ក្រុងប៉ោយប៉ែត៖ នាសៀលថ្ងៃទី០៣ ខែមេសា ឆ្នំា២០២០ វេលាម៉ោង០៧និង៣០នាទីល្ងាច ក្រោមអធិបតីភាព ឯកឧត្តម នាយឧត្តមសេនីយ៍ គៀត ច័ន្ចថារិទ្ឋ អគ្គនាយកដ្ឋានអន្តោប្រវេសន៍ និង ឯកឧត្តម នាយឧត្តមសេនីយ៍ ឃុន សំបូរ អគ្គនាយកដ្ឋានរង អន្តោប្រវេសន៍ អមដំណើរគណៈប្រតិភូលជាន់ខ្ពស់ជាច្រើនរូប បានអញ្ជើញជួបសំណេះសំណាល ត្រួតពិនិត្យមន្រ្តីចត្តាឡីស័ក សួរសុខទុកដល់កងកំលាំងមន្រ្តីនគរបាលអន្តោប្រវេសន៍ ប្រចាំច្រកទ្វារអន្តរជាតិប៉ោយប៉ែត ម្ពុជា-ថៃ បន្ទាប់មកឯកឧត្តម នាយឧត្តមសេនីយ៍ អមដំណើរគណៈប្រតិភូលជាន់ខ្ពស់ជាច្រើនរូប បានអញ្ជើញទៅត្រួតពិនិត្យនៅច្រកទ្វារអន្តរជាតិប៉ោយប៉ែត លើស្ពានមិត្តភាពកម្ពុជា-ថៃ ស្ថិតភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ។ ក្នុងពិធីជួបសំណេះសំណាលនាថ្ងៃនៅផងដែរ ឯកឧត្តម នាយឧត្តមសេនីយ៍ គៀត ច័ន្ចថារិទ្ឋ អគ្គនាយក នៃអគ្គនាយកអន្តោប្រវេសន៍ និង ឯកឧត្តម ឃុន សំបូរ អគ្គនាយករងនៃអគ្គនាយកអន្តោប្រវេសន៍ បានមានប្រសាសន៍ផ្តាំផ្ញើដល់កងកម្លាំងលោកឧត្ដមសេនីយ៍ត្រី អ៊ី ចំរើន ដែលជានាយប៉ុស្តិ៍នគរបាលអន្តោប្រវេសន៍ថា៖ បន្ទាប់ពីកម្ពុជា មានករណីផ្ទុះឡើងនូវជំងឺកូវីដ-១៩(CCOVID-19) ដែលពិភពលោកកំពុងតែមានការព្រួយបារម្ភណ៍ជាខ្លាំង ខណៈប្រមុខថ្នាក់ដឹកនាំកម្ពុជា ក៏កំពុង​យកចិត្តទុកដាក់ចលើសុវត្ថភាព និងសុខភាពប្រជាពលរដ្ឋ សូមកងកម្លាំងនៃមន្ត្រីប៉ុស្តិ៍នគរបាលអន្តោប្រវេសន៍ទាំងអស់ ពង្រឹងការត្រួតពិនិត្យអោយបានម៉ត់ចត់ គឺដើម្បីបង្ការទប់ស្កាត់ ប្រយុទ្ធប្រឆាំងទៅនិងជំងឺកូវីដ-១៩ (CCOVID-19) ដែលជំងឺនេះវាកំពុងឆ្លងរាតត្បាតពីមួយថ្ងៃទៅមួយថ្ងៃផងដែរ។ ក្នុងឱកាសនោះផងដែរ ឯកឧត្តម នាយឧត្តមសេនីយ៍ គៀត ច័ន្ចថារិទ្ឋ អគ្គនាយក នៃអគ្គនាយកដ្ឋានអន្តោប្រវេសន៍ និងឯកឧត្ដម ឃុន សំបូរ អមដំណើរប្រតិភូជាន់ខ្ពស់របស់នៃអគ្គនាយកដ្ឋានអន្តោប្រវេសន៍ ​បាននាំយក​នូវអំណោយ​មួយ​ចំនួន​ចែកជូន​ដល់នាយប៉ុស្តិ៍នគរអន្តោប្រវេសន៍ ប្រចាំច្រកទ្វារព្រំដែនអន្តរជាតិប៉ោយប៉ែត រួមមាន៖ អង្ករចំនួន២តោន ,មមីចំនួន២០កេស,ត្រីខ ចចំនួន១៦កេស,រួមនិងថវិការចំនួន៥លានរៀលផងដែរ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com