ខេត្តឧត្ដរមានជ័យ៖ ក្រុមហ៊ុនដឹកជញ្ជូនសត្វជ្រូករស់ទាំង០៦ក្រុមហ៊ុន ស្នើសុំដល់ឯកឧត្ដម វ៉េង សាខុន រដ្ឋមន្រ្តីក្រសួងកសិកម្មរុក្ខាប្រម៉ាញ់និងនេសាទ មេត្តាជួយបន្តអាជ្ញាប័ណ្ណ ក៏ ដូចជាសាពលអនុញ្ញាតអោយក្រុមហ៊ុនបានដំណើរការក្នុងការដឹកជញ្ជូនសត្វជ្រូករស់មកផ្គត់ផ្គង់ទីផ្សារក្នុងស្រុកវិញផង។ បើតាមប្រភពមួយបានបព្ជាក់ថា៖ ក្រុមហ៊ុន លឹម ស៊ីវមី អាងខ្នង អាងខ្សែរ អ្នកមានអំណាចនិងយកលេសធ្វើអាជីវកម្មស្រប់ច្បាប់ ក្នុងការដឹកជញ្ជូនសត្វជ្រូករស់ ចេញពីប្រទេសថៃ ចូលមកប្រទេសកម្ពុជា តាមច្រកទ្វាអត្តរជាតិអូរស្មាច់ ដឹកមកស្ដុបទុកនៅចំណុចភូមិ កូនក្រៀល សង្កាត់កូនក្រៀល ក្រុងសំរោង ខេត្តឧត្ដរមានជ័យ រួចបន្តការចែកចាយគ្រប់រាជធានីខេត្តក្នុងព្រះរាជាណាចក្រកម្ពុជា មិនតែប៉ុណ្ណោះ ក្រុមហ៊ុន លឹម ស៉ីវមី ថែមទាំងក្ដោបអោយក្រុមហ៊ុនទាំង៦មកជ្រកក្រោមក្រុមហ៊ុនរបស់ខ្លួនទៀតផង។ ប្រភពដ៏ដែលបានបន្តថា៖ ក្រុមហ៊ុន លឹម ស៊ីវមី មួយរយៈនេះកំពុងមមាញឹកសម្រុកដឹកជញ្ជូនសត្វជ្រូករស់ទៅតាមបណ្ដារខេត្តនានាក្នុងព្រះរាជាណាច្រកកម្ពុជាកាន់តែច្រើនៗឡើង ជាពិសេសក្រុមហ៊ុន លឹម ស៊ីវមី គឺធ្វើការដឹកជញ្ជូនសត្វជ្រូករស់លើសពីគោលការណ៍របស់ក្រសួងកសិកម្មរុក្ខាប្រម៉ាញ់និងនេសាទបានកំណត់ទ្វេដង។ មិនតែប៉ុណ្ណោះ ក្រុមហ៊ុន លឹម ស៊ីវមី បានប្រើប្រាស់រថយន្តដឹកសត្វជ្រូករស់ ខុសបច្ចេកទេស កាត់តទ្រុងខុសស្តង់ដា រថយន្តខ្នាតយក្ស សូមលោក ពិវ ឆេង ប្រធានការិយាល័យសាធារណៈការនិងដឹកជញ្ជូនខេត្តឧត្ដរមានជ័យ គួរតែចុះត្រួតពិនិត្យផង។ដើម្បីគោរពតាមច្បាប់ស្ដីអំពីផែនចរាចរណ៍ផ្លូវគោក ដែលរាជរដ្ឋាភិបាលដាក់កំហិតអោយសម្ថតកិច្ចពាក់ពន្ធ័ទាំងអស់ចុះអនុវត្តច្បាប់ចរាចរណ៍ផ្លូវគោកគ្រប់រាជធានីខេត្តក្នុងព្រះជាណាចក្រកម្ពុជា។ ពាក់ព័ន្ធករណីខាងលើ ប្រជាពលរដ្ឋ៤ភូមិដែលជាកម្មករលីសែងលើកសត្វជ្រូកដាក់លើរថយន្តអោយក្រុមហ៊ុនផ្សេងៗ ក្នុងខេត្តឧត្ដរមានជ័យ កំពុងតែប្រឈមនិងអត់មានការងារធ្វើ គឺដោយសារតែក្រុមហ៊ុនលឹម ស៊ីវមី ក្ដោបសេដ្ឋកិច្ចទីផ្សារក្នុងស្រុកនិងបានប្រើប្រាស់បច្ចេកវិជ្ជាទំនើបៗក្នុងការលើកដាក់សត្វជ្រូកលើរថយន្តមិនប្រើកម្លាំងមនុស្សច្រើន។ ទីជាយ៉ាងនេះក្តី ពលរដ្ឋនូវតែទទូចសុំសូមណូមពរ ដល់ឯកឧត្ដម វ៉េង សាខុន រដ្ឋមន្រ្តីក្រសួងកសិកម្មរុក្ខាប្រម៉ាញ់និងនេសាទ មេត្តាទានជ្រាប បើក្រុមហ៊ុន លឹម ស៊ីវមី ក្ដោបសេដ្ឋកិច្ចទីផ្សារក្នុងស្រុក និងក្ដោបក្រុមហ៊ុនដឹកជញ្ជូនសត្វជ្រូកក្នុងខេត្តឧត្ដរមានជ័យទាំងអស់ ពួកគាត់និងប្រឈមអត់ការងារធ្វើជាក់ជាមិនខាន៕ ដោយៈ លោក វ័ន ប៊ុនរើន អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com