ខេត្តបន្ទាយមានជ័យ៖ កម្លាំងកងរាជអាវុធហត្ថក្រុងប៉ោយប៉ែត ដេញស្ទាក់ចាប់បានជនសង្ស័យ៣នាក់ ឆក់ការបូបគ្រួសារមន្ត្រីកងរាជអាវុធហត្ថក្រុង ខណៈថ្ងៃទី៣០ ខែឧសភា ឆ្នាំ ២០២០ ត្រូវបានបញ្ជូនទៅកាន់ ទីបញ្ជាការដ្ឋានៃកងរាជអាវុធហត្ថខេត្តចាត់ការបន្តតាមនីតិវិធី។ អាវុធហត្ថក្រុងប៉ោយប៉ែតបានអោយដឹងថា៖ ជនសង្ស័យទី១-ឈ្មោះ នុត លីហួរ ភេទប្រុស អាយុ១៧ឆ្នាំ។ ទី២-ឈ្មោះលឹម រ៉ាលាង ភេទប្រុស អាយុ១៨ឆ្នាំ។ ទី៣-ឈ្មោះ ភ័ន្ទ សំប៊ុន ភេទប្រុស អាយុ១៨ឆ្នាំ។ ជនសង្ស័យទាំងបីនាក់ រស់នៅក្នុងក្រុងប៉ោយប៉ែត ខេត្តបន្ទាយមានជ័យ។ កម្លាំងអាវុធហត្ថក្រុងបានអោយដឹងថា៖ នេះជាករណីលួចមានស្ថានទម្ងនទោស(ឆក់កាបូប) ដែលជនសង្ស័យទាំង៣នាក់ បានជិះម៉ូតូ ម៉ាកហុងដាទ្រីមពណ៌ខ្មៅ ឆ្នាំផលិត២០១៣ ពាក់ស្លាកលេខ បាត់ដំបង1Q-4130 ចំនួន០១គ្រឿង ធ្វើសកម្មភាពឆក់ ទៅលើជនរងគ្រោះ ខណៈដែលជនរងគ្រោះជិះម៉ូតូនៅម៉ោង១៤ និង០០នាទី ថ្ងៃទី២៩ ខែឧសភា ឆ្នាំ២០២០ នៅចំណុចភូមិព្រៃព្រិច សង្កាត់និងក្រុងប៉ោយប៉េត ខេត្តបន្ទាយមានជ័យ។ អាវុធហត្ថក្រុងបានបញ្ជាក់ថា៖ នៅក្នុងកាបូបជនរងគ្រោះ មានប្រាក់ ១០០០B (មួយពាន់បាត) ប្រាក់ខ្មែរចំនួន៦៥១០០៛(ប្រាំមួយម៉ឺនប្រាំពាន់មួយរយរៀល) នឹងប្រាក់ដុល្លារ(២ដុល្លារ) រួមនិងអត្តសញ្ញាណបណ្ណសញ្ជាតិខ្មែរចំនួន០១,នាមប័ណ្ណពិនិត្យសុខភាពចំនួន០១ ត្រូវបានប្រគល់ជូនជនរងគ្រោះវិញ។ ក្រោយពីសាកសួរជនសង្ស័យទាំង៣នាក់ និងវត្ថុតាងត្រូវបានកម្លាំងមូលដ្ឋានកងរាជអាវុធហត្ថក្រុងប៉ោយប៉ែត កសាងសំណុំរឿង បញ្ជូនទៅទីបញ្ជាការដ្ឋានកងរាជអាវុធហត្ថខេត្តចាត់ការបន្តតាមនីតិវិធី៕ ដោយៈ លោក ស៊ុយ វុទ្ធី www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា