ខេត្តកំពង់ឆ្នាំង៖ នៅរសៀលល្ងាចថ្ងៃទី៣១ ខែមីនា ឆ្នាំ២០២០នេះផងដែរ សមត្ថកិច្ចបានធ្វើការឃាត់ខ្លួនអ្នកកាសែតម្នាក់ឈ្មោះ ឥន សាន់សាមីឌី អ្នកយកព័ត៌មាន អោយអង្គភាព(www.angkorcheyhotnew.com) ដោយយោងទៅលើបណ្ដឹងរបស់ខណ្ឌរដ្ឋបាលព្រៃឈើខេត្តកំពង់ឆ្នាំង ដែលបានប្តឹងចោទប្រកាន់ពីបទរារាំងមន្ត្រីរាជការសាធារណៈដែលកំពុងតែបំពេញភារកិច្ច ។ ប្រធានមន្ទីរកសិកម្មខេត្តកំពង់ឆ្នាំង លោក ងិន ហ៊ុន ប្រធានមន្ទីរកសិកម្មបានបញ្ជាក់អោយសារព័ត៌មានក្នុងស្រុកដឹងថា៖ ពិតជាមានករណីឃាត់ខ្លួនអ្នកកាសែតម្នាក់ឈ្មោះ ឥន សាន់សាមីឌី អ្នកយកព័ត៌មាន អោយអង្គភាព (www.angkorcheyhotnew.com) ម៉ែន ដែលបានចូលមកក្នុងបរិវេណខណ្ឌរដ្ឋបាលព្រៃឈើ ធ្វើការឡាយវីដេអូ រារាំងការអនុវត្តច្បាប់របស់មន្ត្រីរដ្ឋបាលព្រៃឈើ ដែលតម្រូវអោយម្ចាស់ឡានដឹកអុស ធ្វើការផាកពិន័យអន្តរការណ៍ទៅតាមច្បាប់ ។ សូមរំលឹកថា៖ នៅព្រឹកថ្ងៃទី២៧ ខែមីនា ឆ្នាំ ២០២០ កន្លងទៅសើមៗ កម្លាំងកងរាជអាវុធហត្ថខេត្ត និងផ្នែករដ្ឋបាលព្រៃឈើខេត្ត ស្ទាក់ចាប់រថយន្តយីឌុបមួយគ្រឿង សង្ស័យថា៖ ដឹកឈើប្រណិត ពេលនាំមកដល់មន្ទីរកសិកម្ម ម្ចាស់ប្រាប់ថាមិនមែនឈើទេគឺជាអុស គាត់ប្រាប់ថាមានចំនួន៣០ ម៉ែត្រគីប ដឹកយកទៅធ្វើបុណ្យ។ ចំណែកខាង ជំនាញព្រៃឈើប្រាប់ថា គឺជាអុសដែលដឹកជញ្ជូនអត់ច្បាប់។ លោក ងិន ហ៊ុន ប្រធានមន្ទីរកសិកម្មបានបញ្ជាក់អោយដឹងថា៖ រថយន្តនេះគឺដឹកអុស ដែលមិនមានច្បាប់ទម្លាប់ ហើយត្រូវជំនាញនិងកងកម្លាំងអាវុធហត្ថ ស្ទាក់ចាប់បាន លោកបញ្ជាក់ថែមទៀតថា តាមច្បាប់គឺបង់ពិន័យអន្តរកាល។ ក្រោយការឃាត់ខ្លួនអ្នកការសែត ត្រូវបានសមត្ថកិច្ចបញ្ជូនទៅការិយល័ព្រហ្មទន្តកំរិតស្រាល នៃស្នងការនគបាលខេត្តកុំពង់ឆ្នាំងផងដែរ តែគេមិនដឹងថាជោគវាសានា របស់អ្នកនោះទៅជាយ៉ាងណាទេ ។ ដោយឡែក៖ ស្នងការរងនគរបាលខេត្តកំពង់ឆ្នាំង ទទួលបន្ទុកយុត្តិធម៍ លោកឧត្តមសេនីយ៍ត្រី ប៉ុល វុទ្ឍី បានអោយដឹងថា៖ នៅវេលាម៉ោង០៧និង១៧នាទីយប់ ថ្ងៃទី២៩ មីនា ឆ្នាំ២០២០ ពាក់ពន្ធ័ករណីខាងលើនេះលោកបានអោយដឹងថា ខាងរដ្ឋបានលព្រៃឈើ គេមិនព្រមលើកលែងលើអ្នកការសែតម្នាក់នោះឡើយ ៕ ដោយៈ លោក ព្រីង សំឡត អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com