ក្រុងប៉ោយប៉ែត៖ មានករណីផ្ទុះអាវុធ៤គ្រាប់ បណ្តាលអោយបុរសម្នាក់ស្លាប់ បង្កការភ្ញាក់ផ្អើលទាំងយប់ នៅចំណុចផ្លូវបេតុងម្ដុំស្ទង់តាងួន ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ដែលហេតុការណ៍នេះកើតឡើងនៅវេលាម៉ោង០១និង២០នាទីរំលងអាធ្រាត្រ ត្រូវនិងថ្ងៃអាទិត្យ ១២កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី០៣ ខែឧសភា ឆ្នាំ២០២០។ តាមប្រភពពីសមត្ថកិច្ចក្រុងប៉ោយប៉ែត បានអោយសារព័ត៌មាន (គេហទំព័រ ប៉ោយប៉ែតប៉ុស្តិ៍)ដឹងថា៖ ករណីឃាតកម្ម ផ្ទុះអាវុធជាច្រើនគ្រាប់នេះ បង្ករឡើងដោយជនសង្ស័យមិនស្គាល់អត្តសញ្ញាណ មានចំនួន ០២ក្រុម មានគ្នីគ្នាប្រហែល១០នាក់ ជិះម៉ូតូចំនួន០៤គ្រឿង បានជិះម៉ូតូធ្វើសកម្មភាពដេញកាប់គ្នាតាមដងផ្លូវ និងបានប្រើកាំភ្លើង បាញ់ទៅលើជនរងគ្រោះឈ្មោះ ហៀង សុគន្ធធារ៉ា ភេទប្រុស អាយុ២៤ឆ្នាំ រស់នៅមណ្ឌល៤ ភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត បណ្ដាលអោយស្លាប់ ដោយមានស្នាមរបួសដោយគ្រាប់កាំភ្លើង បាញ់ចំពោះ ០៤គ្រាប់ (បាញ់ធ្លាយពោះពីខាងឆ្វេងទៅខាងស្ដាំ០១គ្រាប់,បាញ់ចំដៃខាងស្ដាំ ០១គ្រាប់, បាញ់ចំកាំភួនជើងខាងឆ្វេង ០១គ្រាប់,និងបាញ់ចំកាំភួនជើងខាងស្ដាំ ០១គ្រាប់។ បើតាមប្រភពព័ត៌មានពីកន្លែងកើតហេតុបានអោយដឹងថា៖ ក្រោយពីក្រុមជនដៃដល់ទាំងនោះ ធ្វើសកម្មភាពរួច ជនសង្ស័យទាំង ០២ក្រុមបានរត់គេចខ្លួនទៅ ចំណែកជនរងគ្រោះត្រូវបានបញ្ជូនទៅកាន់មន្ទីរពេទ្យបង្អែកប៉ោយប៉ែត(ដីថ្មី) ហើយស្លាប់នៅមន្ទីរពេទ្យ។ ប្រភពពីសមត្ថកិច្ចបានបន្ថែមថា៖ សពបុរសជនរងគ្រោះ ពេលនេះ ត្រូវបានប្រគល់ទៅអោយ ឱពុក ម្តាយ យកទៅធ្ធើបុណ្យតាមប្រពៃណី។ ពាក់ព័ន្ធករណីឃាតកម្ម បាញ់បោះសម្លាប់ខាងលើ សមត្ថកិច្ចនគរបាល និងអាវុធហត្ថ ក្រុងខេត្តបន្ទាយមានជ័យ កំពុងដុតដៃជើង ពង្រាយកម្លាំងធ្វើការស្រាវជ្រាវបន្ត ដើម្បីចាប់ខ្លួនជនសង្ស័យទាំង០២ក្រុម មកផ្តន្ទាទោសតាមផ្លូវច្បាប់អោយខានតែបាន(សូមប្រិយមិត្តទស្សនិកជនរងចាំតាមដានវគ្គបន្ត)៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា