ក្រុងប៉ោយប៉ែត៖ តាមការស្រាវជ្រាវយ៉ាងយកចិត្តទុកដាក់ ពិនិត្យធ្វើកោសល្យវិច័យ លើករណីផ្ទុះអាវុធ៤គ្រាប់ ស្លាប់មនុស្សម្នាក់ ថាជាអំពើឃាតកម្ម ដែលមានវត្តមានលោកឧត្តមសេនីយ៍ទោ អាត់ ខែម ស្នងការខេត្តបន្ទាយមានជ័យ លោកឧត្តមសេនីយ៍ត្រី សិទ្ធ ឡោះ ស្នងការរងខេត្ត លោក តេង សាម៉ៃ ព្រះរាជអាជ្ញារងខេត្ដបន្ទាយមានជ័យ និងលោកវរសេនីយ៍ឯក ធិន ស៊ិនដេត អធិការក្រុងប៉ោយប៉ែត លោក វិជ្ជា វឌ្ឍនា អធិការរងក្រុង រួមនិង ស្រាវជ្រាវ អស់រយៈពេលជិតមួយថ្ងៃពេញ ជាផលិតផល បានរកឃើញការពិតហើយ ដោយយោងតាមចម្លើយពីប្អូនជនរងគ្រោះស្លាប់ ដែលជាជនបង្ក និងសមត្ថកិច្ចរងគ្រោះនោះ។ ដោយយោងតាមការបកស្រាយពីលោក វិជ្ជា វឌ្ឍនា អធិការរងក្រុងប៉ោយប៉ែត បានអោយដឹងនៅព្រឹកថ្ងៃ០៤ ខែឧសភា ឆ្នាំ២០២០នេះថា៖ ករណីផ្ទុះអាវុធ៤គ្រាប់នៅចំណុចផ្លូវបេតុងម្ដុំស្ទង់តាងួន បណ្តាលអោយបុរសម្នាក់ស្លាប់នោះតាមពិតគឺជា(ជនបង្ក) ដែលហេតុការណ៍នេះកើតឡើង ត្រង់ចំណុចក្នុងភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ រំលងអាធ្រាត្រ វេលាម៉ោង០១និង២០នាទីយប់ ឈានចូលថ្ងៃអាទិត្យ ១២កើត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី០៣ ខែឧសភា ឆ្នាំ២០២០។ លោអធិការរងបានបញ្ជាក់ថា៖ សមត្ថកិច្ចដែលជាជនរងគ្រោះមានឈ្មោះ ហឹម សុខណា ភេទប្រុស អាយុ២៩ឆ្នាំ សក្ដិ២ នៅប្រចាំផ្នែកប្រឆាំងគ្រឿងញៀន រងរបួសដៃជើងសងខាង និងផ្នែកខាងក្រោយ ពេលនេះកំពុងសម្រាកព្យាបាលនៅមន្ទីរពេទ្យ ដោយមានការយកចិត្តទុកដាក់ពីក្រុមគ្រូពេទ្យ។ លោកអធិការរងក្រុងបន្តទៀតថា៖ ដើមឡើយមុនពេលកើតហេតុ ឈានដល់ការផ្ទុះអាវុធបង្កអោយម្ខាងរបួស ម្ខាងស្លាប់។ ដំបូងឡើយមានប្រុស២នាក់ ស្រីម្នាក់បានជិះម៉ូតូឌុបគ្នា ស្រាប់តែមានជនសង្ស័យមួយក្រុមមានបំណងមកស្ទាក់ ដោយមានការភ័យខ្លាច ទើបបើកម៉ូតូរត់គេចខ្លួនទៅបុកខឿនផ្លូវ បង្កអោយធ្លាក់ស្ត្រីម្នាក់ ហើយក៏បើកបន្តគេចខ្លួនទៅ នេះបើយោងតាមចម្លើយពីជនរងគ្រោះ។ លោក វិជ្ជា វឌ្ឍនា បន្តទៀតថា៖ ស្របពេលសមត្ថកិច្ចដែលរងគ្រោះ ឃើញស្ត្រីម្នាក់នោះ ក៏បានសួរនាំ រួចដឹកជូននាងទៅផ្ទះ នៅមនោរម្យ ស្រាប់តែទៅដល់ ផ្ទះបានជាប់សោរទ្វារ រួចខាងសមត្ថកិច្ចសួរនាងថា ចឹងប្អូនស្រីទៅណាទៀត បន្ទាប់នាងឆ្លើយថា ជូនខ្ញុំទៅកន្លែងដ៏ដែលវិញទៅ។ លុះដល់កន្លែងដើម ស្រាប់តែឃើញមានជនសង្ស័យបង្កមួយក្រុមស្ទុះដក(ដាវសាំមូរ៉ៃ) មកកាប់សមត្ថកិច្ចតែម្តង បម្រុងសម្លាប់ តែមិនបណ្ដាលអោយស្លាប់គ្រាន់តែរងរបួសធ្ងន់ ទើបបានកើតឡើងជាករណីផ្ទុះអាវុធគម្រាម ដើម្បីការពារខ្លួន ក្រោយពីមានការផ្ទុះអាវុធ៤គ្រាប់ ក្រុមជនបង្កនាំគ្នារត់ចែកជើងគ្នាបាត់ទៅ បន្សល់នៅជនបង្កម្នាក់រងរបួសខ្លួនចំនួន៤គ្រាប់ ពេលធ្វើការបញ្ជូនទៅសង្គ្រោះនៅមន្ទីរពេលបង្អែក(ដីថ្មី)ដាច់ខ្យល់ស្លាប់នៅមន្ទីរពេទ្យ ហើយត្រូវបានសមត្ថកិច្ចក្រុងប៉ោយប៉ែត ប្រគល់ជូន ឪពុក ម្តាយ យកសពទៅធ្វើបុណ្យតាមប្រពៃណី។ ដោយឡែកៈ បើយោងតាមការសន្និដ្ឋានពីប្រភពមួយ បានសន្និដ្ឋានថា៖ រឿងករណីរហូតដល់មានការបង្ខំចិត្តផ្ទុះអាវុធចំនួន៤គ្រាប់ ហើយបង្កមានអ្នកស្លាប់និងម្ខាងសមត្ថកិច្ចរងរបួសធ្ងន់នោះ អាចជាករណីគិតទុកជាមុន ដោយរឿងគំនំុ ឬជាករណីធ្វើស៊ីប្លន់យក តែជនបង្កសូយប៉ះប៉ូលីសស្លៀកពាក់ស៊ីវិល។ ប្រភពមួយបាសន្និដ្ឋានទៀតថា៖ បើក្រុមនោះប៉ះប្រជាពលរដ្ឋធម្មតាច្បាស់ជាព្រួតគ្នាកាប់សម្លាប់យកទ្រព្យសម្បត្តិជាប់ខ្លួនជាក់ពំខានឡើយ។ ប្រភពមួយផ្សេងទៀតបានសន្និដ្ឋានថា៖ ករណីខាងលើ អាចជារឿងស្នេហាត្រីកោណ...?.?.?.?.?៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com