រាជធានីភ្នំពេញ៖ សេចក្តីប្រកាសរបស់ក្រសួងសុខាភិបាល បានអះអាងថា ក្រសួងបានស្រាវជ្រាវ រកឃើញមាន ឱសថឈ្មោះ Augbatam 312,5 ផលិតដោយ Mekophar Chemical Pharmaceutical J.S.Co គ្មាន លេខបញ្ជិកា និង គ្មានការទទួលស្គាល់ពី ក្រសួងសុខាភិបាល។ អាស្រ័យហេតុនេះ និង អនុលោមតាមច្បាប់ ស្តីពីការគ្រប់គ្រងឱសថ ក្រសួងសុខាភិបាល មានវិធានការដូច ខាងក្រោម៖ ១. គ្រប់អភិបាល នៃគណៈអភិបាលរាជធានី ខេត្ត ត្រូវណែនាំដល់ លោក លោស្រី ប្រធានមន្ទីរ សុខាភិបាលរាជធានីខេត្ត ផ្សព្វផ្សាយឱ្យបានទូលំទូលាយ ដល់គ្រប់សេវាសុខាភិបាលឯកជន និង គ្រឹះស្ថាន លក់ឱសថ ទាំងអស់បញ្ឈប់ការ ប្រើប្រាស់ និង តាំងលក់ ឱសថឈ្មោះ Augbatam 312,5 គ្មាន លេខបញ្ជិកា នេះតទៅទៀត ។ ២.ភ្នាក់ងារត្រួតពិនិត្យឱសថ ត្រូវសហការជាមួយមន្ទីរសុខាភិបាល រាជធានីខេត្ត វេជ្ជបណ្ឌិត ឱសថការី អ្នកប្រកបវិជ្ជាជីវៈសុខាភិបាល និង អាជ្ញាធរមានសមត្ថកិច្ច ដើម្បីតាមដានរកជនខិល ខូចមកផ្តន្ទាទោស និង ប្រមូលឱស ឈ្មោះ Augbatam 312,5 គ្មាន លេខបញ្ជិកា មកកម្ទេចចោល ។ ៣. លោក លោស្រី ឱសថការី ដែលទទួលបន្ទុកបច្ចេកទេស នៃគ្រឹះស្ថានលក់ឱសថទាំងអស់ ត្រូវបញ្ឈប់ការចែកចាយ និង តាំងលក់ ឱសថឈ្មោះ Augbatam 312,5 គ្មានលេខបញ្ជិកា ជាបន្ទាន់ ។ ៤. ក្រសួងសុខាភិបាល នឹងចាត់វិធាន ការតឹងរ៉ឹង តាមផ្លូវច្បាប់ ចំពោះជនខិលខូច សេវាសុខាភិបាលឯកជន និង គ្រឹះស្ថាន លក់ឱសថទាំងអស់ ដែលនៅតែបន្តចែកចាយ ឬ តាំងលក់ឱសថខុសច្បាប់ ខាងលើ ។ ក្រសួងសុខាភិបាលសង្កត់ធ្ងន់ថា ករណីបាន ជួប ឬ បានឃើញជនណាកំពុងចែកចាយ ឬ កំពុងតាំងលក់ឱសថខុសច្បាប់ខាងលើនេះ សូមបងប្អូន ប្រញាប់ផ្តល់ព័ត៌មាន ឬត្រូវការព័ត៌មានបន្ថែម សូមទំនាក់ទូរស័ព្ទលេខTell.០១១ ៥៧៤ ៧៨៧, ០១២ ៩៨៣ ៣៣៤ , ០១២ ៨៩២ ០២២, ០១៧ ៦០៦ ៦៧០, ០១២ ៥៦២ ៤៤៦, ០១៧ ៨៦៦ សូមអរគុណ៕ ដោយៈ លោក សុខ បូរី និពន្ធនាយករង គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា