ខេត្តកណ្តាល៖ បន្ទាប់ពីមានការបែកធ្លាយរូបភាព ដែលបានប្រមាញ់នៅវេលាម៉ោង ១១:៤៥យប់ ថ្ងៃទី១១ ខែមិថុនា ឆ្នាំ២០២០ ដោយអ្នកសារព័ត៌មាន និងបានយកទៅបង្ហោះនឹងការអត្ថាធិប្បាយផងនោះ ។ នៅព្រឹកថ្ងៃទី១២ ខែមិថុនា នេះ ក៏មានហ្វេសបុកមួយទៀត (ឈ្មោះ បុត្រានាគ) ក៏បានសរសេរ និងបង្ហោះរូបប៉ូលីសម្នាក់ ដោយបានរៀបរាប់ថា៖ ប៉ូលិសសេដ្ឋកិច្ចខេត្តកណ្តាល បើកភ្លើងខៀវ យកលុយ 15000$ ដើម្បីនាំឈើរមកស្តុបនៅឃ្លាំង ក្នុងស្រុកពញ្ញាឮ ។ ខ្លឹមសារនោះបន្តថា ថ្មីៗនេះមានសេចក្តីរាយការណ៍មួយបានប្រាប់ថានៅវេលាម៉ោង១១: ៤៥យប់ថ្ងៃទី១១ ខែមិថុនាឆ្នាំ២០២០ អ្នករកស៊ីបទល្មើសព្រៃឈើ បាននាំឈើមកទុកនៅឃ្លាំងក្នុងស្ថិតនៅភូមិតាជ័យឃុំជ្រៃលាស់ស្រុកពញាឮខេត្តកណ្តាល ។ ទាក់ទងបញ្ហានេះ លោកឧត្តមសេនីយ៍ត្រីី លី សុជាតិ ស្នងការរង​ទទួល​ផែន​សេដ្ឋកិច្ច​នៃ​ស្នងការដ្ឋាន​នគ​របាល​ខេត្តកណ្ដាល​បាន​ប្រាប់សារព័ត៌មានក្នុងស្រុកថា លោក​មិន​បាន​ពាក់ព័ន្ធ​រឿង​យក​លុយ​យក​កាក់​ពី​ម្ចាស់​សិប្បកម្ម​ដូច​ដែល​អ្នកលេង​ Facebook (ឈ្មោះ បុត្រានាគ) បាន​បង្ហោះ​នោះទេ វាវាជាវាជាព័ត៌មានពិតមិន ជា​ព័ត៌មាន​ក្លែងក្លាយ​។ លោកបន្តថា ៖ ម្ចាស់​សិប្បកម្ម​គេ​មាន​លិខិតអនុញ្ញាត​ពី​មន្ទីរ​កសិកម្ម រុក្ខាប្រមាញ់​និង​នេសាទ​ត្រឹមត្រូវ​។​ នៅយប់ថ្ងៃទី១២ មិថុនា នេះ គេនៅមិនទាន់ដឹងថា សាម៉ីខ្លួនដែលជាស្នងការរង​ទទួល​ផែន​សេដ្ឋកិច្ច​នៃ​ស្នងការដ្ឋាន​នគ​របាល​ខេត្តកណ្ដាលរូបនោះ ត្រៀមប្តឹងម្ចាស់អាខោនហ្វេសបុក (ឈ្មោះបុត្រានាគ) រឺយ៉ាងណានោះទេ ? តែប្រភពពីមន្រ្តីរាជការមួយចំនួនបានបង្ហើបថា ប្រហែលលោកស្នងការរង រូបនោះមិនហ៊ានប្តឹងនោះទេ ព្រោះអាចជាប់ជំពាក់វាក់វិន ? ៕