ឃាត់ខ្លួនបុរសម្នាក់ គ្រងដណ្ដប់បែបព្រះពុទ្ឋសានាដោយគ្មានសិទ្ឋ ក្លែងធ្វើជាព្រះសង្ឃ ដើររៃអង្គាសលុយចាយផ្ទាល់ខ្លួន.!!!
ខេត្តសៀមរាប៖ ប៉ុស្ដិ៍នគរបាលរដ្ឋបាលគោក និងផ្នែកព្រហ្មទណ្ឌនគរបាលក្រុងសៀមរាបក្រោមការដឹកនាំបញ្ជាពីលោកវរសេនីយ៍ឯក ណុប សារ៉ាក់ អធិការនគរបាលក្រុង និងមានការឯកភាពពីលោលឧត្ដមសេនីយ៍ត្រីភឹង ចិន្ដារ៉េត ស្នងការរងនិងជាប្រធានផែនទទួលការងារព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានសម្រចឃាត់ខ្លួនជនសង្ស័យឈ្មោះ អឿ អួន ភេទប្រុស អាយុ ៣៨ឆ្នាំ មុខរបរមិនប្រាកដរស់នៅភូមិទំនប់ ឃុំទំនប់ ស្រុក បាធាយ ខេត្ត កំពង់ចាម សង្ស័យពីបទឆបោក នឹងគ្របដណ្ដប់បែបពុទ្ធសាសនាដោយគ្មានសិទ្ធ និង ប្រើប្រាស់ត្រាក្លែងក្លាយ។
ដំណើររឿង: នៅថ្ងៃទី០១.០៣.២០២០ វេលាម៉ោងប្រហែល១០,០០នាទី នៅភូមិត្រពាំងសេះ សង្កាត់គោកចកក្រុងខេរ្តសៀមរាប បន្ទាប់ពីបានទទួលពត៌មានពីព្រះសង្ឃនៅវត្តថ្មី (វត្តក្បាលខ្មោច) ថាមានព្រះសង្ឃក្លែងក្លាយនឹងដើររ៉ៃអង្គាសប្រាក់ហើយផ្សិករួច កម្លាំងយើងបាននាំជនសង្ស័យខាងលើមកសួរនាំ ក្រោយពីសួរនាំជនសង្ស័យបានសារភាពថាខ្លួនពិតជាខ្លួនបានគ្រងដណ្ដប់បែបព្រះពុទ្ធសាសនាដោយគ្មានសិទ្ធិ ដើររ៉ៃអង្គាសប្រាក់ ពេលបានប្រាក់ហើយជនសង្ស័យបានយកចាយវាយផ្ទាល់ខ្លួន ។
ហើយយើងក៏បានឆែកឆេរ ក៏ឃើញនិងដកហូតវត្ថុតាងល្មើសមាន:
១.ត្រាក្លែងក្លាយចំនួន០៥ ២.ឆាយាល័ក្ខណ៍គណៈមហានិកាយ ចំនួន០៤ថែមទៀត
ជនសង្សយ័បានសារភាពថាវត្ថុតាងខាងលើនោះគឺទុកសម្រាប់ប្រើប្រាស់ពេលរៃអង្គាសលុយពីពុទ្ឋបរិសទ័ ហើយលោកអធិការនគរបាលក្រុងសៀមរាប បានបញ្ជាអោយផ្នែកព្រហ្មទណ្ឌក្រុង និង ប៉ុស្ដីសហការគ្នាកសាងសំណុំរឿងបញ្ជូនទៅតុលាការ ដើម្បីធ្វើការផ្ដន្ទាទោសតាមច្បាប់៕
ដោយៈ គេហទំព័រ ប៉ោយប៉ែតប៉ុស្តិ៍
www.poiperposrnews.com
