រាជធានីភ្នំពេញ៖ ចៅក្រមជំនុំជម្រះសាលាដំបូងរាជធានីភ្នំពេញ នៅព្រឹកថ្ងៃទី១២ ខែមិថុនា ឆ្នាំ២០២០នេះ បានបើកសវនាការប្រកាសសាលក្រមលើសំណុំរឿង «ផលិត ជួញដូរ រក្សាទុក ចាត់ចែងសម្រួលឱ្យប្រើប្រាស់ដោយខុសច្បាប់នូវសារធាតុញៀន» និងបទ «សមគំនិតក្នុងអំពើជួញដូរ រក្សាទុកចាត់ចែងប្រើប្រាស់ និងសម្រួលឱ្យប្រើប្រាស់នូវសារធាតុញៀនដោយខុសច្បាប់»។ ដោយចៅក្រមសម្រេចផ្តន្ទាទោសឈ្មោះ ស្រេង វីរៈ ម្ចាស់ក្លឹបម៉ៃអាមី ដាក់ពន្ធនាគារ១២ឆ្នាំ និងអ្នកពាក់ព័ន្ធចំនួន០៧នាក់ផ្សេងទៀត ក្នុងម្នាក់ៗជាប់ពន្ធនាគារពី១១ឆ្នាំ- ១០ឆ្នាំ និង៥ឆ្នាំ។ក្នុងសំណុំរឿងនេះប៉ូលីសរឹបអូសបានគ្រឿងញៀនប្រមាណតែ ១០គីឡូក្រាមប៉ុណ្ណោះ ។ តែគ្រឡេកមើលសំណុំរឿង របស់អ្នកឧកញ៉ា គិត ធាង ម្ចាស់ក្លឹបកំសាន្តរ៉ុក ឯណោះវិញ គឺសមត្ថកិច្ច បានរឹបអូសគ្រឿងញៀនរហូតដល់ ជិត៥០គីឡូក្រាម និងបានផ្តន្ទាទោស ក្នុងម្នាក់តែ១ឆ្នាំ៦ខែ ដល់៤ឆ្នាំប៉ុណ្ណោះ ។ គួររំលឹកថា៖កាលពីថ្ងៃទៅ២០ ខែមីនា ឆ្នាំ២០២០សាលាដំបូងរាជធានីភ្នំពេញ បានប្រកាសសាលក្រមនៃសំណុំរឿងព្រហ្មទណ្ឌលេខ១៣១៥ ចុះថ្ងៃទី២៧ ខែកុម្ភៈ ឆ្នាំ២០១៩ ដែលមានជនជាប់ចោទចំនួនចំនួន៣៤ នាក់ ត្រូវបានចោទប្រកាន់ពីបទ ចាត់ចែងអោយប្រើប្រាស់ដោយខុសច្បាប់នូវសារធាតុញៀន.ប្រើប្រាស់ដោយខុសច្បាប់នូវសារធាតុញៀន.សមគំនិតក្នុងអំពើប្រើប្រាស់ដោយខុសច្បាប់នូវសារធាតុញៀន .ដែលប្រព្រឹត្តនៅចំណុចមជ្ឃមណ្ឌលកម្សាន្តរ៉ុក ស្ថិតនៅលើមហាវិថីព្រះមុន្នីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី២៣ ខែកុម្ភៈ ឆ្នាំ២០១៩ ដោយផ្តន្ទាទោសជនជាប់ចោទម្នាក់ៗ ដាក់ពន្ធនាគារចន្លោះពី១ឆ្នាំ៦ខែ ដល់៤ឆ្នាំ និង ពិន័យជាប្រាក់ពី ៣លានរៀល ដល់៨លានរៀល ។ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្នុងពិធីបិទសន្និបាតបូកសរុបការងារប្រចាំឆ្នាំរបស់ក្រសួងសុខាភិបាលនៅសណ្ឋាគារ សូហ្វីតែល កាលពីរសៀលថ្ងៃទី១២ ខែមីនា ឆ្នាំ២០១៩ កន្លងមក។ បានថ្លែងសារព្រមានធ្ងន់ៗ ថាករណីឧក្រិដ្ឋកម្មនៅរ៉ក់ មិនត្រូវលើកលែងនោះទេ ទោះត្រូវជីករាប់ម៉ឺនម៉ែត្រចុះទៅក្រោមក៏ត្រូវជីកដើម្បីរកមេក្លោង ព្រោះវាបានបំផ្លាញយុវជនមិនតិចនោះទេ ។ ក្រោយពីការផ្តន្ទាទោសម្ចាស់ក្លឹបនិង អ្នកពាក់ព័ន្ធបានរយៈពេលជាង១ឆ្នាំ ក្លឹបកំសាន្តរ៉ុក ដែលជាអតីតទីតាំងចែកចាយគ្រឿងញៀនដ៏ធំនេះ ក៏បានត្រូវវ៉ៃកំទេចចោលរាបដល់ដី ក្នុងអំឡុងចុងខែឧសភា ដល់ខែមិថុនា ឆ្នាំ ២០២០ នេះ ។ ទោះជាយ៉ាងណាប្រជាជនមួយចំនួនក៏បាននាំគ្នាផ្តិតមេដៃផងដែរដើម្បី ស្នើដល់រដ្ឋមន្រ្តីក្រសួងយុត្តិធម៌ ពិនិត្យសំណុំរឿងនេះឡើងវិញអោយបានម៉ត់ចត់ ដើម្បីអោយប្រជាជនបានអស់ចិត្ត ព្រោះថាអ្នកមាន អ្នកក្រ អ្នកតូច អ្នកធំ ត្រូវរស់នៅក្រោមច្បាប់ទាំងអស់គ្នា។ សូមបញ្ជាក់ថា ម្ចាស់ក្លឹបកំសាន្តរ៉ុក របស់អ្នកឧកញ៉ា គិត ធាង ធ្លាប់ធ្វើ កិច្ចសន្យាចំនួន២លើក រួចមកហើយដោយ បានសន្យាថា "មិនអនុញ្ញាតអោយមានការជួញដូរ ចែកចាយនិងប្រើប្រាស់គ្រឿងញៀន នៅក្នុងទីតាំងអាជីវកម្ម និងសុខចិត្តអាជ្ញាធរមានសមត្ថកិច្ចគ្រប់ជាន់ថ្នាក់ បិទអាជីវកម្មទាំងស្រុង និងទទួលខុសត្រូវតាមច្បាប់ស្តីពីការត្រួតពិនិត្យគ្រឿងញៀនព្រមទាំងច្បាប់ផ្សេងៗទៀត។ បើទោះបីជាមានការធ្វើកិច្ចសន្យាចំនួនពីរដងរួចមកហើយក៏ដោយ នៅក្នុងមជ្ឈមណ្ឌលកម្សាន្តរ៉ក់របស់អ្នកឧកញ៉ា គិត ធា ង នៅតែមានការជួញដូរ ចែកចាយនិងប្រើប្រាស់ញៀន រហូតដល់ថ្ងៃចាប់ ៕
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា