សម័យកូវីដ១៩.! ល្បែងជល់មាន់ និងអាប៉ោង នៅស្រុកបរសេដ្ឋ ខេត្តកំពង់ស្ពឺ បែរជាកំពុងបើកលេងយ៉ាងរលូន ដោយមិនរំខានដល់អាជ្ញាធរ មានសមត្ថកិច្ចរូបណាចុះបង្រ្កាបឡើយ..!!!
ខេត្តកំពង់ស្ពឺ៖ ទីតាំងសង្វៀនជល់មាន់និងអាប៉ោងមួយកន្លែងបើកដំណើរការលេងបាន រលូន ស្ថិតនៅក្នុងភូមិសាស្រ្ត ឃុំជាំស្រងាំ ស្រុកបរសេដ្ឋ ខេត្តកំពង់ស្ពឺ សមត្ថកិច្ចមិនហ៊ានធ្វើការបង្រ្កាប បែរជាបណ្ដោយល្បែងស៊ីសងខុសច្បាប់បើកលេងបានយ៉ាងរំភើយទៅវិញ។
ប្រជាពលរដ្ឋរស់នៅភូមិនោះ បានដាក់ការសង្ស័យថា៖ អាជ្ញាធរ ឬសមត្ថកិច្ច នៅមូលដ្ឋានមួយចំនួនតូច អាចបានទទួលលាភសក្ការៈប្រចាំខែយ៉ាងច្រើនពីម្ចាស់បនល្បែងស៊ីសងខុសច្បាប់មួយនេះហើយមើលទៅនោះ បានជាមិនបង្ក្រាប.?។
ប្រជាពលរដ្ឋ នៅឃុំជាំស្រងាំ ស្រុកបរសេដ្ឋ ខេត្តកំពង់ស្ពឺ សូមសំណូមពរ ដល់លោក អភិបាលខេត្ត និងលោកឧត្តមសេនីយ៍ទោ សម សាមួន ស្នងការខេត្តកំស្ពឺ និងលោកមេប ញ្ជាការ កងរាជអាវុធហត្ថ ខេត្តកំពង់ស្ពឺ គួរតែមានចំណាត់ការក្តៅចាត់កម្លាំងជំនាញក្រោម ឱវាទចុះត្រួតពិនិត្យ ទីតាំងសង្វៀនជល់មាន់និងអាប៉ោងខុសច្បាប់ ដែលកំពុងបើកលេងនៅភូមិឃុំខាងលើនេះ នឹងមានវិធានការចុះបង្ក្រាប ដើម្បីធានាបាននូវភូមិឃុំមានសុវត្ថិភាពទាំង៩ចំនុច។
ផ្ទុយទៅវិញ អាជ្ញាធរ ឬសមត្ថកិច្ចនៅស្រុក បរសេដ្ឋ បែជាបណ្តែតបណ្ដោយ អោយកើតមានសង្វៀនប្រជល់មាន់ និង អាប៉ោង ខុសច្បាប់នៅភូមិឃុំរបស់ខ្លួនគ្រប់គ្រោង បើកលេងភ្នាល់បានយ៉ាងរំភើយទៅវិញ។
គួរំលឹកផងដែរថា កន្លងមកនេះចម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៃព្រះរាជាណាចក្រកម្ពុជាបានមានប្រសាសន៍ដល់លោកអភិបាល នៃគណៈអភិបាលរាជធានីខេត្តទាំងអស់ ឈប់អោយកើតមានបទល្មើសល្បែងសុីសងគ្រប់ប្រភេទ បើនៅមានកន្លែងណាទៀត អាជ្ញាធរមានសមត្ថកិច្ចពាក់ព័ន្ឋ ត្រូវចុះត្រួតពិនិត្យនិងធ្វើការបង្រ្កាបអោយខានតែបាន៕
ដោយៈ លោក ព្រីង សំឡុត អ្នកយកព័ត៌មាន
គេហទំព័រ ប៉ោយប៉ែតប៉ុស្តិ៍
www.poiperpostnews.com
