ខេត្តសៀមរាប៖ ថ្ងៃចន្ទ ១៤កើត ខែចេត្រ ឆ្នាំកុរ ឯកស័ក ពស ២៥៦៣ ត្រូវនឹងថ្ងៃទី០៦ ខែមេសា ឆ្នាំ២០២០ លោក ណុប សារ៉ាក អធិការក្រុងសៀមរាប នឹង ភរិយា តំណាងអោយក្រុមការងារសប្បុរសជន ដែលបានសហការនាំគ្នាបរិច្ចាគ ថវិកា សម្ភារៈ ជាស្បៀងសម្រាប់ជួយដល់អ្នកក្រីក្រ ខ្វះស្បៀងប្រចាំថ្ងៃក្នុងពេលដែលជំងឺកូវីដ-១៩(COVID-29) កំពុងយាយីទូទាំងសាកលលោក។ ពិធីមនុស្សធម៌ បានមូលមតិ ជាឯកច្ឆន្ទធ្វើឡើងនៅក្នុងសង្កាត់នគរធំ ក្នុងនោះក៏មានការអញ្ជើញចូលរួមពីសំណាក់៖ លោក សុខ សេន ចៅសង្កាត់រងទី២.លោក យ៉ម យ៉ាត់ នាយប៉ុស្តិ៍នគរបាលរដ្ឋបាល.លោក ឌី សំណាង នាយករងសាលាបឋមសិក្សា ក្រវ៉ាន់។ លោក ណុប សារ៉ាក អធិការក្រុងសៀមរាបបានបញ្ជាក់អោយដឹងថា៖ ការចុះចែក អំណោយជា ស្បៀង បរិភោគ មួយចំនួន ចែកជូនដល់បងប្អូនប្រជាពលរដ្ឋដែលខ្វះខាតក្នុងជីវភាពប្រចាំថ្ងៃនោះសរុបចំនួន៤០គ្រួសារ មកមានចំនួន៤ភូមិ នៅក្នុងសង្កាត់នគរធំ ក្រុងសៀមរាប ខេត្តសៀមរាប ក្នុងមួយគ្រួសារទទួលបានសម្ភារមានដូចជា៖ • អង្ករ១០គីឡូក្រាម។ • ទឹកសុីអុីវ១ដប។ • ទឹកត្រី១ដប។ • មី៥កញ្ចប់។ • អំបិល១គក។ • ស្កសរ១គក។ • សាបូបោកខោអាវ១កញ្ចប់។ • សាប៊ូលាងសម្អាតដៃចំនួន១០ដុំ។ ក្នុងឱកាសនោះផងដែរ លោក ណុប សារ៉ាក អធិការក្រុងសៀមរាប បានធ្វើការផ្តាំផ្ញើ អោយបងប្អូនទាំងអស់ចេះថែរក្សាសុខភាពអោយបានល្អ ទៅតាមសេចក្តីណែនាំរបស់ក្រសួងសុខាភិបាល ហើយស្បៀង បរិភោគនេះ ជូនពុក ម៉ែ បងប្អូនក្នុងថ្ងៃនេះ គឺអាចដោះស្រាយបានមួយគ្រាដែល ដែលកំពុងប្រឈមតែប៉ុណ្ណោះ មិនអាចអោយពុកម៉ែបងប្អូនហូបបានច្រើនថ្ងៃនិងយូរអង្វែងនោះទេ។ ក្រោយពីអំណោយសប្បុរសជន មនុស្សធម៌ ចែកជូនដល់ពុកម៉ែបងប្អូនប្រជាពលរដ្ឋចំនួន៤០គ្រួសារមាន៤ភូមិនៅក្នុងសង្កាត់នគរធំ ក្រុងសៀមរាប សារព័ត៌មានសង្កេតឃើញថា ប្រជាពលរដ្ឋបានថ្លែងអំណរសារទរ ដល់លោក ណុប សារ៉ាក អធិការក្រុងសៀមរាប នឹងភរិយា ព្រមទាំង អស់លោកសប្បុរសជន ដែលមានទឹកចិត្តមនុស្សធម៌ យកជាអំណោយ ជាស្បៀង បរិភោគ មកចែកជូនដល់ពួកគាត់ ដែលបានយល់អំពីសុខទុក្ខបងប្អូនប្រជាពលរដ្ឋ ពួកយើងខ្ញុំ សូមគោរពជូនពរ និងប្រសិទ្ធិពរជ័យ វិបុលសុខ សូមបានប្រកប ពុទ្ធិពរប្រាំប្រការគឺ អាយុៈ វណ្ណៈ សុខៈពលៈកុំបី ឃ្លៀងឃ្លាតឡើយ🙏៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com