ស្រុកថ្មគោល៖ បើយោងតាមសម្តី លោក ពូ រ៉ូ និង អ្នកម៊ីង ពៅ បានអោយដឹងថា៖ ប្រជាជនដែលជាកសិករអាស្រ័យផលពឹងផ្អែកលើកាដាំដុះធ្វើស្រែចំការដើម្បីចិញ្ចឹមជីវិត កំពុងប្រឈមបញ្ហាកង្វះទឹកភ្លៀង ដែលប្រជាកសិកររស់នៅក្នុងភូមិឆ្កែកូន និងភូមិគោកឃ្មុំ ឃុំគោកឃ្មុំ ស្រុកថ្មគោល ខេត្តបាត់ដំបង កំពុងមានកង្វល់ និងបាននាំគ្នាត្អូញត្អែថា៖ រដូវកាលកូវីដ-១៩ មិនទាន់ចប់ផង ឥឡូវស្រូវងាប់អស់ទៀត តើអោយពួកយើងខ្ញុំរំពឹងអីទៀត.? ព្រោះកាលពីរដូវដើមឆ្នាំមានភ្លៀងធ្លាក់បង្គួរ ធ្វើអោយពង្រួសលូតឡោះល្អ មិនប៉ុន្មានខែផងមេឃមិនអំណោយផល បង្កអោយងាប់ស្រូវអស់។ យោងតាមសម្តីលោក ពូ រ៉ូ និង អ្នកម៊ីង ពៅ ដែលជាប្រជាកសិកររស់នៅភូមិឆ្កែកូន បានរៀបរាប់ពីបញ្ហាក្នុងការធ្វើស្រែអោយសារព័ត៌មាន (គេហទំព័រ ប៉ោយប៉ែតប៉ុស្តិ៍) ដឹងទៀតថា៖ ជាធម្មតា ប្រជាកសិករទូទាំងស្រុកថ្មគោល ពីមុន អាចធ្វើស្រែ(ស្រូវប្រាំង) បានពីរសាក្នុងមួយឆ្នាំ តែមកដល់ឆ្នាំ២០១៩ ប្រជាកសិករប្រមូលផលបានតែមួយសារប៉ុណ្ណោះ ដោយសារតែគ្មានភ្លៀងធ្លាក់ច្រើនដូច សព្វមួយដង បណ្ដាលអោយស្រូវរបស់ប្រជាកសិកររងការខូចខាតស្ទើតែគ្រប់គ្នាទៅហើយ។ លុះមកដល់ ឆ្នាំ២០២០ នេះវិញ ជាធម្មតាក្នុងកំឡុងថ្ងៃទី២០ ខែសីហា ជារៀងរាល់ឆ្នាំបងប្អូនកសិករចាប់ផ្ដើមប្រមូលផលបានខ្លះជាបណ្ដើរៗហើយ តែសម្រាប់ឆ្នាំនេះវិញ ប្រជាកសិករមិនត្រឹមតែមិនទាន់បានប្រមូលផលបានទេ អ្នកខ្លះចំណាយអស់ស្រូវពូជ្រ និងត្រូវភ្ជួរចោលអស់ ពីរបីសារហើយ ក៏ព្រោះតែគ្មានភ្លៀងធ្លាក់ និងគ្មានប្រព័ន្ធធារាសាសសម្រាប់ផ្គត់ផ្គង់ទឹក ទើបពួកគាត់សម្រេចចិត្តធ្វើបែបនិង ។ លោកពូបន្ថែមថា៖ បើគិតមកដល់ថ្ងៃទី ១៧-១៨ ខែសីហា ទើបមានភ្លៀងធ្លាក់បានពីរមេ យ៉ាងធំ ទើបពួកគាត់ក៏សម្រេចចិត្តភ្ជួរព្រួសសារថ្មីម្ដងទៀត ដោយពួកគាត់សង្ឃឹមថា ពេលដែលពួកគាត់ប្រមូលផលបានតម្លៃស្រូវនិងទទួលបានខ្ពស់ មិនធ្លាក់ចុះទាបដូចរាល់ឆ្នាំ។ ដូចឆ្នេះហើយប្រជាកសិករទូទាំងស្រុកថ្មគោល សូមសំណូមពរដល់រាជរដ្ឋាភិបាលនិងប្រមុខថ្នាក់ដឹកនាំមេត្តាជួយធ្វើអោយតម្លៃស្រូវបានខ្ពស់កុំអោយធ្លាក់ទៀបពេក ៕ ដោយៈ លោក ណុប ផល្គុន និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com