ខេត្តបន្ទាយមានជ័យ៖ បើយោងនៅក្នុងលិខិតជាផ្លូវការ របស់លោកឧត្តមសេនីយ៍ទោ អាត់ ខែម បានសរសេរថា៖ ខ្ញុំបាទឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ សូមគោរពជូន ឯកឧត្តមសាស្ត្រាចារ្យវេជ្ជបណ្ឌិត រដ្ឋមន្ត្រីក្រសួងសុខាភិបាល ជាទីគោរពដ៏ខ្ពង់ខ្ពស់.! ។ ដើម្បីរួមចំណែកជាមួយរាជរដ្ឋាភិបាលកម្ពុជា ក្នុងការប្រយុទ្ធប្រឆាំងទៅនឹងមេរោគកូវីដ-១៩ (COVID-19) ដែលបាននិងកំពុងរីករាលដាលនៅព្រះរាជាណាចក្រកម្ពុជា ខ្ញុំបាទសូមបរិច្ចាគនូវប្រាក់បៀវត្ស ស្នងការនគរបាលខេត្តរបស់ខ្ញុំបាទចំនួន៦ ខែ គិតចាប់ពីខែឧសភា ដល់ខែតុលា ឆ្នាំ២០២០ ជូនគណៈកម្មការជាតិប្រយុទ្ធប្រឆាំងជម្ងឺកូវីដ-១៩(COVID-19) អាស្រ័យហេតុនេះ សូមឯកឧត្តម សាស្ត្រាចារ្យវេជ្ជបណ្ឌិត រដ្ឋមន្ត្រីក្រសួងសុខាភិបាល មេត្តាជ្រាប និងជួយចាត់ចែងប្រាក់បៀវត្សនេះ ចូលក្នុងគណនីរបស់គណៈកម្មការជាតិប្រយុទ្ធប្រឆាំងជម្ងឺកូរវីដ-១៩ ដោយក្តីអនុគ្រោះ។ សូមៈ ឯកឧត្តម សាស្ត្រាចារ្យវេជ្ជបណ្ឌិត មេត្តាទទួលនូវការសេចក្តីគោរពរាប់អានពីខ្ញុបាទ។ ថ្ងៃសុក្រ ១១ កើត ខែចេត្រ ឆ្នាំកុរឯកស័ក ព.ស២៥៦៣ បន្ទាយមានជ័យថ្ងៃទី០៣ ខែមេសា ឆ្នាំ២០២០ ហត្ថលេខាៈ ឧត្តមសេនីយ៍ទោ អាត់ ខែម។ ខ្ញុំបាទ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ និង និពន្ធនាយក និពន្ធនាយករង ព្រមទាំង សហការីនៃអង្គភាព ប៉ោយប៉ែតប៉ុស្តិ៍ រាជធានីខេត្ត សូមគោរពនិងកោតសរសើរដោយស្មោះអស់ពីដួងចិត្ត ជូន ចំពោះលោកឧត្តមសេនីយ៍ទោ អាត់ ខែមស្នងការនគរបាលខេត្តបន្ទាយមានជ័យ ដែលបានលះបង់ថវិកាផ្ទាល់ខ្លួន ជួយដល់គណៈកម្មការជាតិ ប្រយុទ្ទប្រឆាំងទៅនិងជំងឺកូវីដ-១៩ (COVID-19) ដែលជាការចូលរួមជួយបងប្អូនប្រជាពលរដ្ឋ ដែលឆ្លងមេរោគកូវីដ-១៩ កាយវិការ មនុស្សធម៌ របស់លោកឧត្តមសេនីយ៍ទោ អាត់ ខែម ស្នងការនគរបាលនៃខេត្តបន្ទាយមានជ័យ ខ្ញុំបាទ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ និង និពន្ធនាយក និពន្ធនាយករង ព្រមទាំង សហការីនៃអង្គភាព ប៉ោយប៉ែតប៉ុស្តិ៍ រាជធានីខេត្ត 🙏សូមបួងសួងដល់វត្តុសក្ក័សិទ្ធ នៅក្នុងលោក សូមតាមជួយថែរក្សា ដល់លោកឧត្តមសេនីយ៍ទោ អាត់ ខែម និងភរិយា ព្រមទាំងបុត្រាបុត្រី ចៅប្រុសស្រី សូមជួបតែ សុខភាពល្អបរិបូរណ៍ កម្លាំងមាំមួន ជន្មាយុយឺនយូរ សូមបានប្រកប ពុទ្ធពរ ទាំងប្រាំប្រការគឺ អាយុៈ វណ្ណៈ សុខៈ ពលៈ កុំបីឃ្លៀងឃ្លាតឡើយ🌹♥️♥️♥️♥️♥️🙏 ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com