ខេត្តកំពត៖ បើងយោងតាមការចុះផ្សាយពីសារព័ត៌មានក្នុងស្រុកជាច្រើនស្ថាប័ន បានចុះផ្សាយនាពេលថ្មីៗនេះ យ៉ាងក្តៅគគុក រឿង (សង្វៀនជល់មាន់ និងអាប៉ោង) កំពុងដំណើរការបើកលេងយ៉ាងគគ្រឹកគ្រេង ស្ថិតនៅភូមិឈើទាល​ ឃុំឈូក ស្រុកឈូក ខេត្តកំពត។ តែលោក សំរិទ្ធ សិលាវិបុល ដែលជាអធិការនគរបាល​ស្រុកឈូក​ បានថ្លែងថា រឿងនេះលោកបានដឹងហើយ តែមិនទាន់ដល់ម៉ោងលោកធ្វើការ ទើប​លោក​មិន​ចុះ​បង្រ្កាប បើយោងតាមការចុះផ្សាយសារព័ត៌មានក្នុងស្រុក។ បន្ទាប់ពីមានការឆ្លើយតបពីលោកអធិការស្រុកឈូក បែបនេះ ធ្វើឲ្យមហាជន និងសារព័ត៌មានក្នុងស្រុកជាច្រើនស្ថាប័ន បាននិងកំពុងសម្តែងនូវការខកចិត្តជាខ្លាំង ក្រោយ​ពី​បាន​លឺនូវ​ពាក្យ​សម្តី​របស់​លោកអធិការស្រុកឈូករូបនេះ ដែលគាត់ជាមន្រ្តីសាធារណៈស៊ីប្រាក់ខែរាស្រ្ត ហើយ​ធ្វើការ​គោរព​ម៉ោង​ពេល​យ៉ាងនេះ តើរកឯណាបានដូចទៅណ៎.!។ ទោះជាយ៉ាងណាក្តីក៏ដោយ​ ពលរដ្ឋសង្ឃឹមថា៖ លោកឧត្តមសេនីយ៍ទោ ម៉ៅ ច័ន្ទមធុរិទ្ឋ ស្នងការនគរបាលខេត្តកំពត និងមានចំណាត់ការក្តៅ ចាត់កម្លាំងជំនាញក្រោមឱវាទចុះត្រួតពិនិត្យទីតាំងសង្វៀន(ប្រជល់មាន់និងអាប៉ោង)ខុសច្បាប់ ដែលកំពុងបើកលេងនៅភូមិឈើទាល​ ឃុំឈូក ស្រុកឈូក ខេត្តកំពតមួយនេះ នឹងមានវិធានការបង្ក្រាបដើម្បីអោយភូមិឃុំមានសុវត្ថភាពទាំង៩ចំនុច ស្របទៅតាមគោលការណ៍របស់រាជរដ្ឋាភិបាលកម្ពុជា ដែលបានដាក់ចេញទិសស្លោក ២៥រាជធានីខេត្ត នៅចំនុចទី៥ គ្មានបនល្បែងស៊ីសង ដើម្បីធានាបាននូវភូមិឃុំមានសុវត្ថិភាព។ ជុំវិញការចុះផ្សាយករណីខាងលើ សារព័ត៌មាន (គេហទំព័រ ប៉ោយប៉ែតប៉ុស្តិ៍) ចុះផ្សាយទៅនេះ ក្នុងនាមជាព្រាបនាំសារ ជាភ្នែកជាច្រមុះ របស់រាជរដ្ឋាភិបាលកម្ពុជា និង ជាកញ្ចក់ឆ្លុះបញ្ចាំង រឿង ល្អ និង រឿងអាក្រក់ ពីសង្គម ហើយសារព័ត៌មានចុះផ្សាយទៅក្នុងន័យស្ថាបនាកែតម្រូវតែប៉ុណ្ណោះ មិនបានបង្អាប់បង្អោន ឬជាន់ពន្លិចបុគ្គលណាមួយឡើយ ហើយសារព័ត៌មានចុះផ្សាយទៅ បើសិនជាសាមីខ្លួនគិតថា ខុសត្រង់កន្លែងណាមួយដោយមិនសមរម្យនោះ សារព័ត៌មានយើងខ្ញុំរងចាំបកស្រាយបំភ្លឺឡើងវិញរៀងរាល់ម៉ោងធ្វើការ ការិយាល័យនិពន្ធ សូមទំនាក់ទំនងតាមរយៈលេខទូរស័ព្ទចំនួនពីរខ្សែTell.092190098 / 0886606773៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com