ខេត្តបាត់ដំបង៖ ករណីអគ្គីភ័យលេបត្របាក់ផ្ទះពលរដ្ឋ៤ខ្នង ដោយសារតែផ្សារដែកខ្វះការប្រុងប្រយ័ត្ន នៅថ្ងៃទី២៧ ខែឧសភា ឆ្នាំ២០២៩ នៅវេលាម៉ោង១៦ និង១០ នាទីត្រង់ចំណុចក្រុមទី១០ ភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង។ បើយោងប្រភពីពករដ្ឋនៅក្បែម្ចាស់ផ្ទះឆេះខាងលើបានអោយដឹងថា៖ អគ្គីភ័យដែលបង្កអោយឆេះនេះ បណ្តាលមកពី ម្ចាស់ផ្ទះ.ឈ្មោះ ជៀម សុខនី អាយុ៣០ឆ្នាំ បានផ្សារដែកធ្លាក់កន្ទេចភ្លើងផ្សារចំដបសាំង ផ្ទុះដប បង្កឆេះឆាបខ្លាំងតែម្តងទើបរាលដាលបន្តឆេះផ្ទះចំនួន០៤ខ្នងទៀត មានឈ្មោះដូចខាងក្រោម៖ ទី១-ឈ្មោះ សឿង ប្រុស អាយុ៣១ឆ្នាំ (ខូចទាំងស្រុក)។ ទី២-ឈ្មោះ សៀប សុខថាវរី ភេទស្រី អាយុ៥០ឆ្នាំ (ខូច60%)។ ទី៣-ឈ្មោះ ទៀប រ៉េត ភេទស្រី អាយុ២៩ឆ្នាំ (ខូច30%)។ ទី៤-ឈ្មោះ ប៊ុន ឆី ភេទប្រុស អាយុ៥៣ឆ្នាំ (ខូច20%)។ ជុំវិញករណីឆេះផ្ទះពលរដ្ឋ៤ខ្នងខាងលើ សមត្ថកិច្ចបានអោយដឹងថា៖ បានប្រើរថយន្តពន្លត់អគ្គិភ័យចំនួន២គ្រឿង របស់ស្រុកសំឡូត និងស្រុករតន:មណ្ឌល ដោយប្រើប្រាស់ឡានទឹកស្រុកសំឡូត ប្រើបាស់ទឹកចំនួន០៦ឡាន កម្លាំងអន្តរាគមន៍ អធិដ្ឋាននគរបាលស្រុកសំឡូតចំនួន១០នាក់ ,ស្រុករតន:មណ្ឌល បានប្រើប្រាស់ទឹកអស់ចំនួន ០២ឡាន កម្លាំងអន្តាគមន៍ នៃអធិការដ្ឋាននគរបាលស្រុករតនមណ្ឌល ចំនួន៧នាក់ព្រមទាំងមានការសហការចូលរួមកម្លាំងវរៈសេនាតូចលេខ ៨២៣ ,៣១០,កម្លាំងយោធា ៥០២ និងកម្លាំងកងរាជអាវុធហត្ថ ស្រុកសំឡូត កម្លាំងសឹករងស្រុកសំឡូត។ សមត្ថកិច្ចបន្តអោយដឹងទៀតថា៖ ករណីខាងលើនេះ បណ្តាលអោយរបួសមនុស្ស១នាក់ និងឆេះម៉ូតូចំនួន១គ្រឿង៕ ដោយៈ លោក សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com