ខេត្តបន្ទាយមានជ័យ៖ យុវជន៥នាក់ធ្លាប់ជាប់គុក២/៣ឆ្នាំ នៅតែបន្តអាជីព លក់ជក់គ្រឿងញៀនយ៉ាងសកម្ម ត្រូវកំលាំងនគរបាលការិយាល័យប្រឆាំងគ្រឿងញៀនឃាត់ខ្លួនបាន នៅវេលាម៉ោង០៤ល្ងាចថ្ងៃទី២០ ខែមេសាឆ្នាំ២០២០ នៅចំណុចផ្លូវលំផ្សារ ហ៊ុយឡេង ស្ថិតក្នុងភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ សមត្ថកិច្ចដកហូតបានវត្ថុតាងថ្នាំញៀនម្សៅក្រាមពណ៌សថ្លាចំនួន២កញ្ចប់ ថ្លឹងទាំងសំបកទម្ងន់៣៣.១៤ក្រាម រួមនិងថង់ប្លាស្ទិកសម្រាប់ច្រកថ្នាំមួយចំនួន ទូរស័ព្ទដៃចំនួន២គ្រឿង។ លោកវរសេនីយ៍ទោ ង៉េង សុជា ស្នងការរង ទទួលការងារប្រឆាំងគ្រឿងញៀន បានអោយដឹងថា៖ អនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ កម្លាំងនគរបាលជំនាញបានចុះស្រាវជ្រាវចាប់ អ្នកលក់ថ្នាំញៀនបានម្នាក់ ឈ្មោះ ឡាយ សៀវលិញ (ហៅលិញ) ភេទប្រុសអាយុ២៣ឆ្នាំ រស់នៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ ក្រោយពីចាប់ឃាត់ខ្លួនឈ្មោះ ឡាយ សៀវលិញ និងធ្វើការសាកសួរចម្លើយ កម្លាំងនគរបាលជំនាញការិយាល័យប្រឆាំងគ្រឿងញៀន និងកម្លាំងនគរបាលអធិការដ្ឋាននគរបាលក្រុងសិរីសោភ័ណ ចុះប្រតិបត្តិការបន្ត ឈានដល់ការចាប់ក្រុមយុវជនដែលជក់គ្រឿងញៀនបានបានចំនួន០៤នាក់បន្ថែមទៀត នៅចំណុចលេងបាញ់ត្រី ក្នុងផ្សារ ហ៊ុយឡេង ស្ថិតក្នុងភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ។ លោកស្នងការរងបានបញ្ជាក់អោយដឹងថា៖ ជនសង្ស័យទាំង៤នាក់មានឈ្មោះ ទី១-ឈ្មោះ គ្រិល វិសូត្រ ភេទប្រុសអាយុ៣១ឆ្នាំ នៅភូមិ៣ ធ្លាប់ជាប់ពន្ធនាគារ២ឆ្នាំ ពីបទជួញដូរគ្រឿងញៀន។ ទី២-ឈ្មោះ គ្រិល វិលេន ភេទប្រុសអាយុ២៩ឆ្នាំ នៅភូមិ៣ ជននេះធ្លាប់ជាប់ពន្ធនាគារ៣ឆ្នាំ ពីបទហឹង្សា។ ទី៣-ឈ្មោះ ចាប ចំរើន ភេទប្រុស អាយុ២៣ឆ្នាំ រស់នៅភូមិ១ ជនធ្លាប់ជាប់ក្នុងមណ្ឌលបន្សាបគ្រឿងញៀនជីវិតថ្មីភ្នំបាក់ចំនួន៣ដង។ ទី៤-ឈ្មោះ ឈុំ ចំរើន (ហៅង៉ា) ភេទប្រុសអាយុ២៧ ឆ្នាំ នៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ជននេះ ធ្លាប់ជាប់គុក៣ឆ្នាំ ពីបទជួញដូរគ្រឿងញៀន ។ លោកស្នងការរងបានបញ្ជាក់អោយដឹងទៀតថា៖ ជនសង្ស័យទាំង០៥នាក់ រួមនិងវត្ថុតាងថ្នាំញៀន កម្លាំងនគរបាលជំនាញរៀបចំសំណុំរឿងបញ្ជូនខ្លួនទៅសាលាដំបូងខេត្តបន្ទាយមានជ័យ នៅព្រឹកថ្ងៃទី២១ ខែមេសាឆ្នាំ២០២០នេះ ចាត់ការតាមនីតិវិធី៕ ដោយៈ លោក វ័ន ប៊ុនរើន ជំនួយការ គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា