ក្រុងប៉ោយប៉ែត៖ នៅរសៀលថ្ងៃទី៣១ ខែមិនា ឆ្នាំ២០២០នេះ នគរបាលការពារព្រំដែនគោកលេខ៩១១ ដឹកនាំកម្លាំដោយលោក អនុសេនីយ៍ត្រី ស៊ា សៅឌី មេប៉ុស្តិ៍នគរបាលព្រៃគប់ បានចុះប្រតិបត្តិការបង្រ្កាបក្រុមអ្នកញៀនល្បែងបានជាច្រើនទីតាំងក្នុងភូមិចំនួន២ (គឺបង្រ្កាបក្នុងភូមិព្រៃគប់ ស្ថិតក្នុងសង្កាត់ផ្សារកណ្តាល និង ភូមិទំនប់ ក៥ ស្ថិតក្នុងសង្កាត់ប៉ោយប៉ែត) ខេត្តបន្ទាយមានជ័យ។ ដោយមានការយកចិត្តទុកដាក់ និងចង្អុលបង្ហាញពីលោកវរសេនីយ៍ឯក សូរ ចាន់ណារី មេបញ្ជារការវរសេនាតូចនគរបាលការពារព្រំដែនគោក៩១១ អំពីសន្តិសុខ សណ្តាប់ធ្នាប់សារធារណៈ ក្នុងដែនគ្រប់គ្រងលោកមេបញ្ជារការបានចាត់តាំងកម្លាំងដែលដឹកនាំដោយលោកអនុសេនីយ៍ត្រី ស៊ា សៅឌី មេប៉ុស្តិ៍នគរបាលព្រៃគប់ បានធ្វើការចុះបង្រ្កាបក្រុមល្បែងដែលបានប្រមូលផ្តុំគ្នាលេង បៀ ខ្លាឃ្លោក នៅតាមចំនុចមួយចំនួននៃភូមិព្រៃគប់ និង ភូមិទំនប់ ក៥ ដើម្បីកាត់បន្ថយការលួច ការឆក់ ប្លន់ និងអំពើហឹង្សាក្នុងគ្រួសារ ដែលវាកើតចេញពីប្រភពល្បែងសុីសង។ លោកអនុសេនីយ៍ត្រី ស៊ា សៅឌី មេប៉ុស្តិ៍នគរបាលភូមិព្រៃគប់ នៃវរសេនាតូចកាពារព្រំដែនគោកលេខ៩១១ បានប្រាប់សារព័ត៌មានយើងអោយដឹងថា៖ កិច្ចប្រតិបត្តិការចុះបង្រ្កាបក្រុមអ្នកញៀនល្បែងទាំងនេះគឺ ដើម្បីកាត់បន្ថយ ការលួច ការឆក់ ការប្លន់ និងអំពើហឹង្សាក្នុងគ្រួសារ ដែលវាកើតចេញពីប្រភពល្បែងសុីសង ហើយម្យ៉ាងវិញទៀតដើម្បីចូលរួមជាមួយរាជរដ្ឋាភិបាលកម្ពុជា បំបែកការប្រមូលផ្តុំគ្នាពីសំណាក់ក្រុមអ្នកញៀនល្បែង កុំអោយមានការរីករាលដាលចម្លងជំងឺកូវិដ-១៩។ សូមបញ្ជាក់ថា៖ ប្រជាពលរដ្ឋមានការគាំទ្រយ៉ាងខ្លាំង ចំពោះចំណាត់ការរបស់លោកអនុសេនីយ៍ត្រី ស៊ា សៅឌី ដែលជាមេប៉ុស្តិ៍នគរបាលថ្មី ដែលបានយកចិត្តទុកដាក់ តាមបទបញ្ជាររបស់ថ្នាក់ដឹកនាំកំពូលៗ ចូលរួមបង្ការ ទប់ស្កាត់ និងបង្រ្កាប ករណីល្បែងសុីសងក្នុងមូលដ្ឋាន ដើម្បីរក្សាបានមកនូវសន្តិសុខ និង សណ្តាប់ធ្នាប់សាធារណៈ៕ ដោយៈ លោក ឡាយ សុជាតិ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com