ខេត្តបន្ទាយមានជ័យ៖ នៅរសៀលថ្ងៃទី០១ ខែមេសា ឆ្នាំ២០២០នេះ ឯកឧត្តម អ៊ុំ រាត្រី អមដំណើរគណ:ប្រតិភូ ក្នុងខេត្តនិងក្រុង ជំនួបបប្រជុំទ្វេភាគិកម្ពុជា-ថៃ ដើម្បីពិភាក្សាដោះស្រាយការងារបន្ទាន់មួយចំនួន ជាមួយអភិបាលខេត្តស្រះកែវ ព្រះរាជាណាចក្រថៃ ឯកឧត្តម វរ៉ាផាន់ សុវាណុន Mr.WORAPHAN SUWANNUS នៅស្នាក់ការគយថៃ ច្រកទ្វារព្រំដែនអន្តរជាតិប៉ោយប៉ែត-ក្លងឡឹក។ ក្នុងកិច្ចប្រជុំពិភាក្សាបន្ទាន់នៅរសៀលថ្ងៃនេះផងដែល ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានស្នើសុំអភិបាលខេត្តស្រះកែវ មាន០២ចំនុចសំខាន់ៗ ដើម្បីសម្រួលដល់ប្រជាពលរដ្ឋ និងរួមសហការគ្នាទប់ស្កាត់ជំងឺកូវីដ-១៩ (COVID-19) ក្នុងភូមិសាស្ត្រខេត្ត និងបន្ទាត់ព្រំដែនកម្ពុជា~ថៃ រួមមាន៖ ទី១-ស្នើសុំជួយសម្រួលដល់បងប្អូនប្រជាពលករខ្មែរ ដែលត្រូវបានអាជ្ញាធរថៃ បញ្ជូនមកជារាល់ថ្ងៃ សូមមានកិច្ចសហការ និងកំណត់យកទីតាំងច្រកណាមួយសមរម្យជាផ្លូវ ដូចជាច្រកបឹងត្រកួនជាអាទ៍ ដើម្បីងាយស្រួលក្នុងការត្រួតពិនិត្យ ការពារជំងឺកូវីដ-១៩ (COVID-19)ដែលតកន្លងមកបញ្ជូនមកតែតាមច្រករបៀង ចំការគរ ។ ទី២-ស្នើអោយមានការជួយសម្រួលការចេញចូលដឹកតំឡូងមីរបស់ប្រជាកសិករ ដើម្បីជំរុញសេដ្ឋកិច្ចនៃប្រទេសទាំងពីរ ដូចជា នៅច្រកបឹងត្រកួន ច្រកម៉ាឡៃ និងច្រកប៉ោយប៉ែត ជាដើម។ ក្រោយពីការប្រជុំពិភាក្សាយ៉ាងយកចិត្តទុកដាក់ រវាងទ្វេភាគីទាំងពីរ យោងតាមសំណើសុំរបស់ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ដើម្បីសហការ សម្របសម្រួលជួយដល់ប្រជាពលករខ្មែរ និងដើម្បីរួមសហការគ្នាទប់ស្កាត់ និងប្រយុទ្ធនឹងជំងឺកូវីដ-១៩នោះ ឯកឧត្តម វរ៉ាផាន់ សុវាណុន Mr.WORAPHAN SUWANNUS អភិបាលខេត្តស្រះកែវ និងកងកម្លាំងបូពា៍ថៃ បានឯកភាពជាគោលការណ៍រួមមាន៖ ទី១-កំណត់យកទីតាំងច្រកអូរបីជាន់ គោកធ្យូង ជាកន្លែងតែមួយគត់ដើម្បីសម្របសម្រួលដល់ពលករ ដែលអាជ្ញាធថៃរបញ្ជូនមកដើម្បីងាយស្រួលទាំងខាងថៃ-កម្ពុជា ដើម្បីរួមគ្នាពិនិត្យសុខភាព មុនអនុញ្ញាត្តអោយចេញ ជាមួយនោះបន្តសហការទប់ស្កាត់ការលួចចេញតាមច្រករបៀងផ្សេងទៀត។ ទី២-តាមសំណើរសុំបស់ ឯកឧត្តមអភិបាលខេត្តបន្ទាយមានជ័យ សម្រួលចេញដំឡូវមី ទំនិញ ចេញតាមច្រកតំបន់ផ្លូវការណាមួយនោះ រដ្ឋបាលខេត្តស្រះកែវនឹងធ្វើរបាយការណ៍សុំគោលទៅក្រសួងពាណិជ្ជកម្មថៃ ដើម្បីសម្រួលជូន និងផ្តល់ដំណឹងជម្រាបជូនតាមក្រោយផងដែរ៕ ដោយៈ លោក ហ៊ីម ឯក ទីព្រឹក្សា គេហទំព័រ ប៉ោយប៉ែតប៉ុស្តិ៍ www.poipetpostnews.com