុំសាលាក្រៅ ស្រុកសាលាក្រៅ ខេត្តប៉ៃលិនមានតួនាទី យោធាវរសេនីយ៍ឯក មុខងារជាមេបញ្ជាការការពារព្រំដែនលេខ៥៤ អង្គភាពយុទ្ធភូមិភាគទី៥។ ទី២-ឈ្មោះ ឈិន នប់ ភេទប្រុស អាយុ៥៦ឆ្នាំរស់នៅភូមិភ្នំស្តង់ ឃុំសាលាក្រៅ ស្រុកសាលាក្រៅ ខេត្តប៉ៃលិន ជាយោធាវរសេនីយ៍ត្រី មុខងារជាមេបញ្ជាការកងល្បាតទី៦ កងការពារព្រំដែនគោកលេខ៥០៤ អង្គភាពយោធាភូមិភាគទី៥។ ទី៣-ឈ្មោះ ឈ្មោះ អិន ខ្លឹង អាយុ៥៣ឆ្នាំរស់នៅភូមិបោសដូនា សង្កាត់ក្រុងខេត្តប៉ៃលិនឋានៈអនុសេនីយ៍ទោ មេបញ្ជាការរងកងរបស់ទី៣ កងការពារព្រំដែនគោកលេខ៥០៤ អង្គភាពទី៥។ សូមបញ្ជាក់ថា៖ ក្នុងរូបភាពការប្រព្រឹត្តក្រុមជនសង្ស័យបង្ហាញឲ្យឃើញយ៉ាងច្បាស់ថា ជនប្រព្រឹត្តមានគ្នាច្រើនចូលទៅទីតាំងកន្លែងធ្វើការរបស់គេ ការប្រព្រឹត្ដវ៉ៃហើយវ៉ៃទៀតដែលជាអំពើហិង្សាធ្ងន់ធ្ងរបំផុត។ គ្រប់មជ្ឈដ្ឋានមួយចំនួនបានលើកឡើងថា៖ គុណសម្បត្តិការពារជាតិគឺមានហើយ ព្រោះជាមេបញ្ជាការប៉ុន្តែករណីនេះវារឹតធ្វើអោយប្រជាជនខ្លាចលោកមេបញ្ជាការ ថ្ងៃក្រោយយកពាក្យគុណសម្បត្តិការពារព្រំដែន រួចធ្វើអំពើស្រេចតែចិត្តនោះ រឹតតែប៉ះពាល់ដល់ស្ថាប័នយោធាថ្នាក់លើបែបណា សម័យអភិក្រមទី៥ នាក់ប្រព្រឹត្តបទល្មើសច្បាប់ត្រូវទទួលទោស ហែកអោយដាច់ពីតួនាទី និងការប្រព្រឹត្តផ្ទុយពីច្បាប់ ខណៈប្រទេសជាតិយើងគ្រប់គ្រងដោយច្បាប់៕ ដោយៈ លោក សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com