ខេត្តឧត្តរមានជ័យ៖ ដោយសារតែអំណាច ឯកឧត្ដម​ សូរ ប្រុស សមាជិកក្រុមប្រឹក្សាខេត្តឧត្ដរមានជ័យ ជាម្ចាស់ ក្រុមហ៊ុនS2V (ឆាយណា)​ នាំសត្វមាន់ស្រែ ផ្ដាច់មុខពីកសិដ្ឋាន ខេត្តសុរិន​ ប្រទេសថៃ រាប់ម៉ឺនក្បាលក្នុងមួយថ្ងៃៗ តាមច្រកទ្វាអន្តរជាតិអូរស្មាច់ ក្រុងសំរោង​ ខេត្តឧត្ដរមានជ័យ។​ ដោយល្បីថា មានការឃុបឃិតគ្នាជាមួយប្រធានមន្ទីរកសិកម្ម​ រុក្ខាប្រមាញ់​ និងនេសាទខេត្ត ឧត្តរមានជ័យ ប្រធានការិយាល័យពេទ្យសត្វខេត្ត និងអគ្គនាយកដ្ឋានសុខភាពសត្វ​ និងផលិតកម្មសត្វ វាយលុកទីផ្សារនៅទូទាំងប្រទេស ធ្វើអោយប្រជាកសិករចាប់អាជីពចឹញ្ចឹមមាន់ស្រែ ជាលក្ខណៈគ្រួសារក្ដី ជាកសិដ្ឋាន និងជាសមាគមន៍ អស់សង្ឃឹម ដោយសារតែការនាំចូលសត្វមាន់ប្រភេទមាន់ស្រែ​ ពីប្រទេសថៃមានតំលៃទាប។ នៅថ្ងៃទី១៥ ខែមិថុនា​ ឆ្នាំ២០២០ នេះ មានសេចក្ដីរាយការណ៍មកថា មាន់ប្រភេទមាន់ស្រែ ដែលក្រុមហ៊ុនរបស់ឯកឧត្ដម សូរ​ ប្រុស នាំចូលពីខេត្តសុរិន​ ប្រទេសថៃ​ ផ្ដាច់មុខតាមច្រកទ្វាអន្តរជាតិអូរស្មាច់ ខេត្តឧត្ដរមានជ័យ មិនក្រោមពីមួយម៉ឺនក្បាលនោះទេ​ ក្នុងមួយថ្ងៃៗ នេះបើយោងតាមរបាយកាណ៍ពីគយថៃ ហើយចំនួនមាន់នាំចូលទាំងអស់​គឺលើសពីច្បាប់ក្រសួងកសិកម្មបានអនុញ្ញាតអោយ តែ ៤០០០ក្បាល​ ក្នុងមួយថ្ងៃ​ តែប៉ុណ្ណោះ។ ក្រៅពីការលើសលប់នេះ​ ក្រុមហ៊ុនបានអោយក្រុមអាជីកររកស៊ីមាន់ទាំងអស់​ បងប្រាក់អោយក្រុមហ៊ុនក្នុងមួយគីឡូក្រាម៥០០រៀល​ អនុញ្ញាតអោយត្រឹមខេត្តសៀមរាបតែប៉ុណ្ណោះ។ ដែលមានការធានាខុសត្រូវក្នុងខេត្តឧត្តរមានជ័យ​ និងខេត្តសៀមរាប​ ដោយត្រូវរូវគ្នាជាមួយមន្ទីរកសិកម្ម​ រុក្ខាប្រមាញ់​ និងនេសាទខេត្តឧត្តរមានជ័យ។ ហើយជាក់ស្ដែង​ គឺមន្រ្ដីជំនាញ​ចាប់ពីថ្នាក់ខេត្ត​ រហូតដល់ថ្នាក់ក្រសួងកសិកម្ម មិនដែលធ្វើការបង្ក្រាប បានមួយករណីនោះឡើយ​ អាចបញ្ជាក់បានថា​ មន្រ្ដីជំនាញទាំងអស់ កំពុងតែមានការឃុបឃិត​ និងត្រូវរ៉ូវគ្នា ជាមួយនិងឯកឧត្ដម សូរ ប្រុស សម្លាប់ប្រជាកសិករ ដែលចាប់អាជីពចិញ្ចឹមមាន់ស្រែ ក្នុងស្រុក។ តើឯកឧត្តម វេង សាខុន រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ​ លោកបានជ្រាបពីរឿងនេះដែរឬទេទាន.? ។ លោក​ សុខ ពិសិដ្ឋ ប្រធានផ្នែកទិញលក់មាន់ស្រែ របស់សមាគមន៍កសិករខ្មែរ បានលើកឡើងថា​ សព្វថ្ងៃនេះ​ ការលក់ចេញមាន់ស្រែរបស់កសិករខ្មែរ​ មានភាពលំបាកខ្លាំងណាស់ រហូតដល់លក់មិនចេញ តែមាន់ស្រែនាំចូលពីប្រទេសថៃមានតំលៃទាបជាង ហើយវាយលុកទីផ្សារអស់ទៅហើយ។ មាន់ស្រែកសិដ្ឋានថៃ​ នាំចូលតាមខេត្តឧត្ដរមានជ័យ មួយគីឡូ​ក្រាមស្មើ​ ១៣០០០រៀល និងមាន់មិនគ្រប់គីឡូ​ តែ​ ៧៥០០រៀល រីឯមាន់ប្រជាកសិករចិញ្ចឹម ក្នុងមួយគីឡូ ១៥០០០រៀល​ ទៅ​ ១៧០០០រៀល ទើបលក់បាន ព្រោះការទិញវត្ថុធាតុដើម​ យកមកផលិតចំណី សុទ្ធតែថ្លៃទាំងអស់ ចឹងហើយ​មិនអាចលក់តំលៃដូចគេបានឡើយ។ បើក្រសួងកសិកម្ម​ រុក្ខាប្រមាញ់​ និងនេសាទ​ មិនមានការឹតបន្តឹងការនាំចូលមាន់ពីប្រទេសជិតខាងបានទេនោះ ប្រជាកសិករ​ ចាប់អាជីពចិញ្ចឹមមាន់ស្រែ នឹងបោះបង់អាជីពចោលហើយ។ ជាចុងក្រោយ ពួកគាត់សូមអំពាវនាវទៅដល់ប្រមុខរាជរដ្ឋាភិបាល ក៏ដូចជាឯកឧត្ដម​ វេង​ សាខុន រដ្ឋមន្រ្ដីក្រសួងកសិកម្ម​ រុក្ខាប្រមាញ់​ និងនេសាទ​ សូមអោយមានការឹតបន្តឹង ឬក៏ផ្អាកបណ្ដោះអាសន្ន ចចំពោះការនាំចូលមាន់ពីបររទេស។ ជុំវិញការចុះផ្សាយករណីខាងលើ សារព័ត៌មាន (គេហទំព័រ ប៉ោយប៉ែតប៉ុស្តិ៍) ចុះផ្សាយទៅនេះ ក្នុងនាមជាព្រាបនាំសារ ជាភ្នែកជាច្រមុះ របស់រាជរដ្ឋាភិបាលកម្ពុជា និង ជាកញ្ចក់ឆ្លុះបញ្ចាំង រឿង ល្អ និង រឿងអាក្រក់ ពីសង្គម ហើយសារព័ត៌មានចុះផ្សាយទៅក្នុងន័យស្ថាបនាកែតម្រូវតែប៉ុណ្ណោះ មិនបានបង្អាប់បង្អោន ឬជាន់ពន្លិចបុគ្គលណាមួយឡើយ ហើយសារព័ត៌មានចុះផ្សាយទៅ បើសិនជាសាមីខ្លួនគិតថា ខុសត្រង់កន្លែងណាមួយដោយមិនសមរម្យនោះ សារព័ត៌មានយើងខ្ញុំរងចាំបកស្រាយបំភ្លឺឡើងវិញរៀងរាល់ម៉ោងធ្វើការ ការិយាល័យនិពន្ធ សូមទំនាក់ទំនងតាមរយៈលេខទូរស័ព្ទចំនួនពីរខ្សែTell.092190098 / 0886606773៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com