លោកឧត្តមសេនីយ៍ត្រី អ៊ី ចំរើន បានស្ម័គ្រចិត្តនូវប្រាក់បៀវត្សផ្ទាល់ខ្លួនចំនួន ១,០០០,០០០ រៀល (មួយលានរៀល) ក្នុងមួយខែ រយៈពេល៦ខែ.!!! ក្រុងប៉ោយប៉ែត៖ បើយោងនៅក្នុងលិខិតជាផ្លូវការរបស់ លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកព្រំដែនអន្តរជាតិប៉ោយប៉ែត សូមគោរពជូន ឯកឧត្តម បណ្ឌិតសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលជាទីគោរព.!។ ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការប្រយុទ្ធប្រឆាំងទៅនឹងការរាតត្បាតនៃមេរោគកូវីដ-១៩ (COVID-19 ) ខ្ញុំបាទសូមគោរពចូលរួមបរិច្ចាគដោយស្ម័គ្រចិត្ត នូវប្រាក់បៀវត្សផ្ទាល់ខ្លួនចំនួន ១,០០០,០០០ រៀល (មួយលានរៀល) ក្នុងមួយខែ រយៈពេល៦ខែ ជូនគណៈកម្មការជាតិប្រយុទ្ធប្រឆាំងនិងជំងឺវីដ-១៩ (COVID-19) ចាប់ពីខែឧសភា ដល់ ខែតុលា ឆ្នាំ២០២០។ អាស្រ័យដូចបានគោរពជម្រាបជូនខាងលើសូមឯកឧត្តមវេជ្ជបណ្ឌិតសាស្រ្តាចារ្យ រដ្ឋមន្ត្រីក្រសួងសុខាភិបាល មេត្តាជ្រាបដោយសេចក្តីអនុគ្រោះដ៏ខ្ពង់ខ្ពស់ សូមឯកឧត្តមរដ្ឋមន្ត្រីក្រសួងសុខាភិបាលមេត្តាទទួលនូវសេចក្តីស្រឡាញ់ដ៏ខ្ពង់ខ្ពស់ពីខ្ញុំបាទ ថ្ងៃចន្ទ ១៤កើត ខែចេត្រ ឆ្នាំកុរ ឯកស័ក ព.ស២៥៦៣ ប៉ោយប៉ែត ថ្ងៃទី០៦ ខែមេសា ឆ្នាំ២០២០ ហត្ដលេខាៈ ឧត្តមសេនីយ៍ត្រី អ៊ី ចំរើន។ ខ្ញុំបាទ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ និង និពន្ធនាយក និពន្ធនាយករង ព្រមទាំង សហការីនៃអង្គភាព ប៉ោយប៉ែតប៉ុស្តិ៍ រាជធានីខេត្ត សូមគោរពនិងកោតសរសើរដោយស្មោះអស់ពីដួងចិត្ត ជូន ចំពោះលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ ច្រកទ្វារព្រំដែនអន្តរជាតិប៉ោយប៉ែត ដែលបានលះបង់ថវិកាផ្ទាល់ខ្លួន ជួយដល់គណៈកម្មការជាតិ ប្រយុទ្ទប្រឆាំងទៅនិងជំងឺកូវីដ-១៩ (COVID-19) ដែលជាការចូលរួមចំណែកមួយជួយដល់បងប្អូនប្រជាពលរដ្ឋ ដែលឆ្លងមេរោគកូវីដ-១៩ កាយវិការ មនុស្សធម៌ របស់លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ ច្រកទ្វារព្រំដែនអន្តរជាតិប៉ោយប៉ែត នៃខេត្តបន្ទាយជ័យ ខ្ញុំបាទ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ និង និពន្ធនាយក និពន្ធនាយករង ព្រមទាំង សហការីនៃអង្គភាព ប៉ោយប៉ែតប៉ុស្តិ៍ រាជធានីខេត្ត 🙏សូមបួងសួងដល់វត្តុសក្ក័សិទ្ធ នៅក្នុងលោក សូមតាមជួយថែរក្សាដល់លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ ច្រកទ្វារព្រំដែនអន្តរជាតិប៉ោយប៉ែត និងភរិយា ព្រមទាំងបុត្រាបុត្រី ចៅប្រុសស្រី សូឥតមជួបតែ សុខភាពល្អបរិបូរណ៍ កម្លាំងមាំមួន ជន្មាយុយឺនយូរ សូមបានប្រកប ពុទ្ធពរ ទាំងប្រាំប្រការគឺ អាយុៈ វណ្ណៈ សុខៈ ពលៈ កុំបីឃ្លៀងឃ្លាតឡើយ🌹♥️♥️♥️♥️♥️🙏 ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com