ខេត្តបន្ទាយមានជ័យ៖ រថយន្តសង្គ្រោះ មួយគ្រឿងរបស់ សម្តេចអគ្គម ហាសេនាធិបតីតេជោ ហ៊ុន សែន និង សម្ដេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុន សែនប្រគល់ជូនទីបញ្ជាករកងរាជអាវុធ ហត្ថខេត្តបន្ទាយមានជ័យ តាមរយៈ លោកឧកញ៉ា ជា រតនា និងលោកជំទាវ ឧកញ៉ា លី ហៀក រតនានិងលោកឧកញ៉ា សុខ វណ្ណា ដើម្បីយកមកបម្រីប្រជាពលរដ្ឋក្នុងខេត្តបន្ទាយមានជ័យ។ ពិធីប្រគល់រថយន្តសង្គ្រោះ ជូនបញ្ជាការដ្ឋានអាវុធហត្ថ ខេត្តបន្ទាយមានជ័យនេះ ធ្វើឡើងកាលពីព្រឹក ថ្ងៃទី១៥ ខែសីហាឆ្នាំ ២០២០ នៅទីបញ្ជាការ កងរាជអាវុធហត្ថខេត្ត បន្ទាយមានជ័យ ក្រោមវត្តមានលោកឧកញ៉ាជា រតនា និងលោកជំទាវ ឧកញ៉ា លី ហៀក រតនាព្រមទាំងលោក ឧកញ៉ា សុខ វណ្ណា និងលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ព្រមទាំងមន្ត្រីកងរាជអាវុធហត្ថជាច្រើនរូបទៀត។ នៅក្នុងឱកាសប្រគល់រថយន្តសង្គ្រោះនេះផងដែរលោកឧត្តមសេនីយ៍ត្រី បោន ប៊ិន មេបញ្ជាការកងរាជ អាវុធហត្ថខេត្ត ជំនួសមុខអោយនាយទាហាន នាយទាហានរង និងពលទាហាន នៃកងរាជអាវុធហត្ថ ខេត្តទាំងមូល សូមលំអោនកាយ ថ្លែងនូវការគោរពដ៏ខ្ពង់ខ្ពស់បំផុត ចំពោះសម្ដេចអគ្គមហាសេនាធិបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចជាកាល សម្តេចទាំទ្វេរ តែងផ្ដល់នូវការយកចិត្តទុកដាក់ខ្ពស់បំផុត ជួយដល់កងកម្លាំង គ្រប់ប្រភេទ ដោយមិនគិតពីការនឿយហត់ ការលំបាក និង អាយុជីវិត។ ក្នុងនោះផងដែរ លោកឧត្តមសេនីយ៍ត្រី បោន ប៊ិន មេបញ្ជាការកងរាជខេត្ត បានលើកឡើងបន្តរទៀតថា ក្នុងនាមយើងខ្ញុំជានាយទាហាន នាយទាហានរង និងពលទាហាន នៃកងរាជអាវុធហត្ថ សូមគោរពដឹងគុណ សម្ដេចទាំងទ្វេរ និងប្ដេជ្ញាចិត្ត លះបង់គ្រប់យ៉ាងដើម្បី ការពារនូវសុខសន្តិភាព និងការពារមាតុភូមិកម្ពុជា និង អនុវត្តន៍យ៉ាងម៉ឺងម៉ាត់ នូវបទបញ្ជារបស់ក្រសួងការពារជាតិ បទបញ្ជាអគ្គបញ្ជាការ បទបញ្ជារបស់មេបញ្ជាការកងរាជអាវុធហត្ថលើផ្ទៃប្រទេស ជាពិសេសបទបញ្ជារបស់រាជរដ្ឋាភិបាល ដែលមានសម្ដេច អគ្គមហាសេនាធិបតី តេជោ ហ៊ុន សែន នាយករដ្ឋមន្ត្រី ជាប្រមុខ ។ ឆ្លៀតក្នុងឱកាសនោះ លោកឧត្ដមសេនីយ៍ត្រី បោន ប៊ិន បានគោរពជូនពរលោក ឧកញ៉ា ជា រតនា និងលោកជំទាវ ឧកញ៉ា លី ហៀក រតនា ឯកឧត្តម ឌួង អេលីត នាយកពិធីការ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងលោកឧកញ៉ា សុខ វណ្ណា និងប្រតិភូទាំងអស់ជួបតែពុទ្ធពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភានៈ កុំបីឃ្លាងឃ្លាតឡើយ និងជៀសឆ្ងាយពីជម្ងឺកូវីដ-១៩ ។ នៅក្នុងពិធីប្រគល់រថយន្តសង្គ្រោះនេះផងដែរលោកឧកញ៉ា ជា រតនា និង លោកជំទាវ ឧកញ៉ា លី ហៀក រតនា បានចូលរួមជូនដល់កម្លាំងអាវុធហត្ថខេត្តបន្ទាយមានជ័យ ឧបត្ថម្ភជាថវិកាសម្រាប់បាយសាមគ្គីចំនួន២៥០០ដុល្លារផងដែរ៕ ដោយៈ លោក ស៊ុយ វុទ្ធី គេហទំព័រ ប៉ោយប៉ែតប៉ុស្តិ៍ www.poipetpostnews.com