ខេត្តបន្ទាយមានជ័យ៖ លោកឧត្តមសេនីយ៍ត្រីហង្ស ស៊ីផា និងភរិយា ព្រមទាំងបុត្រាបុត្រីចៅប្រុសចៅស្រី រួមនឹងសប្បុរសជនជាច្រើនរូប បានចូលរួមចំណែក ចំណាយថវិកាផ្ទាល់ខ្លួន សរុបជាង២០ម៉ឺនដុល្លារសហរដ្ឋអាមេរិច ផ្ដួចផ្ដើមកសាង(វត្តគិរីធម្មបទ ខ្លាកូនថ្មី) បន្តថែមទៀតមានដូចជា សាលាឆាន់ កុដិក្រាលការ៉ូ បន្ទប់ទឹក និងសមិទ្ធផលផ្សេងៗទៀតជុំវិញបរវេណវត្ត។ មិនតែប៉ុណ្ណោះ លោកឧត្តមសេនីយ៍ត្រី ហង្ស ស៊ីផា ព្រមទាំងក្រុមគ្រួសារ និងសប្បុរសជនជាច្រើនរូប បានបន្តសហការជាថវិកា ចូលរួមចំណែកកសាងរបងព័ទ្ធជុំវិញ (វត្តគិរីធម្មបទ ខ្លាកូនថ្មី)ដែលមានកំពស់២ម៉ែត្រកន្លះ ដើម្បីការពារ ការវិវាទយកដីធ្លីវត្តមួយនេះផងដែល និងស្ថាបនាចាក់បេតុងផ្លូវមួយខ្សែដែលមានទទឹង៦ម៉ែត្រ បណ្ដោយ ១,០០០ ម៉ែត្រ កំរ៉ាស់១តឹកកន្លះ ក្រវ៉ាត់តាមចង្កេះភ្នំ ជូនប្រជាពលរដ្ឋក្នុងភូមិខ្លាកូនថ្មី ដើម្បីមានភាពងាយស្រួលក្នុងការធ្វើដំណើរ មកធ្វើបុណ្យធ្វើទាននៅ(វត្តគិរីធម្មបទ ខ្លាកូនថ្មី) ដែលស្ថិតក្នុងភូមិខ្លាកូនថ្មី ក្រុងសេរីសោភ័ណ្ឌ ខេត្តបន្ទាយមានជ័យ បន្តទៀត នាឆ្នាំ២០២០នេះ។ លោកបន្តអោយសារព័ត៌មានយើងដឹងថា ថ្នល់ចាក់បេតុងមួយខ្សែមានប្រវែង.១០០០ ម៉ែត្រ,ទទឹង៦ម៉ែត្រ,និងមានកំរ៉ាស់១តឹកកន្លេះដែលធ្វើតាមផ្លូវចាស់ ប្រជាពលរដ្ឋក្នុងខេត្តបន្ទាយមានជ័យ អាចមកហាត់ប្រាណពេលព្រឹក និងពេលល្ងាច បាន នឹងមកដើរលេងកម្សាន្តលក្ខណៈគ្រួសារលំហែកាយស្រូបយកខ្យល់អាកាសធាតុធម្មជាតិបរិសុទ្ធ គយគន់ទេសភាពជើងភ្នំកូនខ្លាថ្មីនេះផងដែរ។ ជាចុងក្រោយលោកឧត្តមសេនីយ៍ត្រី ហង្ស ស៊ីផា សូមថ្លែងអំណរអរគុណដល់សប្បុរសជនដែលបានចូលរួមចំណែកកសាង (វត្តគិរីធម្មបទ ខ្លាកូនថ្មី)មួយនេះ និងសូមគោរពជូនពរ សម្ដេច ទ្រុង ឯកឧត្តម លោកជំទាវ លោកឧកញ៉ា សប្បុរស់ជន ដែលបានចូលរួមចំណែកកសាងនោះ សូមជួបតែពុទ្ធពរទាំងបួនប្រការគឺ អាយុ វណ្ណៈសុខៈ ពលៈ កុំបីឃ្លៀងឃ្លាតឡើយ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com