ក្រុងប៉ោយប៉ែត ៖ នៅព្រឹកថ្ងៃអង្គារ ៨ កើត ខែចេត្រ ឆ្នាំកុរឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣១ ខែមីនា ឆ្នាំ២០២០ នេះ ក្រោមការសម្របសម្រួលរៀបចំពី ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ លោក គាត ហ៊ុល អភិបាលក្រុងប៉ោយប៉ែត ឯកឧត្ដម ង៉ោ ម៉េងជ្រួន អភិបាលរងខេត្តបន្ទាយមានជ័យ លោកស្រី ប៉ុក ណាឌី រួមសហកានិង កងកម្លាំងប្រដាប់អាវុធ សមត្ថកិច្ចជំនាញពាក់ព័ន្ធ តាមបន្ទាត់ព្រំដែនកម្ពុជា-ថៃ បាននាំយកពលករខ្មែរ ប្រមាណជាង១១៧នាក់ ដែលទើបវិលត្រឡប់មកពីបម្រើរការងារនៅប្រទេសថៃ ចេញតាមចក្ររបៀង ចំការគរ ស្រុកស្វាយចេ ខេត្តបន្ទាយមានជ័យ។ ដោយយោងតាមប្រសាសន៍អាជ្ញាធរខេត្តក្រុងបានអោយដឹងថា៖ ប្រជាពលរដ្ឋប្រមាណជាង១១៧នាក់ ក្នុងគោលបំណង វិលត្រឡប់ទៅផ្ទះតាមនៅបណ្ដាលខេត្ត មួយចំនួនវិញ។ ប៉ុន្តែៈ ត្រូវបានអាជ្ញាធរ ក្រុងនិងខេត្តបន្ទាយមានជ័យ សហការជាមួយមន្ត្រីជំនាញសុខាភិបាល ពេទ្យបង្អែក ក្រុងប៉ោយប៉ែត បាននាំយកពលករទាំងអស់នោះមក មណ្ឌលសំចត ក្រុងប៉ោយប៉ែត ដើម្បីស្ទង់កំដៅការពារ សិន និងធ្វើការណែនាំផ្សព្វផ្សាយ វិធានការទប់ស្កាត់មេរោគជំងឺកូវីត-១៩ បើមានការសង្ស័យ ក្រុមការងារនិងបន្តពិនិត្យ ដោយយកចិត្តខ្ពស់ និងមិនអនុញ្ញាតអោយ បន្តដំណើរទៅតាមតម្រូវការពួកគាត់នោះទេក្នុងរយៈពេល១៤សិន។ សូមបញ្ជាក់ថា៖ ក្នុងឱកាសកំពង់ពិនិត្យ ការពារជំងឺកូវីដ-១៩ ក្រុមការងារអាជ្ញាធរ ក៏បានចែកជូនអារហារថ្ងៃត្រង់និង ទឹកសុទ្ធ ដល់ពលករខ្មែរ ដែលបានសរុបចំនួន៥ខេត្ត ដែលទើបតែវិលត្រឡប់មកពីប្រទេសថៃ គ្រោងទៅស្រុកកំណើត ផ្ទះសម្បែងវិញផងដែរ ក្នុងនោះមានចំនួន៥ខេត្តដូចខាងក្រោម៖ ទី១-ខេត្តបន្ទាយមានជ័យ។ ទី២-ខេត្តសៀមរាប។ ទី៣-ខេត្តឧត្តរមានជ័យ។ ទី៤-ខេត្តកំពង់ធំ។ ទី៥-ខេត្តស្វាយរៀង៕ ដោយៈ លោក ភូ សោភ័ណ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com