រាជធានីភ្នំពេញ៖ មកទល់ពេលនេះអតីតមជ្ឈមណ្ឌលកម្សាន្តរ៉ក់ត្រូវបានសមត្ថកិច្ចជំនាញពាក់ព័ន្ធប្រគល់ឱ្យទៅម្ចាស់ដើមវិញហើយ ហើយត្រូវបានគេកំពុងតែវាយកម្ទេចចោលស្ទើរតែ100% តែគេក៏មិនដឹងថាគេសង់អ្វីជំនួសវិញ ហើយធ្វើអ្វីអោយពិតប្រាកដនោះទេ។ ជាមួយគ្នានេះដែរ ក៏មានការលើកឡើងថាមជ្ឈមណ្ឌលកំសាន្ត(រ៉ក់)ដែលមានទីតាំងនៅតាមបណ្ដោយផ្លូវមហាវិថីព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន គឺជាកន្លែងកម្សាន្តដ៏ធំមួយ នៅកណ្ដាលរាជធានីភ្នំពេញហើយក៏ជាកន្លែងដែលប្រមូលផ្តុំក្រុមក្មេងស្ទាវប្រុសស្រីយ៉ាងគគ្រឹកគគ្រេង ចូលមកកំសាន្តក្រោមឥទ្ធិពលគ្រឿងស្រវឹង និងសេពគ្រឿងញៀនពេញបន្ទុកនាពេលកន្លងមក។ ហើយអ្វីដែលជាការគាត់សំគាល់ ក្រោយពីកម្លាំងមានសមត្ថកិច្ចរាជធានីភ្នំពេញធ្វើការចុះបង្ក្រាបគ្រឿងញៀនទ្រង់ទ្រាយធំមួយកាលពីថ្ងៃទី២៣ ខែកុម្ភៈ ឆ្នាំ២០១៩ វេលាម៉ោង០១ និង៤០ នាទី រំលងអាធ្រាត ក្រោមការដឹកនាំបញ្ជាពីលោកឧត្តមសេនីយ៍ ស ថេត ស្នងការនគរបាលរាជធានីភ្នំពេញ ពេលនោះបានធ្វើការឃាត់ខ្លួនមនុស្សប្រុសស្រីរាប់រយនាក់និងចុងក្រោយបានឃាត់ខ្លួនលោកឧកញ៉ា គិត ធាង ដែលជាម្ចាស់ទីតាំងនោះផងដែរ ហើយកាលនោះសមត្ថកិច្ចបានដកហូតថ្នាំញៀនបានជាង៥០ គីឡូក្រាម ជាវត្ថុតាង នៅក្នុង មជ្ឈមណ្ឌលកំសាន្ត(រ៉ក់) និងបិទអាជីវកម្មជាងមួយឆ្នាំមកហើយ។ រហូតមកដល់ថ្ងៃទី៣ ខែឧសភា ឆ្នាំ២០២០ នេះ អាគារទីតាំងខាងលើ ក្រោយពីត្រូវបានប្រគល់ទៅអោយម្ចាស់ដើមវិញ នឹងត្រូវបានគេធ្វើជារបងឡោមព័ទ្ធពីខាងក្រៅយ៉ាងខ្ពស់ដាក់គ្រឿងចក្រ និងរថយន្តដឹកដីជាច្រើនគ្រឿងសម្រុកវាយកម្ទេចចោល និងដឹកចេញដោយមានក្រុមសន្តិសុខយាមកាមយ៉ាងតឹងរឹង ហើយក៏មានការហាមឃាត់មិនអោយអ្នកកាសែតថតផ្តិតយករូបភាពផងដែរ។ ហើយបើយោងតាមការបកស្រាយពីលោក ថេង សុថុល អភិបាលខណ្ឌចំការមន បានអោយសារព័ត៌មានដឹងថា៖ មជ្ឈមណ្ឌលកម្សាន្ត(រ៉ក់)ត្រូវបានលោកព្រះរាជអាជ្ញារបស់សាលាដំបូងរាជធានីភ្នំពេញ ធ្វើការប្រគល់ទីតាំងនេះទៅអោយម្ចាស់ដើមវិញហើយនាបច្ចុប្បន្ននេះ ពេលនេះម្ចាស់គេកំពុងតែធ្វើការវាយកំទេចអាគារ មជ្ឈមណ្ឌលកម្សាន្ត(រ៉ក់) ចោល ហើយការវាយកម្ទេចចោលនេះដែរ គឺគេធ្វើឡើងចំនួនពី២ទៅ៣ សប្តាហ៍ហើយ ប៉ុន្តែចំពោះគោលដៅទៅថ្ងៃខាងមុខគេធ្វើអ្វីទៀតនោះក៏ពំុទាន់ដឹងច្បាស់នោះទេ.?។ ជុំវិញនៃការវាយកម្ទេចចោល មជ្ឈមណ្ឌលកំសាន្ត(រ៉ក់) ដែលជាសំបុកគ្រឿងញៀនជាង៥០ គីឡូក្រាម ជាវត្ថុតាង ធ្វើអោយប្រជាពលរដ្ឋរស់នៅរាជធានីភ្នំពេញ មានការងឿយឆ្ងល់ជាខ្លាំង មិនគួរវាយចោលបំបិទ ភស្តុតាងនោះទេ ព្រោះថាតុលាការកំពុងសើរើសំណុំរើងនេះ។ សូមរំលឹកថា៖ នៅថ្ងៃទី២៧ ខែកុម្ភះ ឆ្នាំ២០២០ សាលាដំបូងរាជធានីភ្នំពេញ បានប្រកាសសាលក្រមនៃសំណុំរឿងព្រហ្មទណ្ឌលេខ១៣,១៥ ដែលមានជនជាប់ចោទចំនួន៣៤នាក់ ដែលត្រូវចោទប្រកាន់ពីបទ ចិចែងចាយឱ្យប្រើប្រាស់ខុសច្បាប់ នៅសារធាតុញៀន ផ្សំគំនិតនូវអំពើប្រើប្រាស់ដោយខុសច្បាប់នូវសារធាតុញៀន ដែលប្រព្រឹត្តនៅចំណុចមជ្ឈមណ្ឌលកំសាន្ត(រ៉ក់)ស្ថិតនៅលើផ្លូវមហាវិថីព្រះមុនីវង្ស សង្កាត់ទន្លេបាសាក់ខណ្ឌចំការមន រាជធានីភ្នំពេញ កាលពីថ្ងៃទី២៣ ខែកុម្ភះ ឆ្នាំ២០១៩ ដោយផ្ដន្ទាទោសជនជាប់ចោទ ម្នាក់ៗដាក់ពន្ធនាគារចម្លោះ ពី១ឆ្នាំ,៦ខែ ដល់៤ឆ្នាំ និងពិន័យជាទឹកប្រាក់ ពី ៣ លានរៀល និង៨លានរៀល។ មាត្រា​ ៤៤ កថាខណ្ឌទី២ ច្បាប់​ស្តីពី​ការត្រួតពិនិត្យ​គ្រឿងញៀន​ចែងថា អំពើ​ជួល​ទីកន្លែង ផ្តល់​ទីកន្លែង ឬ អំពើ​ផ្សេងទៀត ដែល​បង្ក​លក្ខណៈ​ងាយស្រួល​ដល់​ការប្រើប្រាស់​ដោយ​ខុសច្បាប់​នូវ​សារធាតុ​ញៀន គឺ ជា​បទ​សម្រួល​អោយប្រើប្រាស់ដោយខុសច្បាប់នូវសារធាតុញៀន ត្រូវ​ផ្តន្ទាទោស​ចាប់ពី​៥​ឆ្នាំទៅ​១០​ឆ្នាំ និង ពិន័យ​ជា​ប្រាក់​ពី​១០​លាន​រៀល​ទៅ​២០​លាន​រៀល ៕