ខេត្តសៀមរាប៖ មានករណីដ៏រន្ធត់គ្រោះថ្នាក់ចរាចរណ៏រមួយបានកើតឡើងរវាងរថយន្តនិងរថយន្ត បង្កអោយមនុស្សស្លាប់១នាក់និងរងរបួសធ្ងន់ស្រាល់៤នាក់ ដែលហេតុការណ៍នេះបានកើតឡើងនៅចំណុចផ្លូវជាតិលេខ៦ ត្រង់ចំណុចគីឡូម៉ែត្រលេខ ៣៥១-៣៥២ ក្នុងទឹកដីភូមិកិត្តិយស ឃុំព្រៃជ្រូក ស្រុកពួក ខេត្តសៀមរាប វេលាម៉ោង១១ជាង ថ្ងៃទី២០ ខែឧសភា ឆ្នាំ២០២០។ បើយោងប្រភពពីកន្លែងកើតហេតុបានអោយដឹងថា៖ គ្រោះថ្នាក់ចរាចរណ៍រវាងរថយន្តនិងរថយន្ត បង្កដោយរថយន្តម៉ាកហុីយ៉ាន់ដាយ ពណ៌ខៀវ ពាក់ស្លាកលេខ កំពង់ចាម 3A.8376 ដឹកត្រី បើកបរដោយឈ្មោះ សុខ យាងភារុត ភេទប្រុស អាយុ១៧ឆ្នាំ រស់នៅភូមិថ្មដាកើត ឃុំទួលសុភី ស្រុកអូររាំងឪ ខេត្តកំពង់ចាម។ ដឹកមនុស្ស១នាក់ឈ្មោះ ជុន រដ្ឋធី ភេទប្រុស អាយុ ២៧ឆ្នាំ រស់នៅភូមិថ្មដាលិច ឃុំទួលសុភី ស្រុកអូររាំងឪ ខេត្តត្បូងឃ្មុំ បើកបរទិសដៅពីកើតទៅលិច ត្រូវបានបែកកង់មុខ ហើយជ្រុលទៅបុកជាមួយរថយន្តម៉ាកហុីយ៉ាន់ដាយ ពណ៍ក្រហម ពាក់ស្លាកលេខ កំពង់ស្ពឺ 3A.0115 បើកបរដោយឈ្មោះ រ៉េត សារឹទ្ធ ភេទប្រុស អាយុ២៧ឆ្នាំ រស់នៅភូមិជ្រាស់ ឃុំល្វា ស្រុកពួក ខេត្តសៀមរាប បើកបរទិសដៅពីកើតទៅលិច ពេលបុកហើយ រថយន្តជ្រុលទៅបុកផ្ទះប្រជាពលរដ្ឋចំនួន២ខ្នងបន្ថែមទៀត។ ប្រភពពីកន្លែងកើតហេតុបានឲ្យដឹងទៀតថា៖ទី១-ម្ចាស់ផ្ទះរងគ្រោះឈ្មោះ ហង់ រឿង ភេទប្រុស អាយុ៦០ឆ្នាំ នៅភូមិ-ឃុំកើតហេតុខាងលើ ផ្ទះឈើទំហំ5.20 X 8 m ប្រក់ស័ង្គសី ជញ្ជាំងក្ដា កម្ពស់2.50m បានដួលរលំទាំងស្រុង។ ចំណែក២-ម្ចាស់ផ្ទះរងគ្រោះឈ្មោះជួន លេន ភេទប្រុស អាយុ៣៤ឆ្នាំ នៅភូមិ-ឃុំកើតហេតុខាងលើ ផ្ទះសង់អំពីដែក ទំហំ4 X 5 m ប្រក់ស័ង្គសី ជញ្ជាំងស័ង្កសី ខូចខាតស្រាល។ សូមបញ្ជាក់ផងដែរថា៖ ករណីគ្រោះថ្នាក់ចរាចរណ៍ខាងលើនេះបណ្តាលមាន ស្លាប់មនុស្សចំនួន០១នាក់ ឈ្មោះ រ៉េត សារឹទ្ធភេទប្រុស និងរងរបួសមនុស្សចំនួន៤នាក់ក្នុងនោះស្រី១នាក់(របួសធ្ងន់១នាក់ ស្រាល៣នាក់)មានឈ្មោះដូចខាងក្រោម៖ ទី១-ឈ្មោះ ជុន រដ្ឋធី របួលធ្ងន់ ទី២-ឈ្មោះ សុខ យាងភារុត ទី៣-ឈ្មើហង់ បុត្រវីរះ ភេទប្រុស អាយុ២៩ឆ្នាំ ទី៤-ឈ្មោះ ណាត ចាន់ណា ភេទស្រីអាយុ២៧ឆ្នាំ របួសស្រាល។ ចំណែករថយន្តខូចខាតយ៉ាងដំណំទាំងសងខាង។ ក្រោយពេលកើតហេតុ បច្ចុប្បន្ន កម្លាំងផ្នែកសណ្ដាប់ធ្នាប់សាធារណៈនិងកម្លាំងប៉ុស្តិ៍នគរបាលរដ្ឋបាលបានចុះដល់កន្លែងកើតហេតុដើម្បីជួយអន្តរាគមន៍និងសង្គ្រោះ និងបានធ្វើការស្ទូចរថយន្តទាំងពីរគ្រឿងយកទៅប៉ុស្តិ៍ ដើម្បីធ្វើកំណត់ហេតុ រងចាំដោះស្រាយគ្នានៅពេលក្រោយ៕ ដោយៈ លោក ព្រីង សំឡត អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com